¹ Nyi osisi yi aza bo, dụ wa shẹngwụ sha yi Ifẹ Ọnini, paapa, dụ wa zụ kisẹ. ² Fụvọki, ọzẹna ra si irarẹ renyi karẹyi, ọzi karẹyi yi aza, ama yi Oshomoshi. Ọzi nyi ọzẹni irẹyi aani yee, fụvọki, irẹyi anatẹ ini Ifẹ ọnọ ka. ³ Ama ọza ana kisẹ, vana karẹyi shi aza ana va sụ wa fuu, dọ tụ wa ụkata, dọ ze fifufu wa inẹngwụ. ⁴ Ọza ana si irarẹ ọsa karẹyi, vana sẹngwụ aani fuu ini ife, ama ọzẹna kisẹ vana si ichọọchi fụụ. ⁵ Ọmẹyani, mee si ka ẹwụ nin bo, ọ karẹyi ini irarẹ ọsa. Ama fụna avọọ, mi yeen si kụ waa kisẹ nin. Ọza ana kisẹ, ọ nyi ụbani fụni ọza ana si irarẹ ọsa karẹyi, (ọchishi kọ nyi ọza ana shafụsha, fụvọ di ichọọchi ẹ zụụ fụụ tụọ). ⁶ Ama, ọmẹyani, ẹnyarami, aaviki ma ve tụwụ, di ma si irarẹ ọsa karẹyi, imẹmẹ va zụ siọ mọgụvọ ọiza yụ wụ nin? Mazi vọọ zụa mẹ, ọchishi kima karẹyi yụ wụ ini ẹtẹore, navẹki ọyiyẹ, navẹki ọki-kisẹ, navẹki ọzizụ ọza isa. ⁷ Aavika isa ana ra zi nyi ifẹ, ana si ọngwẹ jinẹ vẹ, venebiri ofere navẹki ọpani, ra zi nyi ọngwẹ renyi renyị, ọza mẹmẹ vaa yẹ ọngwẹ ọni ofere navẹki ọpani ọnọ asi jashẹ kẹ? ⁸ Aavika ọ si ọngwẹ ana ra zi sẹrẹ fụ ọpani, aza mẹmẹ vaa yẹ ẹfi ene ve si teni ẹngwụ tẹtẹ zi irẹkụ kẹ? ⁹ Aavọ ọnọ mẹ zẹ vivi yụ wụ nini. Aaviki wa karẹyi ọna ra zi nyi irẹyi ọyẹ, irẹyi ọnụ ka ̣me ve si ye aza kẹ? Waa karẹyi awụ, o ze ye ọza. ¹⁰ Ọọ vi isa ọjirẹka ki irẹkụra renyi renyi yi inẹshẹ, ama ọzi nyi ọna ra zi nyi afụ. ¹¹ Ọọ nyi irẹkụra ana ka dim ra zi wụ isẹna siọ ka, dim si vi ọzọga yi ọza ana karẹyi. Ẹzẹna karẹyi dọ si vọzọga yi mi. ¹² Avọ ọmẹ zẹ ya yụ wụ nin, ụmẹ kụeyi pe oze yi ụkata Ifẹ Ọnini ọsẹngwụ zụ, sikamarenụ dụ we re kụ wa mẹtẹrẹ ini ọiza ụkata ifẹ ọnini, ọna mẹ ki ichọọchi ọnọvidi. ¹³ Fụvavọ ọzẹna karẹyi ini irarẹ ọsa, ọ zẹ titụ ozụrenụ ka, ọnọ zụ shafụsha. ¹⁴ Aaviki ma tụozụrenụ ini irarẹ ọsa, ifẹ ami ọna tụozụrenụ, ama ọyiyẹ ami ọzi nyi ẹtụtụ. ¹⁵ Sim vaa kụ mẹ kẹ? Mi vaa tụozụrenụ ini ife, ama di ma zẹ sii si ọtụrụrụma mi tụozụrenụ. Mva jashẹ ini ife, dim zẹ si ọtụrụrụma ami jashẹ. ¹⁶ Ọzi vavọ, aaviki wa suga yi Oshomoshi ini ifẹ, aza ana ini ẹshẹshẹ ana wụụ irẹyi ọnọ, mẹmẹ va dọ "Aami" ụmọni ̣ra mẹ aavọkụ, aaviki ọ zi wụ irẹyi ọnụ waa ka? ¹⁷ Ọzi nyi ọjirẹka kụwa mi aavọkụ ẹtẹtẹrẹ, ama, ọzi mẹ ki ọzẹnẹsa ana wụ, ẹzụ fụụ ini ifẹ. ¹⁸ Maa kụ Oshomoshi avọ ki ma si irarẹ ọsa karẹyi funi ẹwụ nini bo. ¹⁹ Ama, ini ichọọchi, o ze mẹ ki ma karẹyi ẹshi, ini ọyiyẹ ami, di mazụ siọ mẹ isa ọzizụ, yi azẹnẹsa fụni ki ma karẹyi, irẹka ẹchẹshi oze ẹẹwụ. ²⁰ Ẹnyarami, asụ mẹ venebiri ozụeyi ini oriro awụ nin. Akikọnọ, o si tụni isa ọshimi, mẹ venebiri ezinụvọ nini. Ama nyi ụvira ini oriro awụ nini. ²¹ Ini ofi, aa