¹ Ubaka bẹ ṣenese nọ ọnawọ tisu iwu ọbẹbẹrẹ akọ Osibina Ijisọs Ẹkraist ọ ọrẹ. ² Iyọ ọrẹ, ti die su ọrẹ-ọfefọn ọnawọ fọn yọ ẹse, ọnene ti jọn mọ na, tẹ fọ uba tọ ọ iloke ti diya fọ ọkan sẹ Osibina ugbugbodi. ³ Ama wọ ọnẹ ayayẹrẹ, ama ti diya tu uba iloko itọ ọ ayẹn nọrọnrọna. Ti din ka, ẹrọnanyẹn á da fọ ọfọ iwu sa na. ⁴ Ọfọ iwuna ada fo iwa yẹn, aka iwa ada fọ ọ ọfo-ayẹn yere sa. ⁵ ọfo-ayẹn yẹrẹ afọ ẹpan nọ kọkọ aṣa uba ka bi guma. Osibina yọ onini wo tọ uloko ẹfunwẹnfunwẹn nọ wọnwọn ọ́rẹ, nẹnẹ biya na. ⁶ Kiwo ọgbọna ti ren na, ọgba nẹnẹ wọ ọṣẹrẹ na Ẹkraist fo nọ ẹnanẹ ama wọ ọ Osibina ẹka na. ⁷ Ẹke numa ṣana oro efo nọ ọṣẹrẹ ro, e diue su osiye ka oro efo nọ orokoro oboro. ⁸ Ama Osibina fọ yọ onini ayẹn tọ, ubaka ọgbọna te ki wọ iluwe ro na, Ẹkraist fo nẹtọ. ⁹ Fọrẹ ọnẹbẹ, akana ọnẹ nẹ bẹ ṣẹn tọ ese aka yọ ẹyọn, aye aka natọ fan fura Osibina yọ ọkẹkan. ¹⁰ Adaka, ogbanẹ nẹ ti ki wọ ebero na, bi guru tọ etin aka Osibina, iyọ ogben ufo ọrẹ, diya fọrẹ ẹgan, ọgbọna bi guru tọ etin, ke na ta ka gba ọnafsn iyọ ẹrọ. ¹¹ Ama wọ ọnẹ ayayẹrẹ, ama teke diya bẹn Osibina, itọ Idu Ijisọs Ẹkraist ọrẹ, ẹfẹna egbeka yọ ọrẹ ti we gba igurume. ¹² Ọnẹ uba, oro oyẹrẹ ọrẹ iluwe fọn mọ ẹrọ, ọrẹ ọnẹ ufo yẹrẹ iluwe ọ́rẹ fọn. Ufo tẹrẹ rọ ero fenyan ubaka atọ fenyan luwe. ¹³ Ama, sana ububuru, ilwe wo ẹrọ ama emesu ọ ṣo oro nọ iluwe ọgbọna nẹ ububuru eme wa mọ na. ¹⁴ Kẹgankẹgan, ufo jobin wo Adamu ọgba jene re Imoses, akọ ẹnanẹ éme siye iluwe akọ Adam yọ ọtọn moṣiṣi na, nẹnẹ ewo aka ẹfẹna aka ṣa na. ¹⁵ Ama yọ ẹse emé wo aka oṣi siye na. Adaka oro oyẹrẹ yọ oṣi siye ero ọyọyọ fo, gana eke mi siye wa Osibina yọ ese aka yọ ọva, oro ọyẹrẹ yọ ese Ijisọs Ẹkraist ayọ nọ ero ọyọyọ! ¹⁶ Ubaka ọva eme wo aka oro ọyẹrẹ ọnẹbẹ iluwe na. Ẹkarẹ ọṣẹnṣẹn ayẹrẹ oṣisiye ọyẹrẹ afọ ọ ẹbọsẹsẹn ṣa, ama ọva yẹrọ oṣisiye ịyọyȯo afọ ese ọṣẹnṣẹn ṣa. ¹⁷ Ama, adaka oṣisiye ró o ọyẹrẹ ẹka, ufo yẹrẹ oro ọnẹbėo òrẹ eje obin gana eke mi siye wa ẹnanẹ nọ ese ọyọyọ aka ese nọ ọsẹrẹ osisiye jobin ẹrọ Ijisọs Ẹkraist ọrẹ. ¹⁸ Ọnẹbẹ uba, akọ oṣisiye ọyẹrẹ siye fọ oro afọn mọ eboṣẹṣen na, nọ ero fenyan egan ne diye siye wa, ọsẹrẹ osisiye ọyẹrẹ fọ ese ọṣẹṣẹn akọ ẹrọ nọ ẹrọ fenyan. ¹⁹ Wo oro ọyẹrẹ yọ ọton mo ṣiṣi, ero ọyọyọ ṣinọ iluwe ro, ẹgan esiye diya wa nẹ, oro ọyẹrẹ yọ ọtọn mọwọwọm ba ka sọ ọyọyọ ṣina ọṣẹrẹ. ²⁰ Ububuru ayẹ ṣa ka ayi kuru bile oṣisiye. Ama ẹfẹna iluwe ma na, ese yọ wo ẹfẹnẹbẹ fọrọ iluwe. ²¹ One siye ka, akọ iluwe siye jobin ufo na, kọ ẹse ẹke jobin ọṣẹrẹ osisiye nọ ẹrọ nemesu ọtana, itọ Ijisọs Ẹkraist tọ ọ Idu ọọrẹ.