¹ ̣nẹ uba, ume su ẹkarẹ kọyẹrẹ, enane dakẹ sẹnẹkarẹ na, ẹkẹna nẹnẹ wa ṣẹn nẹ rẹbẹn nẹkare na ayẹ ba ka sẹn ne kabe. Awọ nẹnẹ aṣen nẹ karẹ ano-ero na ẹpẹn ne nane ka awọ we siye na. ² Ti din ka Osibina yọ ọ ẹkarẹ ọṣẹnṣẹn ikuwa aye awa, aka falẹ wọ ẹnanẹ esie ẹpẹn nenabe na. ³ Amà ni roro ọnẹ, anọ dake ṣẹn nọ ẹnanẹ e siyọ ẹpẹn nenane ẹkarẹ na ọnẹne gbeka, ẹpẹn-nenabe kanọ e siye na. Ini diya fan furọ ọ Osibina yọ ọ ẹkarẹ ọṣẹnsẹn? ⁴ Sa ini roro ka iyọ arọn nẹ wo iyo-eyi na aka yọ ọya nẹnẹ aka sane je oro na aka yọ ne? Udin ka yọ eyi afọ ọgba nẹwọ ka uroro ibe pila? ⁵ Ama ere wọ uloko oṣiṣile aka uloko ne me rorọ ibe pila na, kaa ọkọ éjèse ọkẹkan, re ọkẹkan isubu, aya wọ ofọyẹn ni subu nẹ wọ Osibina yọ ọ ọṣẹrẹ ẹkarẹ ọṣẹnsẹn. ⁶ Èke duna ororo nẹ fẹyan nẹ e siye na. ⁷ Nọ ọ ẹnanẹ fọ iwu na nọ ẹpẹn no boro o siye na, bi nọ ọ ugbugbodi, okurunọ, aka ọnemesobe, aka fọ ọ ẹrọ nẹnẹ emesu ọta na. ⁸ Ama ẹnanẹ egbeka abayẹrẹ ẹka be gu na, nẹnẹ ṣọ tọn nọ ikwa na ama bẹ nọ ọnẹnẹ ama wọ ọṣẹrẹ na awọ, ọkẹkan aka iwọ ọkẹkan odudu aka ṣa. ⁹ Osibina aka fọ ẹrọnanyẹn aka ibẹ oninefuwa nọ erokoro fenyan nẹnẹ siye odudu na, ọṣoro, nọ ọ. Ijiwu ro abẹ, diya nọ Igriki ro abẹ. ¹⁰ Ama ugbugbodi, okurunọ aka iwu ọbẹbẹrẹ aka ṣa nọ iro fẹyan nẹnẹ e siye oboro na. Tayẹ nọ Ijiwu ro abẹ aka Igiriki ro. ¹¹ Emesu ọbalayẹn siye Osibina ẹfa. ¹² Abe ọyọyọ nẹnẹ luwe na ma wọ ọ ububuru ọrẹna, be ke fu, kọ ẹnanẹ diye luwe ububuru ọrẹ na, ba ka ṣẹn nọ ẹkarẹ ububuru ọ́rẹ̀ nẹba. ¹³ Ubaka ama wọ ọ ẹnanẹ awọ ububuru na ewo ọṣẹrẹ Osibina ayẹn ama ẹna nẹ e siye ububuru ayẹ na abẹ baka ṣẹn nọ ese. ¹⁴ Ọgbọna nẹnẹ Ikuwero abẹ, nẹnẹ me su ububuru na siye ibọ ọma ẹpẹn nẹnẹ wo ububuru ẹka na, ububuru bėo wa no biwu, kakọnẹ ne me siye su ububuru ayẹ na. ¹⁵ Ọnẹ ùbq biya yẹn ka osisiye nẹnẹ ububuru enika ti siye na, bẹ wọrẹ wo ibo uloko. Bọ ẹyẹ uùbedin aka da ubedin nẹba, ka bọ ọ iroro eke siye ọfọta nẹba, edi diya anẹba. ¹⁶ Diya nọ Osibina aka ṣẹn nẹ karẹ ẹbẹbẹ no roro ke siye na, imọ ọ epepan noboro Ijisọs Ẹkraist ọọrẹ. ¹⁷ Ama wa ba wiwu iwuru Ijiwu ọfọ wiwu gbelọ ububuru udiya fọ Osibina kẹ ko agumabọ, ¹⁸ udin yọ ibe-opin, udin fuba wo ọnẹ wọ ọṣẹrẹ na, uba ka bi te wu ububuru; ¹⁹ ama we su anyẹnọsẹ ka, awọ ẹbẹba ọfọ ọ ọrẹ ayẹn nọ ọ openayẹn ọsọ udiya wa nọ ọ ẹnanẹ wo e siri na, ²⁰ oforikpọkpọ yẹn na abẹyẹ ro, otitero nọ egben ni kere, aka ka ti su odindin, ububuru, ọnẹnẹ wọ odindin ikuwa ẹka na, gana ọnẹ siye dẹyẹ akọ usiye siye wẹrọ na? ²¹ Awọ nẹnẹ we te ero ẹbẹn na uweme tw wiwu họn? Awo nẹnẹ wa ga ka ero emeki yirọ oyiri na, awọ e yirọ oyiri họn? ²² Awọ nẹ gẹ ka ero ama kẹ sẹ oni na awa sẹ oni họn?. Awọ nẹnẹ uwe ni ujun ẹga na, ama we yi rọ ẹtẹmpulu oyiri? ²³ Awo nẹnẹ uda fọ uba ke tuloko ububuru na, uwe me kuru nọ Osibina nẹnẹ uma yẹrẹ yọ ububuru na? ²⁴ "Ka, be siyọ ẹnakọ e tọ Osibina yọ iwuru ikuwero abe iwu, wu uba apẹrẹ," akọ e siye wo ọwarawije na. ²⁵ Ifuwẹsẹ wọ ọ ẹkẹrẹ nẹwọn, we ki siye ọnẹ obuburu gana ama adaka ume siye ọnẹ nẹ ububuru ga na, uwe ṣina ẹfẹna ba ma fuwẹsẹ na. ²⁶ Adaka ẹfẹna bama fuwẹsẹ na ayẹrẹ ẹkana ububuru ga na, yọ o ifuwẹse nẹ bama fuwẹsẹ na, ama bọwọ ka bi rorẹ wo ka bẹ fuwẹsẹ họn? ²⁷ Ọnẹnẹ egbeka bawa fuwẹsẹ ka bọ ọ ije ṣa na, è éke won wu họn, ayẹ è siye ọnẹnẹ ububuru ga na? Ẹkẹ na wọrẹ na wa ka usu obuburu nẹbẹ wọra na aka ifuwẹsẹ, ume ki yẹrọ obuburu! ²⁸ Ámà wọ Ijiwu ro nẹnẹ egbeka ọnyẹn yana, sọ ọ ifuwẹsẹ nẹnẹ ki wọ ọ ọyẹn nẹkq, iwukpe na. ²⁹ Ama Ijiwu ro ya wọ ibe ẹkana, ifuwẹsẹ ayẹ awọ uloko ẹka ẹfunwẹnfuwẹn, ama wọ ọ ikokori. Oro ọnẹbẹ yọ ọ uyiyeyi ewọ erokoro ẹfa aṣa, Osibina ẹfa edewe ṣa.