¹ Isubu ẹnabẹ Ẹjọọn nẹnẹ wọ Ebaptis na ṣa a gọ Osibina ẹga ọ ọ́ uku-ibe nẹnẹ wọ Ijuda ẹka na a á gẹ ka, ² "Niroro ibe pila, ka Osibina ẹsẹn e turu a sa." ³ Ka ẹfẹna bẹ ga yẹ ga wọ ẹsẹrọ nẹnẹ wọ Asaya owo na ka, "ẹfẹna yọ ọhun bẹ wọ uku-ibe nẹnẹba gẹ ka, Ni guru idu mọrẹ wije, ni tebi yọ ọrẹ e wọ ọṣẹrẹ." ⁴ Akana, Ẹjọọn fi le alẹgbẹ nẹnẹ su ọ ọ agogo ẹẹpẹn akọ oparẹ se yi sin yọ ijen wọ ijolo akọ ewọntọn ibubunu. ⁵ Ọgbọnẹbẹ ayẹ Ijerusalẹm, Ijudia fẹnyan fẹnyan, akọ iken nẹnẹ gegere Ẹjọdan ogbolo na jene gure. ⁶ É rimomo nọ abẹ fẹnyan fẹnyan Ẹjodan, ogbolo bi kebsi ye onuba nọ bọ iluwe. ⁷ Ama ọgbọna a gbọ Efaris akọ Esadus ọyọyọ ka bi ni ya ṣa ayẹ fọ ba rimomo ogbolo na, a ga nẹ ba ka, "Anọ ẹpẹnidudu egben nẹnanẹ, ẹra ga nẹ nọ ka ni mune furọ iwu ọkẹkan nọ ọdudu nẹnẹ, ṣa na? ⁸ Ni mu nọ ilukutu ororibe pila nẹnẹ sije na. ⁹ Ni me roro nẹ kẹ gẹ inọ etin ka, 'Ti su Abraham akọ tọ ẹdẹda.' Ẹ ga nẹ nọ ka Osibina din na kpan mọ egben jọmọ anọ Abraham fura ọtarẹ ẹnanẹ iwu. ¹⁰ Ama akana bẹ fọ ọdọ wọ oti fẹnyan fėnyan nẹnẹ e me mu nọ ilukutu oboro na ibe ke wuru ya bi gumaba wọ ẹra. ¹¹ Irinu wọ imomo ebi nọ ororrbe pila. Ama ẹfẹna a ṣa imo urun na gbodi fọrẹ mọ, ime guwe ẹfẹna dina fọ yọ ofilọ ọṣẹna na. Aka fọọ ẹfunwẹnfunwẹn ọnwọnwọn akọ ẹra eke ri nọ imomo. ¹² Yọ utun mọ ẹpẹn wọ yọ uba nẹnẹ aka mọ nọ iku furọ nẹnẹ aka kọ yọ ibire ẹpẹn wọ iyọ uturu na. Ama yọ iku fẹnyan fẹnyan ayẹ aka kẹnẹ ẹra nẹnẹ be dine wu na." ¹³ Ijisos mi wọọ́ Ẹglili ṣa yọ Ẹjọdan ogbolo ka Ẹjọọn aṣa ri ya yẹ imọmọ ebi. ¹⁴ Ama Ẹjọọ́n a wọ mọ iwu ka ayẹ sẹya jọmọ a ga nẹ ya ka, "Awọ abọwọ ka uri mọ imọmọ ebi, sana awọ mi ṣa to mu?" ¹⁵ Ijisos gu nẹ yọ owo ka, ẹfọ ọrẹ nẹ wọ akana ka e wọ ọṣẹrẹ ka ti siye ọṣẹrẹ ọọ́rẹ." Ọgbọnẹbẹ ayẹ, Ẹjọọn ya nẹ.