¹ Inyọgwho, ọgbọ ọ kha gbegọ, ghyiẹ ni u ke la Ayẹmhẹ eyọ rhi ayẹmhẹ ọpfọmhẹ sheshe ọli shi odẹ. U zẹ ẹgbhẹ shi vhọ, khi ghyiẹ u ke li de lo ọnwufẹ. ² Vha kee kpaghyiẹ egbe, iyọ vha rhi ushi Ikiristi a gwhẹ. ³ Ọgbọ kha rhue egbe ọli kyili emeni ọ vha kyila rhẹmhi ọa ghagha egbe ọli. ⁴ Ọgbọgbọgbọ ọ kee dọ ikanya ọli ẹloe, ishọyọ khi ọ mhọli emeni ọ rha kee gha, ọ vha rhi egbe ọli a khọkhọ ọgbọ ọvhese. ⁵ Rharhi khi ọgbọgbọgbọ li ọ laa tsua itsua ọli. ⁶ Ọni a wẹna oni ingmemhi Ishinẹgba ọ li rhi ẹstẹkẹ aghyie somhi ọni ọa wẹna ọli opfa. ⁷ Imhẹ vha dobẹ a ghagha vhẹ. Ishinẹgba ọ vha kyili oni a rha li egyia. Emeni ọgbọ ọ rhọ kọ, li ọa khyiẹsẹ. ⁸ Rharhi khi ọni ọ rhi ukpamhi orhẹ obe kọ shi ijegbe obe ọli, ọ laa khyiese epfua, ama ọni ọ ke rhi ukpamhi orhẹ aghyie kọ vhi Ayẹmhẹ Ishinẹgba, ọ rhọ te Ayẹmhẹ Ishinẹgba khyiẹsẹ inyele ẹlẹnagboagbọ. ⁹ Imhẹli eyẹ dobẹ ọli lọsẹ eyẹ shi ikhyiẹli onaghyie, rharhi khi oni ẹrhẹghẹ o kha rhamhi eyẹ laa khyiẹsẹ ni eyẹ vha dọbẹ ọli lọsẹ eyẹ. ¹⁰ Iyọ eyẹ kha mhuẹ imhasha eyẹ khyiẹli onaghyie rhọ khali ọgbọ kwu. orhọgbe eni e la apfẹ Ishinẹgba. ¹¹ Vhaa mẹ ududumhi ebe na mhi rhi abọ mhẹ kẹkẹ ghyi vhẹ. ¹² Eni iọgbọ ni e nono khi wẹwẹ nwu kwu ẹlamhijegbe vhọ, wẹwẹ li e tono vhẹ abọ a shi ofẹli. rhẹmhi ea liyọ khi aa ke zẹ okwhẹ kpẹsẹ wẹwẹ shi ọgbagala Ijesu Ikiristi. ¹³ Rharhi a khi ọni a fẹli li ọ rhi ushi gbe. Ama, rhẹmhi e nono khi a kẹ fẹli vhẹ khi wẹwẹ e rhọ mẹ kee myie obọ. ¹⁴ Imhẹli a chigbe mẹ emeni e rhẹ mhẹ laa chichegbe, ina khi oni ọgbagala Ọnọmhuẹyẹ Ijesu Ikiristi. Rhọ te ikpa ọli li a te tanọ mhẹ manọ rhọ khali oni agbona, a tanọ oni agbona manọ rhọ khẹ mhẹ. ¹⁵ Shi ọni a fẹẹ; shi ọni a vha fẹli a vha mẹ ọni ọ kyili ẹtsẹkẹ. Ama, khi ikhyiẹlẹ vyia li o nwu ẹloe nẹẹ. ¹⁶ Iọgbọ kwu ni ọ laa rhi ena gwhẹ, ọpfọmhẹ ali ivhẹlemhi o laa nu wẹ la, ali iọgbọ Ishinẹgba kwu. ¹⁷ Rhọ te nena vu imhẹli ọgbọ ọ gwe kpokpo mhẹ, rharhi khi mhi mhọli ishẹfẹ Ijesu shi egbe. ¹⁸ Ivhẹlemhi Ọnọmhuẹyẹ Ijesu ikiristi o nu ayẹmhẹ vhẹ la. vhẹvhẹ inyọghwho mhẹ. Itse.