¹ Ọna wọ ọfọfọrẹ nẹnẹ Ijiwu ro su na? Aka ẹna wọ ifuwẹsẹ yọ ọ ẹkẹrẹ a? ² Ẹpẹ nọ kẹka ya ọrẹ feyan oṣoro, Ijiwu ro abẹ Osibina fọ ọfọyẹn dọn bu ba. ³ Adaka Ijiwu ro ẹbẹn ne me su ọnawọ? Bọ ọ́mà na wọ ayẹ, ebana asọ ọ Osibina yọ ọnawọ jọmọn họn? ⁴ Èke siye ẹgan da, akọkọ ọnẹbẹ jọmọ tẹ gbaka, Osibina aya wọ ọ ikuwa eyisi gbeka orokoro efnyan awọ ọ iṣoma ro. Akọnẹ bi siye wọrẹ na, "Ka ọgbaka bẹ fọwọ yẹn aka ọṣẹrẹ ro na iwọ ẹga ọgẹga, udi jọ ese ọgbọna we re ẹkarẹ oṣeṣẹn na." ⁵ Ama adaka tọ oṣẹrẹ nẹ te me siye na afọ ọ Osibina yọ ọṣẹrẹ osisiye yẹn, ẹna ta ka ga? Ita ka ga ka Osibina eme siye ọṣẹrẹ họn ka afọ yọ okẹkan yẹrẹ tọ? (Orokoro yọ ọ osakata me lọ.) ⁶ Èye siye ẹgan da! Ọnẹ uba gana Osibina eke siye ṣẹn nẹkarẹ nọ ẹrọ a? ⁷ Ada ka Osibina yọ ikuwa imọ iṣoma wọrẹ yọ ugbugbodi san, ẹnanẹ ba kẹ ṣẹn mọ ẹkarẹ akọ iluwero na? ⁸ Ena nẹ na ma ga akọ bi siye betu fuwa na, bẹ gaka, akọnẹ ẹro ẹbẹn siye gaka tẹga na, "Jọmọ ti siye odudu, oboro edi ṣa"? Bọ owiwọn aṣẹrẹ. ⁹ Ẹna awa? Ite ewuna tiwu efura họn? Ama wẹ gan. Itẹ tayi siye ọfọta nọ Ijiwu ro aka Igriki ro abẹ, fenyan ka bi wọ ọ iluwe igben. ¹⁰ Ọnẹ ewo akọnẹ bi siye wọrẹ na. "Ẹmẹsu ẹfẹna nẹnẹ e siye ọṣẹrẹ na, emesu koro ọyẹrẹ". ¹¹ Eme su ẹfẹna din na. Eme su ẹfẹna ni osi gba na. Abẹ fenyan ke pita yurun. ¹² Abẹ fenyan ṣinọ ọ ẹpẹn gbọgba. Eme su ẹfẹna e siye oboro na, emesu koro ọyẹrẹ." ¹³ "Bọ ọ ofe, ọsọ nẹnẹ jin wije na ya. Bọ ẹlarẹ ekwe siye awọrẹ. Ẹpẹn nidudu yọ ọtá wo ibọ owokpe." ¹⁴ "Bọ owo fe nọ adan aka ọsẹsẹ." ¹⁵ "Bọ ẹsẹn de wo ẹlakata ka ayi gu mọ ẹyẹn. ¹⁶ Obibe fuwa aka oya ewȯ ọ ibọrẹ. ¹⁷ Ero ẹnanẹ bé èmi dinọ iwu ọbẹbẹrẹ orikpokpo." ¹⁸ "Osibina yo ọrọrẹ ọsọsọ eme woba áyẹn." ¹⁹ Akana ọnẹ, ti din ka ẹkẹna nẹ no ububuru aga na, agẹga anọ ẹnanẹ wọ ububuru ayẹ igben na. Ọnẹ edi wọrẹ ka, bí pu owo fenyan bi di sọ ọ ẹrọ fenyan ka be da Osibina ẹka. ²⁰ Ọne awọrẹ ka, emesu iwukpe neke jese na, ububuru yọ osisiye iyọ áyẹn. Ubaka ububuru ayebiluwe odindin de we ṣa. ²¹ Akana one, efura ububuru Osibina yọ ọṣẹṣẹrẹ osisiye bẹ fuwẹ yẹn. Ububuru aka ọgẹsẹ ro abẹ ayẹn twẹ. ²² aya waka, Osibina yọ ọṣẹrẹ, ọnawọ Ijisọs Ẹkraist nọ ẹnanẹ na wọ na. Ubaka emesu oboro. ²³ Ubaka ero fenyan luwe, Osibina yọ ugbugbodi eme pile gotu. ²⁴ Be ṣen nese nẹba, iyọese onafan nẹnẹ wọ Ijisọs Ẹkraist na. ²⁵ Ubaka Osibina fọ Ijisọs ṣa akọ oguguru ro na, ọna wọ iyọ ẹyọn. Afọ Ẹkraist edi yayen nọ yọ ikuwa ubaka áfo-ayẹn ofurọ iluwe nẹ bẹ tayi luwe na. ²⁶ iyọ ọfiwuna, fenyan ẹnanẹ kwe siye, edi ya yẹn nọ yọ ọṣẹsẹrẹ, ọgba ọnẹ. Ọnẹ edi wọrẹ ka, edi fọ yiwu yẹn akọ ikuwa ro na, ediya yẹn ka, ediya ge ka oro siye ọṣẹrẹ onawọ Ijisọs uba. ²⁷ Ẹna wọ ọtubuloko a? Bi tiye fura ububuru ọla ọna? Sọ ọ utun? ama ububuru ọnawọ ẹka. ²⁸ Ti mi sẹya ẹpan ka ọnawọ ada ṣẹn nese noro ama wọ ububuru utun. ²⁹ Ṣa, Osibina, Ijiwu ro abayẹrẹ Osibina ya họn? Aka kọ ikuwaro abẹ Osibina? aka kọ ikuwaro abẹ. ³⁰ Ada ikwa Osibina wọ ọyẹrẹ aka ṣẹn nese nọ ẹnanẹ ẹnanẹ bẹ fuwẹsẹ na onawow ọrẹ, aka ẹnanẹ bama fuwẹsẹ na onawow ọrẹ. ³¹ Ite kemi fọ onawow mu nọ ububuru họn? Eke gbadọ siye ẹgan da! Akẹ dẹ gan ita ka fọ iwu gbeli ububuru kayi jọmọ.