¹ Ọgba ayẹ, ayọ ẹfunwẹnfunwẹn ọwọnwọn fọọ Ijisos yọ ọdọn ka eṣu a mẹ balẹ. ² Ọgba nẹnẹ a nọ awẹ nọ isubu ibọrẹ akọ ujo ibọrẹ na, awọn mi sa a sẹ ya. ³ Ọmabalẹrọ ṣa to wẹ aga nẹ ya ka, "Aka ka awọ a wọ Osibina ogben, buru ọtarẹ ẹnanẹ ka bi sinọ ẹkarẹ." ⁴ Ama á Ijisos gu na yọ owo edi na ga nẹ ya ka, "Bẹ́ wọrẹ, 'Orokoro ogben e din na wọ ẹrọ ubaka ẹkarẹ ọyarẹ, eme fura ka ẹga nẹnẹ we a ṣa ọọ Osibina owo na.'" ⁵ Ọgbọnẹbẹ, esu ayẹ da fọ ẹ ẹ fọmọ ikẹn nọ ọnwọnwọna fọọ ẹẹ yọ ẹfẹna fọ fọrẹ ẹtẹmpul ayẹ na, ⁶ aga nẹya ka, "We din ka Osibina ogben ayẹ ọwạ́ ṣu wa holo wije, ka bẹ wọrẹ ka, 'Eke buru yọ Angel abẹ ka kẹ ṣẹlẹ wọ,' aka 'Ba ka kpan wọ pọ uba, ka uma fọ ọṣẹn ta ọtarẹ.'" ⁷ Ijisos guna yọ owo ka, "Bi di na kẹ wọrẹ, 'We ee bgbado, ma wọ idin nẹnẹ wọ Osibina na balẹ.'" ⁸ Bilamo, esu fọmẹ pọ ọrẹ ọsi nẹnẹ fọọ na, a fọọ ẹrọ ọnẹ ẹṣẹn aka yọ ugbugbodi yẹn ya. ⁹ A ga nẹ ya ka, "Ẹpẹn fẹnyanfẹnyan ẹnanẹ iya nẹ wọ, we di falẹ ugumu iberi u kpun mu." ¹⁰ Ijisos ga nẹbya ka, "fura ẹkọnẹ esu! ka bẹ wọrẹ ka, 'wọ idu nẹnẹ wọ Osibina na ayarẹ we ke kpun ayarẹ we ke di ne si yọ okoto nọ.'" ¹¹ Ọgbọnẹbẹ ayọ esu ayẹ eme tebiya nẹ iganigan ayo angel abẹ ṣa si yọ okoto nẹya. ¹² Ọgbọna Ijisọs wọọ ka be fọọ Ẹjọọn dọn bọ uba na, ee pila yọ Ẹgalili. ¹³ E furọ Enasaret a yọ a má nọọ Ekapanum nẹnẹ wọ Ẹgalili okun na, nẹnẹ wọ Isebulon Ẹnapital ijeh na. ¹⁴ Ọnẹ siye ka efọ fiye ẹga nẹnẹ Isaiya ẹsẹro ga na, ¹⁵ ''Isebulọn akọọ Ẹnapital ije, ṣu ke yọ ọkun sun mọọ Ẹjọdan Ẹgalili nẹnẹ wọ ikuwero abẹ na. ¹⁶ Erokoro ẹnanẹ ma nọ esiri na, bẹ gba ọgbandala ọkẹka, aka ẹnanẹ manọọ okaminasa akọ ufo ushi, ibọ ẹpan ayọ ọsọ we we sa.'' ¹⁷ Wọ ọgbọnẹ bẹ yọ ayọ Ijisọs we tọn mẹ Osibina ẹga ọga nẹ, '' Niroribe pila, ka Osibina ẹsẹn eturu tọọ ubowo.'' ¹⁸ Akọ e siye jejen ne ṣun mọ Egalili okun mọ ọtọn na, a gbo ọda ẹbọrẹ Ẹsaimọn nẹnẹ be yọ Ipita na, akọ Anduru yọ ọda, bi ya nẹmọ agẹ wọ okun, uba aka ọsẹ ayẹrẹ bẹ wa. ¹⁹ Ijisos ga nẹ ba ka, ''Nẹ kẹ ṣa, nẹ yẹrẹ mọ, ka ma ka fọ nọ ṣina ọsẹ erokoro.'' ²⁰ Iganigan bi tebi bọ agẹ bi ya yẹrẹ ya. ²¹ Akọ Ijisọs si ya yọ na, a gbọọ ọda ẹbọrẹ Ijemis nẹnẹ wọ Isebede ogben na akọ Ẹjọọn yọọ ọda '. Bi wọ ọkọ ebi ẹka ibe aka bọ ẹdẹda bi ye guru bọ ẹga ee ye ba. ²² Iganigan aye bi fura ọkọ ebi ẹka ayẹ bi tebi bọ ẹdẹda wọ iyibe bi ya yẹrẹ ya. ²³ Ijisọs fọ mọ ẹfa ororo Ẹgalili, e te ba ibọ Isinagọgu, a gọgọ ẹpẹpan oboro nẹnẹ wọ Osibina ẹsẹn na, edina fọ erọ iwu a gan furọ igun obobo nẹnẹ ka sẹ bọ ọyọyọ na. ²⁴ Ẹkpẹpan nẹnẹ e siye na pan wara Isiriya ije, ero ke fọ bọ ero nẹnẹ igun mọ ẹlẹla ke sẹ na, ẹnanẹ ẹfunwẹnfunwẹn nọ odudu ke wo iwu na, ẹnanẹ ijipapa ke sẹ na, ako ẹnanẹ fu iwu na. Ijisọs fọọ bọ iwu gan. ²⁵ Erokoro ọyọyọ yẹrẹ ya furọ Egaliti Ẹdẹcapolis Ijerusalẹm akọ Ijudia aka Ẹjọdan osun.