¹ Akana ọne, eme su eboṣẹnṣẹn nọ ẹna nẹ wọ Ijisọs Ẹkraist na. ² Ubaka obuburu nẹnẹ wọ ẹfunwẹnfunwẹn ẹrọ ẹka nẹnẹ wọ ọ Ẹkraist Ijisọs na, a nawọ fan fura obuburu iluwe aka ufọ. ³ Ubaka, ėokẹna obuburu emw di siye na, ubaka eme su iwogbigben iwukpe ọ́rẹ̀, no Osibina siye na. Efile yọ ogben oforo, nẹnẹ ewo aka iluwe iwukpe na, ká da ọva nọ iluwe, aṣẹnebe nọ iluwe ne wọ iwukpe na. ⁴ E siye ọnẹ ubaka ẹkẹna nẹ obuburu eni na, edi so siye itiwu atọ ne men jenjen akọ iwukpe na, ama a akọ ẹfunwẹnfunwẹn na. ⁵ Ẹna nẹ ama nọ ẹrọ iwukpe ọrẹ na bí da fọ bọ uloko wọ ẹpẹn nẹ wọ ama nọ ẹrọ ẹfunwẹnfunwẹn ọ ọrẹ na, ibí da fọ bọ uloko wọ ọ ẹpẹn nẹ wọ ẹfunwẹnfunwẹn nẹka na. ⁶ Ubaka uloko nẹ yẹrẹ ọ iwukpe na ufo ya, ama uloko nẹ yẹrọ ọ ẹfunwẹnfunwẹn na, ẹrọ aka iwu ọbẹbẹrẹ ya. ⁷ Uloko nẹ yẹrọ ọ iwukpw na, ada sẹka ki tọ Osibina, ubaka ba ma kwọ iwu sọ Osibina yọ obuburu, be me diye dí siyẹ. ⁸ Ẹna nẹ wọ ọ iwukpe na bé è dine siye Osibina eka. ⁹ Unẹ uba, ume wọ ọ iwukpe ama ẹfunwẹnfunwẹn ọma, ẹgan Osibina yọ ẹfunwẹnfunwẹn ma wọ ama oro eme su Ẹkraist yọ ẹfunwẹnfunwẹn, ama wa yẹka. ¹⁰ Adaka Ẹkraist wiwiwu, iwukpe nọ okuruno iluwe, ama ẹfunwẹnfunwẹn wo ẹrọ nọ oṣẹrẹ osisiye. ¹¹ Adaka ẹfẹna nẹnẹ yọ ẹfunwẹnfunwẹn palẹ Ijisọs ekpori ṣa na aka fọ ẹrọ nẹ wọ iwukpe iyọ ọ ẹfunwẹnfunwẹn ọrẹ nẹnẹ ma wọ ama na. ¹² Ọnẹ uba, mẹ da iforo abẹ, ubaro ayẹ tẹwa, ama ama wa no iwukpe, ka tẹke ma akọ iwukpe siye ni nan. ¹³ Wa ma nọ ẹrọ akọ iwukpe siye ni na, uturu tọ ufo, ama adaka ẹfunwẹnfunwẹn udi wan nọ iwukpe utun, wa ka ma nọ ẹrọ. ¹⁴ Abẹ ọyọyọ nẹnẹ Osibina ẹfunwẹnfunwẹn fọ ọrẹ yen na, Osibina egben nẹ. ¹⁵ Uma na ẹfunwẹnfunwẹn ne wọ ọvan ẹkana, ka upila kẹ ma aka ọrọrẹ, ama ọna ẹfunwẹnfunwẹn ne wọ anaba ọnẹ ti yi ọ́gà, "Abba, Ẹdẹda!" ¹⁶ Ẹfunwẹnfunwẹn nẹ bẹba siyọ ubedi aka tọ ẹfunwẹnfunwẹn ka Osibina egben ayẹ tẹwa. ¹⁷ Ta dọ egben, ayẹ egbeka ọkogun ayẹ tẹwa, ọkọ ọ Osibina ogun. Atọ akọ Ẹkraist iti bi le wa ọkogun, adaka tẹ mẹbje oya, ubaka, ka tọ ti di gba ugbugbodi aka ayẹ na. ¹⁸ Ka i robale ka oya ojije akana ọnẹ, be ke di ya mọ ọ ugbugbodi nẹnẹ bà áka yẹn tọ na. ¹⁹ Ka ẹlakata nẹnẹ ọma ayẹ ẹbẹba akarọ Osibina egben ne aka yẹn na. ²⁰ Ka ọma ayẹ ẹbẹba bẹ sẹ ya ṣinọ ufolo ama