chẹrẹ tẹtẹ kaa, "Zirẹngwụ irarẹ osa, irẹkụra ọsa ọnri irenụ ạzẹga, Mva karẹyi yi azẹnẹni. Shi ọ vọvọ vi, ẹ za wụ ayami." aavọ Ananyiyi mẹ ka. ²² Fụvavọ, ọmẹ maan vasi vi, irarẹ ọsa vi ami yi azẹna nyi ọdọwụ, ama shi ẹnẹna ra zi nyi ọdọwụ nin. Ama ọki-kisẹ vi yi aza ana nyi ọdọwụ aivi aza ana ra zi nyi ọdọwụ. ²³ fụvavọ, aavika, ichọọchi bo, ee peregụ di aza bo asi irẹkụra ọsa karẹyi, ẹnẹna yi ini ẹshẹshẹ ọnri aza ana ra zi nyi ọdọwụ raa ngwụ reshi vẹ, aivi ẹva kaa ki we sụvụ nini? ²⁴ Ama aaviki ẹwụ nin aa kisẹ, di ạzẹnasa ana ra zi nyi ọdọwụ, navẹki anạ shẹshẹ aa ngwụ ireshi vẹ, irẹyi ọnọ wụ va mẹ ki ẹngwụ aani ọvashị. A vaa mi ishọji yọ zirẹngwụ irẹyi ana ka bo. ²⁵ Isa ana tẹ ini ọtụtụrụma aani vana va sii ẹngwụ tụẹshẹ. Ọvairẹsụ aani ọnọvi ka, ọ vaa veyi kụẹtẹ, dọ sụga yi Oshomoshi. Ọ vaa dọrenụ ini irẹiza ka, Oshomoshi yi inakaakana awụ nini. ²⁶ Yere ono kụ ze tụ kẹ ẹnyarami nini? Wee peregụ nini, ọzọza ọ nyi Isaamụ, ọzizụ, ẹtẹoore, irarẹ ọsa, navẹki ọ ọdidọ irẹyi ka. Waa misa ẹnẹni fụvọ di ichọọchi oroze fụụ. ²⁷ Ọọ nyi ọzẹna si irarẹ ọsa karẹyi, navọ doti ọvi azanẹ ẹẹva, navẹki ẹẹta, dẹ kaa ọnyọnya, ụmọnọ di ozenya ọ shafụ irẹyi ẹnẹ raa ka sha. ²⁸ Ama aaviki ọzi nyi ọza ana va shafụ irẹyi ọnọ sha, navọ dọ ọzọza o sirenụ aani kwokụ ini ichọọchi. Navọ di ọzọza kụ karẹyi yi ẹngwa aani renya ọnri Oshomoshi. ²⁹ Navọ di ọkisẹ ẹẹva navẹki ẹẹta, ẹẹ karẹyi, di aza anavọ ee batọ, doti ẹ si irẹyi ọnọ ẹtẹ, ọọ vọrọ. ³⁰ Ama, aavika asi ọyiyẹ ọna nyinẹ yi ̣ozenya ọna yatụ tụni izi ana ya mi irafẹkẹ, navọ di ẹzẹna ra bidi aa karẹyi ọ navọkụ. ³¹ Fụvọka ọzọnyọnya awụ nini vazụ kisẹ, dụ wa si oze yẹngwụ nin, doti ọzọnyọnya awụ nini ọ vazu kọsụẹ, di avaa zụ tụ azabo ụkata. ³² Fụvọka, ivefu ọkisẹ vana zitụ yi ọkisẹ. ³³ Fụvọki, Oshomoshi ọzivi Oshomo-shi one shankata, ama ayi ẹngwọrọ. Ọnọni ọnọvi ofi ana si yi ichọọchi anọdọwụ nini bo. ³⁴ Anyẹnẹ ẹ navọkụ ini ichọọchi nini. Fuvọka azẹzi soze yụ wa ki ẹẹ karẹyi. Akikọnọ, ẹ dụbani yi ichọọchi, vene ofi mẹ zẹ ki kaa. ³⁵ Aavika ọ nyi isa ene si ka ẹna kọsụẹ, navọ dẹ fọọ ọva anini ineshi, fụvọki ụshọnyi ọnọvi yi ọnyẹnẹ ọ karẹyi ini ichọọchi. ³⁶ Fini ụvọ awụ anini ọni irẹyi Oshomoshi wa fụrẹ vẹ? Ẹwụ renya ọni irẹyi ọnọni we tụ ida anini? ³⁷ Aaviki ọ nyi ọza one ro ka ọni vi ọkisẹ, navẹka ọnọ nyi ụkata ifẹ ọnini, ọvọrọ ki ọzẹ ka, isa ọnim chẹrẹ tụshụ wụ nin ka, ọ vi ụmọ Ananyiyi. ³⁸ Ama aaviki ọ nyi ọza na razi yẹ ọnọni, asa shiọ bẹrẹ. ³⁹ Fụvavọ ẹwụ nin ẹnyarami, wee si tụnẹ-tụnẹ ki wa zụ kisẹ, a sụ nyisi ọzẹna raa karẹyi ini irarẹ ọṣa. ⁴⁰ Ama, navọ di asi ụmẹnẹ tụni isa ana raa mẹ bo, daa mẹ wa inoze anasẹrẹ.