¹ Nkuwanena ukuti uwamphyani, akawa ngati amuzya pano achili amutichi, chingatenga ivinthu vyonsi vikalanga avyakwe. ² Kweni walinji mumakasa yawachinjilizi nivyakwe isuke imphindi yino yisi watasile yifike. ³ apo swinya twalinji swewana, twalinji swe wanyepwe mu masundo aya kutalika iyansi. ⁴ Pano imphindi iyenecho yiliyiza e Leza watumile umwana wakwe, uwakukwatwa kumwanachi swinya uwakukwatwa mwisundo. ⁵ Wachisile ukuti atula wano wali mwisika mu masundo, umwakuti tuwe swe wana wakwe. ⁶ Pachifukwa chakuti mwe wana, Leza watumwa mumyenzo yitu Umuzimu uwa Mwana wakwe wino wukupunda, '' Abba Tata.'' ⁷ Achaleka fwende kanonzi usi wemuzya kweni mwe wana, nanthi pano amwana, acho wemphyani ukupitila mwe Leza. ⁸ Kweni pamphindi yoyo, pano mutamanyile Leza, mwalinji mwe wazya kumaka yonsi yano asawa kwe Leza. ⁹ Ukuwa kanonzi pano mwamanyile Leza pamwi inthi kanonzi vino nawe Leza wawamanya ndi mukulonda muwanyochela kuvinthu vino visi namaka nakumizimu miwipe. Mukulonda muwe mwe wazya kwe woliwo swinya? ¹⁰ Walolechesya amanda nu mwezi umupya ni mphindi ya mwaka! ¹¹ Ndi nintete na mwemwe pa mulimo wonsi wuno nawawombela awavye. ¹² Inkhuwalambilizya wanawitu mukole nene, nenji indi ndivino mwemwe. Mwantchitile iviwipe. ¹³ Amuno amulandu wandwala yamumuwili nga awawizya ilandwe zima. ¹⁴ Ukuwa mutatela munkhwelengwe nanthi aku nkhankhamula chingatenga mumwata uwa mumuwili nawelezizwe ukuwa mwapochezile ndimuno mungapochelela umungelo wakwe Leza. Mwamphochezile ngati ne Kristu nye e Yesu. ¹⁵ Nga ukupwepwe kwinu kuli pinyi? Nakawuzyenye nkhuwanena, ndi achali chakuchitika, mwanga mufolowole aminso yinu ndivino chingawa nu kumpha nene. ¹⁶ Wuzye kanonzi nawa ne mulwani winu muno nkhuwanena ivya kusimuchila? ¹⁷ Awanthu wamwi wawo wakuwapelelezya ukuwa akulonda akuwipe chino wakulonda achakuti wawapaule wawafumye kwenene ilyakuti muwapepelezyania nawo. ¹⁸ Ukuwa achizima ukupepelezyania kwechino chiyine peni choo chazipanye pano indi namwe. ¹⁹ Wana watichi swinyanye indi ngati amwanachi wino ali mulupanda ndi nuwulumila uliwongo muno amwemwe isuke imiwele yaku Kristu yiloleke mwakwemwemwe. ²⁰ Chingasechelesya nkhaninye ndacho ingalanga indi namwe kunonzi alyakuti imbachitile chinji, amuno nkhutamika nkhaninye muno amwemwe. ²¹ Nenani, mwemwe wino mukulonda ukuwa pansi pa masundo, mutakwivwila amasundo? ²² Ndimuno kwawalichila ukuti Abrahamu walinji nawana chonsi wawili, wumwi wakwasile mumwanachi imuzya awinji mumwanachi umwanangwa. ²³ Umwanakwe wino wakwasile mumuchi umuzya, wakwasile ndimuno awawonsi wakakwatilwa ukuwa umwanakwe uwamumwanachi mwanangwa weni wakwasilwe mwilayilizyo lyakwe Leza. ²⁴ Chonye choo chilingati amulumbe,awanachinye waa wawili amalayilizyo yawili wenga , akuli kuti we Hagari. ²⁵ Wee Hagari awili mwamba Sinayi wino wuli mu Arabiya; wuli ngati akaya aku Yerusalemu, kuno kanonzi kali muwuzya nawana wakwe weliwe. ²⁶ Ukuwa e Yerusalemu weni amwanangwa we mayo. ²⁷ Amuno amawaliko amatele yawalikwa yati zewelanga mwe wanachi ng'umbawe, pongomokonga awalila nichimwemwe wemunthu usitela uyivwe uwulumilo wampo, amuno umwanachi wino wawingwa aliwa nawana wavule, ukulusya umwanachi wino ali kumulume. ²⁸ Amuno mwewana witu, mwe wana wakwe ndimuno walayilizizye muli ngati we Iyizeki. ²⁹ Pamphindinye yoyo umwana wino wakweweliwo ndimuno awana wonsi wakakwatilwa wayimuya nga winowakwasile ku Muzimu wakwe. Avino chili nilelo. ³⁰ Ukuwa ngafwandi amawalika matele yakuti wuli? ''Yavwanga yati tayilizya umwanachi apaliponga nu mwanakwe amuno umwana wa muzya atalipyana paliponga nu mwana mwanangwa.'' ³¹ Achaleka fwandi wanawitu, tusi swewana wamwanachi umuzya ukuwa swewa mu mwanangwa.