¹ Ikiristi ọ tsumhi eyẹ khi eyẹ mhọli igbadegbea, iyọ vha mugha ze imhẹ gwe sọ urhui vhi ugbholo. ² Ghe, ghe, mhẹmhẹ, Ipọlu, mhẹmhi ngme khasẹ vhẹ khi vha kha kyili eni a fẹli, Ikiristi ọ vha ke gwe mhuẹ emeni ọ kyia na vhẹ odẹ khi odẹ kwu khi oyọ. ³ Ozeva, mhi ngme khasẹ ọni a fẹli kwu khi ọọ nwumaa nu wẹ rhi ishi kwu a gbe. ⁴ Rhẹmhi Vha chi obọ Ikiristi le, vhẹvhẹ ni ushi o “to ekhẹ naa.” Vha she de odẹ ivhẹlemhi Ishinẹgba le. ⁵ Rhọ te ikpa oni Ayẹmhẹ, ali irhọshiọ, li eyẹ te mugha a khẹ irhudunya ni o kyili igwabhagbe. ⁶ Elemhi Ijesu Ikiristi shi oni a fẹẹ shi ọni a vha fẹẹ o vha mhuẹ emeni o ngme. Irhọshiọ ni o rhọ te ikpa ighọli a gbe akanya li o ngme ingme. ⁷ Vha ma gwabha ẹẹ na. Ọgwho ọ khi imhẹ vha ke gwe suọ esọ ni oni ingmaghyie? ⁸ A khi ọni ọ nyalu vhẹ li ọ khi vha kee liyọ! ⁹ ‘’Ukwukwu uduekẹ li o rhi emosọmhi a fuma vọsẹ ekẹ’’,. ¹⁰ Mhi rhi udu nya Ọnọmhuẹyẹ khi vhavha laa sa isamhi ovhese. Ọni ọa wasẹ vhẹa ọ la laa li egbe ọli opfua, ọnọni ọ rhẹ kyia. ¹¹ Inyọgwho, mhi kha khyiele rhi ofẹli a tsabọ, elọ a ke zẹ okwhẹ kpẹsẹ mhẹ a shi? O kha kyia khi imha gwe rhọ te ikpa Ikiristi a ngme onl lngmemhi imyiepfuese lọ, a vha kha mẹ ọni ọ nwu ingme na mhẹ pẹẹ. ¹² Oo gwhẹ mhẹ khi eni ea wasẹ vhẹa egbe wẹ lia pfusea. ¹³ Inyọgwhọ, rharhi khi Ishinẹgba ọ she lu vhẹ bhẹ vhi igbadegbea. Ama imhẹli igbadegbea ni vha mhuẹ o ke kyili imasha na vhẹ rhaa gbe ikanya ẹlamhi ijegbe. Onochi. vha rhọ te ikpa ighọli kee rhi egbe vhẹ kphẹ. ¹⁴ Rharhi khi eni ishi kwu ushi ogwho li o nwu wẹwẹ kwu ukhomhi; ni ọọ li, “Mhọli ighọli ọgbọ ọvhese abhi ijegbe ẹ.” ¹⁵ Vha kha nu egbe a khọli nena, vhavha li yẹsẹ khi rhẹmhi vha la li egbe opfua ena ¹⁶ Mhi ẹẹ vhẹ, vha kee kyia elemhi Ayẹmhẹ khi vhaa ke khyiẹlẹ emeni e ghọli ẹlamhijebe. ¹⁷ Rharhi khi ẹlamhijegbe o mhọli isamhi obe rha khali Ayẹmhẹ Ishinẹgba, iyọ li oni Ayẹmhẹ o li li mhọli isamhi obe rha khali ẹlamhijegbe. rharhi khi rhẹmhi e nu egbe a khẹ abọ. Ona li o vha rhẹ vhẹ a khyiẹlẹ onaghyie ni vha sa shi udu. ¹⁸ Ama Ayẹmhẹ o kha rhi odẹ a khasẹ vhẹ, ushi o vha gwe dobẹ mhasẹ a na vhẹ. ¹⁹ Nena ikanya ẹlamhijegbe rhẹmhi e li gboo ni eyẹ a mẹ, wẹwẹ khi ena, iditsia ikpotso ali emọse, umhapfuasẹ, ọgwhẹmhẹ ẹlamhi ijegbe, ²⁰ Ilasobo, ẹbuẹ, ukhyimhi elemhi, ukhẹmhukhẹ, imhuẹlue, ofu obe, ikpamhika, imalamanegbe, ovala, ewẹna ebe, ²¹ Ẹtsẹkẹ ituegbe, idonyọ, okhọli, Ali ẹtsẹkẹ evhese enana kwu. mhi chi vhẹ esọ, abhi mhi ke kpọ li chi vhẹ esọ, khi iọgbọ ni ea gbe ikanya eyọyọ e vha laa lo owileghyie Ishinẹgba. ²² Ama ikpamhi erhẹ Ayẹmhẹ lẹ khi ighọli, oghẹlẹ, ọpfọmhẹ, irhobọgbanidu, isomelemhi ithimhi, irhọshiọ, ²³ Ipfọmhẹ, igwhọghọ egbe ẹ abọ. A rhi obọ gbe ẹtsẹkẹ enana kwu shi ushi o vha nwu ọ. ²⁴ Eni e kyili uwi Ijesu Ikiristi e she tanọ ijegbe wẹ ali ọgwhẹmhẹ onobe manọ. ²⁵ Eyẹ kha nyele elemhi Ayẹmhẹ, eyẹ ke gwe liyọ ẹẹ kyia vhi elemhi Ayẹmhẹ. ²⁶ Imhẹli eyẹ kee rhi egbe eyẹ ẹẹ fu, wẹ khi rhẹmhi eyẹ rhi ofu a fu egbe, ọa liyọ eyẹ dobẹ ẹtsẹkẹ egbe eyẹ a kee to egbe egbe.