¹ Eganewọ ikuwa Ẹkraist ima ṣisọ ma, aka mọ ẹyẹ uùbedin diya damọ ubedi ẹfunwẹnfunwẹn ọnwọnwọn, ² nemọ amẹ esu ibe obibe aka onunuma ne me jọn mọ na imọ uloko na. ³ Aka, iniya ka, bi ṣuwa mọ adan, bẹ fọmọ fura Ẹkraist imọ ẹda abẹ uba, aka mọ iken ro abẹ akọ iwukpe siye niya na. ⁴ Israel ro abẹ wa. Bi su anaba, ugbugbodi, ọkpa ojije, ese nẹ wọ ububuru ẹka na, utun osisiye ẹtempu, aka ọwọ ọrọnrọn. ⁵ Esu ẹda ẹẹ̀pan nẹnẹ Ẹkraist ṣa aka ẹpan nọ tọrọmẹ na iwukpe-ayẹ nẹnẹ wọ Osibina nẹ atọ fenyan na. Uyiyey nẹ yan otutumotutun Aamin ⁶ Ama eme gbeka Osibina yọ ẹga afalẹ Ama wọ ero fenyan nẹnẹ wọ Isreal na, awọ Isreal ikuwa ẹka. ⁷ Eme diye gbe ka Abraham yọ ubanẹ fẹyan awa yọ egben ikuwa ẹka Ama, "Isaac ọ ọrẹ ayẹ be ke ye wọ ubanẹ." ⁸ Aue wa ka, iwukpe egben ba ma wọ Osibina egben. Ama egben nẹ wọ owo ọrọnrọn ẹka na, abẹ balẹ akọ ubane na. ⁹ Ka ọnẹ awa ẹga nẹ wọ owo ọrunrun: "Ọgba ọnẹ maka ṣa, ma ka fọ ogben oforonọ Isarah." ¹⁰ Ama wa ọnẹ ayayẹrẹ, ama ọgbọna kọ Irebekah eṣe iyon oforo ọbẹn na, tọ ẹdẹda Isaac - ¹¹ ka bé è mi ba egben nẹ nanẹ, be mí diye siye ẹpẹn nẹnẹ wọ oboro sa odudu na, ubaka ọnẹnẹ Osibina ni na, ọnẹnẹ e tiye na aka jọmọn, eme gbeka osisiye ama ẹfẹna yẹ na uba - ¹² bẹ ga nọ iyari ayẹ, "Osuda ro eke siye okoto nọ okékéro." ¹³ Eki we akọ bi siye wọrẹ na: "Ijecob ini ama Esau ime ni." ¹⁴ Ẹna ta ka ga? Osibina é è siye ọṣẹrẹ họn? Egbadọ adẹgan. ¹⁵ A ganọ Imoses, "Maka sọn ẹfẹna me ni ka ẹ sọn yi na, me ke di ya su eyọsọn nọ ẹfẹna me mi ni ka isu eyọsọn nọ na." ¹⁶ Ọne uba, eme gbeka ẹfẹna ni ka ayi siye na, sa ubaka ẹfẹna mune na, ama ubaka Osibina nẹ fọ eyii yẹn na. ¹⁷ Osibina ẹga ga nọ Epharaoh, "Ẹkẹ nọ nẹ uba a wọrẹ ẹkpanwọn fura, ubaka idi fo mọ iwogbigben yẹn iwi wu, aka bi di san mọ iwuru wara ẹrọ fenyan." ¹⁸ Ọnẹ uba, Osibina da sọn ẹfẹna ayẹ eni ka ayẹ sọn meyi na, ẹfẹna e diya barẹ ya na, afọ uloko oṣiṣile anẹ ya. ¹⁹ We ke mi ga nẹmọ ka, "Ẹna nẹ ede ki ni ẹbẹ na? Ẹra egbadọ jọmọ akọrẹ yọ ibe opin na?" ²⁰ Ọrẹ nẹ wọ obo na, oforo, ẹra ọwa nẹ we pila Osibina ẹga na? Esu osiye ka ẹfẹna bẹ ma na, a ganọ ẹfẹna mẹ na, ka, "Ẹna ne ọma mọ akọ na?" ²¹ Ọmọ ọtẹlẹ è è mesu iwogbe wọ ídin ka ayi siye idin ọloyẹrẹ ọbọ nẹnẹ bilo anọ kurunọ aka ọbọ ọbẹn nẹnẹ wọ ọnẹ be me lo nọ okurunọ na ²² Adaka Osibina, nẹnẹ enika aye fọ yọ ọkẹkan aka aya diya fọ yọ iwogbigben yẹn, a fo iwu na aka ofiwuna ọbọ ọkẹkan nẹnẹ siye ka bi siye ofu na? ²³ Egbe ka e siye ọnẹ ka ayi ya yẹn arọn nẹnẹ wo yọ ugbugbodi ẹka na nọ ọbọ ẹnanẹ wọ eyi ẹka na, nẹnẹ ata yi siye nọ ugbugbodi na? ²⁴ Egbe ka e siye ọnẹ nẹ katọ, nẹnẹ e ye na, eme gbeka Ijews abẹ, diye furọ Ikuwero abẹ iwu? ²⁵ Akọ e diye siye ga Ihosea na, "Me ke ye mero nẹnẹ ama wa mè ro na, aka ẹfẹna ini yẹga nẹnẹ ime ni yẹga na. ²⁶ É èke mi wọ ọnẹ be ẹfa nẹnẹ bi we ga nẹ ba ka, "Ni ma wa mọ ero, ẹfẹ nẹ bẹ be ke mibwe ye ba Osibina ne wo ẹrọna egben." ²⁷ Isaiah yi ọga veṣa Isreal uba, "Isreal ro egben yo aka aṣẹnṣẹn nẹnẹ wo okun na, eke ṣinọ onẹ nẹ ku nẹ baka nafan na, ²⁸ ka Idu aka ṣẹn yẹ ga, ẹrọ nẹ, eke fon." ²⁹ Akọnẹ Isaiah siye tayẹ gẹ na, "Adaka Idu obiwogbigben eme te bi tu ato ubanẹ, iteke ki wo akọ Isodomu na, aka tẹ ke mi ṣinọ ọ Igomorah." ³⁰ Ẹna ta ka ga? ka Ikuwero abẹ, nẹnẹ eme gu ọṣẹrẹ osisiye na, bẹ gba ọṣẹrẹ, ọṣẹrẹ ọnawọ nẹ bi su na. ³¹ Ama Isreal, nẹnẹ gu ububuru nẹ wọ ọṣẹrẹ na, be me di re ububuru ayẹ ³² Ẹna wọra? Ubaka ka ba ma yẹrẹ ya aka ọnawọ, ama akọ utun osisiye na. Bẹ pila ido yẹ rọ ọ ido ọtarẹ. ³³ Akọnẹ bi siye wọrẹ na, "Balẹ, Ẹfo Ẹzion ọ ọtarẹ opilido ṣẹrẹ wije aka ọtarẹ ọ́rẹ̀ oṣisiye. Ẹfe na ka nẹ wọ na, ẹpan na ka kọya."