1
Iyọ eyẹẹ nwemaa rhi ẹgbhẹ kyia khi a ke mẹ ọnyi ẹ vhẹ ni ọ vha dobẹ lo ivhiẹmhia Ishinẹgba.
2
Eyẹ she suọ eni ingmemhi aghyie ni e kyili ingme ogbọ obodẹ ivhiẹmhia Ishinẹgba ni a rhọ tsabọ khasẹ eyẹ abhi iọgbọ Izulẹ e li suọ ọli, Ama oni usomhi o vha rhi elele ni eni e le suọ li ni e vha rhi irhọshiọ gboghyiẹ emeni e suọ.
3
Rharhi eyẹ ni e eyẹ she myie lama, eyẹ khi agbọ ni e laa lo elemhi oni ivhiemhia abhi a ngme, ''Abhi mhi li rhi ofu mhẹ rhomhi khi e vha laa lo elemhi ivhiemhia mhẹ. Ọọ ngme ona, o kha rhẹ kyila ikanya abọ ọli a she khyiẹlẹ wẹ pfuse te ituekẹle ona agbona.
4
Rharhi ọọ gwe ngme, obodẹ ogbẹlẹ ozishila ''Ishinẹgba ọ vhiemhia ogbẹlẹ ozishila ni ọ rhọ gbe ikanya pfuse.
5
Ọ gwe ngme ọọ khi ''E vha laa lo elemhi ivhiemhia mhẹ''
6
Elemhiyọ abhi o ke rhọ kyia khi a khyie rhi oni ivhiẹmhia Ishinẹgba shi ekẹ shini iọgbọ egwho ni e laa lo, khi Izulẹ egwho ni e kpọ suọ oni usomhi e vha lo oni ivhiẹmhia rharhi umhasuesọ.
7
Ishinẹgba ọ shẹ nwu ogbẹlẹ ogwho vhọ le, ni o kyili “Amo ena” Ọọ nwu ọli vhọ le ni ọ rhọ te unu Idevidi ngme, emeni ọ kpọ ngme shi ekẹ agbọagbọ, “Amo vha kha sheda rhi esọ shi ọ vhi ekẹ, imhẹ vha womhẹ idu vhẹa.”
8
Rharhi o kha kyila khi Ijoshua ọ rhi ivhiemhia na wẹ lọ, Ishinẹgba ọ vha kha ke gwe ngme ingmemhi ogbẹlẹ ovhese.
9
Iyọ a khyie rhi ivhẹmhia Isabati shi ekẹ ni iọgbọ.
10
Ọni ọ dobẹ lo oni ivhẹmhia Ishinẹgba rhẹmhi ọa vhẹmhia vhi ikanya ọli, abhi Ishinẹgba ọ li vhiẹmhia vhi ikanya ọli.
11
Iyọ eyẹ nyakwa lo oni ivhiẹmhia, khi a ke mẹ ọni ọ de lo umhasuesọ abhi e ke li de lo vhọ.
12
Rharhi khi ingmemhi Ishinẹgba o nyele, o nwu dala ọfẹdo ni o zẹ alo eva. Rhẹmhi o gbese a lo, o kemhi udu ali ayẹmhẹ, ọ te ikpẹghẹ kemhi ọkọshọkọshọ. O gweghyiea isamhi ni o la elemhi ukpakomhi ali omhasẹ ni o la vhọ.
13
A vha mẹ emeni a ma kwu ni o gbhagbha ukpẹloe Ishinẹgba. Onochi, rhẹmhi ẹtsẹkẹ kwu e gweghyiea gboo vhi ikpalo ọni eyẹ laa lolo khasẹ abhi eyẹ li kyia.
14
Abhi eyẹ ke rhọ mhọli ọni ọ kpeda ughamhi nọfu ni ọ she rhọ te aleghyie dọsẹ a lẹ, ni ọ kyili Ijesu ni Omyi Ishinẹgba, eyẹ nwu irhọshiọ eyẹ zezeze.
15
Rharhi khi eyẹ vha mhọli ọni ọ kpeda ughamhi ni ọ vha kẹkẹ udua shi ọlọsẹmhẹ eyẹ, ama ọni a li nwufẹ abhi eyẹ lia mẹ ọnwufẹ ena, ọ vha chigbe li ingmobe.
16
Vha dobẹ eyẹ rhi udu aghyie bhẹ vhi utekwu ivhẹlemhi, khi eyẹ myie ivhiẹlemhi khi eyẹ rhọ mhuẹ izemhi Ishinẹgba ni o kee kpaghyie eyẹ ẹrhẹghẹ inono.