¹ Sa inẹ me din, mọ ẹda abẹ (ubaka ẹnanẹ din nọ ububuru na ẹ́mà á ge ga, ka ububuru ede jobin yẹrẹ oro ẹpan ọgba nẹnẹ ẹki wọ ẹrọ na? ² Ubaka iyaro nẹnẹ wọ oforo ubowo na ububuru nẹ wa yọ oforo ẹka na sẹya, yọ oforo ẹki wọ ẹrọ na, ama yọ oforo efo, atọra fura ububuru nẹnẹ wo oforo akọ oworo etin na. ³ Ọnẹ uba, ogbanẹ yọ oforo kiwo ẹrọ na, eje na ma kẹyẹ oforo ọbẹn, ibe yẹ onọsẹsẹro. Ama yọ oforo éfò, afsn furọ ọ ububuru eme pila wọ onọsẹsẹro egbeka ama oforo oben amana. ⁴ Ọnẹ uba, mọ ẹda iforo abẹ, biya ka ni fo obuburu Ẹkraist iwu. aọnẹ e we ẹgan, bi di fọ na bile aka oro ọbẹn, nẹnẹ bẹ suma fura ekporo na, uuba ka ti di mu nọ ilukutu nọ Osibina. ⁵ Ọgbọna ti wo itiwukpe na, iluwe unisiye, ububuru, be siyọ utun itọ iwukpe ka ti mu nọ ilukutu nu ufo. ⁶ Ama akana bẹ tọra tọ fura ububuru. Ti fo nọ ọnẹbẹ nẹ biya paretọ wije na. Ọnẹ wẹgan, tí dí siyu tun owowo nẹ wọ ẹfunwẹnfunwẹn ẹka na ámà wọ osusun ẹka. ⁷ Ẹna ta ka ga?Ububuru ẹbẹba iluwe ya họn? Eme seye ganda àmá, èbana idin nọ iluwe, ama da ububuru ọrẹna. Eba na idin ọlarẹ ama daka ububuru gẹ na. "We gbadọ asọ ọlarẹ." ⁸ Ama iluwe lo ọgba nẹnẹ esu na yo ububuru ọ́rẹ̀ a a fọ ọlarẹ wo mi wu. Adaka ububuru eme wamọ, iluwe efo. ⁹ Ọgba ọbẹn iwo ẹrọ nẹnẹ wọ ububuru, ama ọgbọna ibuburu ṣa na, iluwe ediya nọ ẹrọ oila, emi fo. ¹⁰ Ibuburu nẹnẹ bọwọ ka afọ ẹrọ ṣa na, emi ṣinọ ufo wewo. ¹¹ Ka iluwe lo afame yọ ububuru awọrẹ mọ. Ibuburu ọ ọrẹ anwanmọ. ¹² Obuburu wọ ọwọnwọn, aka ibuburu wọ ọnwọnwọn ọṣẹrẹ, e diya rọnmuro. ¹³ Ọnẹ, siye ẹkẹna rọnmuro na sinọ ufo nẹmọ? Èke si ye ẹgan da. Ama iluwe, ubaka di gbẹ ka iluwe ya, afọ uẹn imiwu ẹkẹna rọnmuro na, aka ibuburu ọ ọrẹ iluwe eke ṣinọ ọ iluwe ọkẹka. ¹⁴ Ubaka ri din ka obuburu ẹfunwẹnfunwẹn ya, ama iwukpe ayẹ wa. Bẹ j̇ọmọ aka ọvan na nọ iluwe. ¹⁵ Ubaka ẹkẹna me siye na, eme ye mu. Ẹkẹna me ni ka siye na, ime siyẹ ẹkẹna ime ni yẹga na ayẹ mebsiye. ¹⁶ Ama me siye ẹkẹna ime nika isiye na, Ida na obuburu wọ ka obuburu rọn muro. ¹⁷ Ama, akana ọnẹ, eme pila wa amẹ e siye, ama iluwe nẹnẹ ama nọ imọ iwu na. ¹⁸ Ubaka idin ka, imọ iwukpe, eme su ẹpẹn oboro nẹnẹ ámà na mọ na, ubaka oboro, ónì osiye wo mi wu, ama ime di siye. ¹⁹ Ubaka oboro nẹnẹ me ni ka isiye na, ime di siyẹ, ama odudu nẹnẹ ime ni na, ayẹ me siye. ²⁰ Akana ọnẹ, me siye ẹkẹna ime ni ka i siye na, eme pila wa ame, ama iluwe nẹnẹ ama nọ imiwu na ya. ²¹ Ẹgba obuburu ọnẹ: me ki ni ka esiye oboro na odudu de jọmọ kẹyẹ mọ. ²² Ida kẹ bẹn Osibina yọ obuburu imọ ibibe. ²³ Ama ẹgba obuburu obo imọ iwukpe. Ada mọ obuburu owowo imu loko. Ada sẹ mọ ọvan obuburu iluwe ẹka nẹnẹ wo imọ iwu na. ²⁴ Ẹwọ ẹfẹna nẹnẹ yi be amarọ kotuntun na! Ẹra ka na mọ fan furọ iwukpe nẹnẹ wọ ufo ẹka na? ²⁵ Ama, tẹ gan mọ Osibina ẹba Ijisọs Ẹkraist ọ ọrẹ nẹnẹ wa tọ Idu na! Ọnẹ uba, kamẹ ẹbẹba a yẹrẹ Osibina ububuru aka mọ ọkan. Ama, aka iwukpe ma yẹrọ ububurubiluwe ẹka.