wa iyọ ibe opin ama ẹfẹna seya ṣino ọfanyẹnyẹrẹ. ²¹ Ka ọma aye ẹbẹba ba ka nẹ furọ ọvan yọ ọmunmun, aka ba ka fuwẹ fọmọn iwobi ugbugbodi nẹnẹ wọ Osibina ²² egben ẹka na. Ka ti din ka ọma fẹyan wo igbin aka bile onu numa ka ka na. ²³ Ama wa ọnẹbẹ ayayẹrẹ ka atọ, nẹnẹ su ẹkpare oṣoro ne wọ ẹfunwẹnfunwẹn gbin ibe akọ ti siye akarọ anaba, tọ iwukpe ẹnafan. ²⁴ Ọfanyẹnyẹrẹ ọnẹ tẹ gba ọnafan. Akana ọnẹ wọ ofanyẹnyẹrẹ nẹnẹ anyẹn na gba na ama wọ ọfanyẹnyẹrẹ. Ẹra ekesu ọfanyẹnyẹrẹ ẹkẹna ayẹn nagba na? ²⁵ Ama tesu ọfanyẹnyẹrẹ ẹkẹna ta ma gba na, tẹ karẹ ya aka ọlun. ²⁶ Ọ́rẹ̀ ọrẹ, ẹfunwẹnfunwẹn de siye oguba itọ uriren. ka té mè din akọ te ke siye gbadura na, ama ẹfunwẹnfunwẹn ayẹ ẹbẹba ede siye nẹ tọ akọ ẹtọmẹ nẹ gbeniwu na. ²⁷ Ayẹ na balẹ uloko na, edin uloko ọnẹ wọ ẹfunwẹnfunwẹn, ubaka ayẹ de jọmọ kẹ nọ Osibina yọ ero ọwọnwọn, Osibina yọ ọ ibe opin. ²⁸ Ti din ka ẹnanẹ ni Osibina yọ ẹgana, ede siye ẹpẹn fenyan nọ oboro, nọ ero fenyan nẹnẹ biye akọ e siye ni na. ²⁹ Ubaka ẹnanẹ alayin din na, e diya predistined, bi di wo ọrẹ ọyẹrẹ aka yọ ogben uṣi, ka edi dọ ogben oṣoro ero ọyọyọ iwu. ³⁰ Ẹnanẹ, predestined, ero ẹnanẹ e diye ye nẹ. Ẹra nẹ eye na, ẹnanẹ ediya ṣẹnese nẹ. Ẹnanẹ asẹnese na, abẹ e diya fọ ugbugbodi nọ. ³¹ Ẹna ta ka ga ẹpẹn ẹna na? Osibina awo tẹ ka, eredia bila ẹfa yen etota? ³² Ayẹ nẹnẹ eme sisi kẹse yọ ogben na, apẹrẹ atọ fenyen uba ete yiya wije, gana éèke siye bilamọ fẹpẹn fenyan ne ta? ³³ Ẹra ka fọ ọfọta emegbeli nọ ẹnanẹ Osibina aya wọ ẹfẹna da ke ṣẹn nese na. ³⁴ Ẹra wọ ẹfẹna da ṣẹn nebe na? Ijisọs Ẹkraist aye awa ẹfẹnẹ fọ na bilamo, be palẹya ṣa-aye wọ ọ Osibina yọ uba ojijen, ayẹ ne jumo anetọna. ³⁵ Ẹna ekedi ṣen tọ fura Ẹkraist yọ unina? Ẹrọnanyẹn, sọ ọ ibe obibe, sa igoli, sa anwọn sa iwu ufolo, sa efinyan, ṣa ẹgbele? ³⁶ Akọ nẹnẹ bi siye wọrẹ na, "Nẹ wọ ọ oboro bẹ wantọ isubu fenyan robalẹ tọ akọ ududo nẹ ba yọ fira na." ³⁷ Ẹpẹn ẹnanẹ fenyan tẹ fọrẹ afọrẹrọ ẹfẹna ni tọ ẹga na ọ ọrẹ. ³⁸ Ka isu anyẹnọsẹ ka, ufo, sa ẹrọ, sa angel, sa ijoba, sa ẹpẹn akana ẹka, sa ẹpẹn na ka ṣa na, sa iwogbigbe, ³⁹ sa ọfọfọ, sa olilon, sa ẹpẹn nọ bẹ nẹ bẹ ma na, é ekedi ruwa tọ fura Osibina yọ unini, nẹnẹ wọ Osibina, nẹ wọ Ẹkraist Ijisọs tidu ẹkana.