1
Rharhi khi Ọni ọ kpeda ugamhi kwu ni a zẹ vhi iteteva eni iọgbọ, rhẹmhi ẹẹ zẹ ọli khi ọ kee mugha ẹẹ ni iọgbọ obodẹ Ishinẹgba, khi ọ kee tsua ilasobo ali isomhopfa shi ingmobe agbọ.
2
Ọ kẹ dobẹ kwegbea rhọ khali igbhodula ali eni e nyele inyele umumumẹ abhi o ke rhọ kyia khi ọlọsẹmhẹ oo pfi khyili ọli a lẹ.
3
Rharhi ona, lẹ li ọ kyiatsolo kpọ lasẹ obo shi ingmobe ọli abhi ọ li laa lasẹ obo shi ingmobe agbọ.
4
A vha mẹ ọgbọ ni ọ rhi oni eghọghọ ona ni egbe ọli, sẹkẹnẹ khi Ishinẹgba li ọ zẹ ọ, abhi a ke li zẹ Erọni.
5
Abagwhoyọ, Ikiristi ọ vha rhi eghọghọ ni egbe ọ ni ọ rhọ rhi egbe ọli kyili ọni ọ kpeda ugamhi, Onochi, Ishinẹgba ọọ li, “Omyi mhẹ li u kyia, amo ena mhi she vyia ẹ.”
6
Abhi ọ kpọ lee li ngme ọ vhi obhovhese ni ọ rhọ ẹẹ li, “Ọni ọ kpeda ugamhi li u kyia ẹlẹnagbọagbọ abhi Imẹchizẹdẹki.''
7
Ẹrhẹghẹ ni ọ rhọ la agbọ, ọọ pfi olema ọọ mhila omhia, ọọ vyiẹ amẹ evyiẹ bhuli Ishinẹgba, ọni ọ dobẹ tsumhi ọli vhi egwuli le. Rharhi eghọghọ ni ọ mhuẹ ni Ishinẹgba ọọ suọ ọli.
8
O kha rhẹ kyila khi Omyi ọli li ọ kyila, ọọ te ẹchọ ni ọọ mẹ wẹna isuọesọ.
9
Egbe e gba nali pfuse li ọ rhọ rhi imyiepfuese ẹlẹnagbọgbọ ni ọgbọ kwu ni e suọ esọ nali lẹ ni ọ rhi imyiefuese ẹlẹnagbọagbọ bhẹ.
10
Ni Ishinẹgba ọ rhọ mali ọni ọ kpeda ugamhi abhi Imẹchizẹdẹki.
11
Eyẹ mhọli ingmemhi nebu ni eyẹ a ngme obodẹ Ijesu, ama khi o maa nwunu khi a rhọ ngme khasẹ vhẹ, rharhi khi ingme ọli o vha kẹlẹ a ga vhẹ ẹloe.
12
Rharhi khi vha kha ke she kyili ewẹnagbọ nena, ama rhẹmhi a kyhiele a wẹna vhẹ abhi a li rha khali ingmemhi Ishinẹgba. Aminye li vha kyhiele a nono ena, vhavha khyie dobẹ a le emenale ni o womhẹ.
13
Rharhi ọni ọ le lia nye ẹnye lọgwho ọmọ li ọ kyia obodẹ usomhi igwabhagbe.
14
A khẹ li a bino ọ rhọ te odẹ ovhese, emenale ni o womhẹ uwi eni e she womhẹ ẹloe li o kyia, Eni e she kpọ mhuẹ ẹgbhẹ ni e dobẹ a yẹsẹ ọdegbea ni o la onobe ali onaghyie a she wẹna wẹ ni e rha yẹsẹ onghyie ali onobe.