¹ Mhi ẹẹ vhẹ ọmọ ni ọ mhọli ukwhu ita ọli, a ke a khyiẹlẹ ọli ingme abhi ogwhumha rharhi khi ọ vha womhẹ ẹloe nee. Ni o kyia khi lẹ li ọ mhọli oni ẹtsẹkẹ ita ọli kwu. Ọ ² kha rhẹ kyili ọmọ eni e womhẹ e la ni e nu ọli rhi ẹloe a kwhu oni ukwhu nee apfishi asha ni ita ọli ọ mhasẹ shi. ³ Abagwhoyọ, ni eyẹ rhọ kyili ivhiẹ, Iyọ li eyẹ li li kyili igwhumha ni iyẹmhẹ ugamhi. ⁴ Ama abhi oni ẹrhẹghẹ ni ẹẹ khẹ o ke rhọ bhale. Ishinẹgba ọ ghyie Omyi ọ, ni ọkpotso ọ vyia, Ni a vyia ni ushi o li mhasẹ ẹẹ na. ⁵ Rhẹmhi ọ liyọ khyiẹlẹ ọ khi lẹ kẹ dobẹ tsumhi eni ushi o mhasẹ a na, ishọyọ eyẹ kẹ kyili ivhiẹ ni Ishinẹgba ọ vyia. ⁶ Rharhi khi vha kyili imyi ọli, li Ishinẹgba ọ rhọ ghyie Ayẹmhẹ Omyi ọli bhẹ vhi idu eyẹ, Ayẹmhẹ ni o sọse nyalu, “Ita’’ ⁷ Rharhi ona vhavha gwe kyili igwhumha ama imyi ọli. Vha kha kyili imyi ọ, elukwu vha li kyia eyọ te obọ Ishinẹgba. ⁸ Ama ẹrhẹghẹ ni vhavha rhọ yẹsẹ Ishinẹgba nee, vha kyili igwhumha rhẹẹ khali ishinẹgba ilitsa. ⁹ Ama nenaa ni vha ke rhọ yẹsẹ Ishinẹgba, ọa liyọ, ni Ishinẹgba ọ ke rhọ yẹsẹ vhẹ ena, elọ e ke zẹ khi vha gwe liegbe a je ishi apfuẹ ni elele e vha la? Rhẹmhi vha ke a nono khi vha kee gwe kyili igwhumha? ¹⁰ Vhaa kpẹ ẹloe ekẹ rhọ khali emeni ushi o ngme obodẹ egbẹlẹ ni a kẹẹ, ikyi egbọ, ẹrhẹghẹ, ẹrhẹghẹ, ali ikpe. ¹¹ Ulishi vhẹ ọa nwu mhẹ. ulishi ọa nwu mhẹ shi ikanya na mhi gbe obodẹ vhẹ nee e ke kyila apfuẹ. ¹² Mhi lema vhẹ, inyọgwho mhẹ, vha liabhi mhẹmhẹ, mhẹmhi ke liabhi vhẹvhẹ. vhavhaa li mhẹ ingme. ¹³ Ama khi vha yẹsẹ khi ukhomhi igwhamhi lẹ mhi rhọ rhi eni ingmemhi Ishinẹgba ẹẹ tsabọ khasẹ vhẹ oni ikyiatsolo oyọ. ¹⁴ Ama na mhi rhẹrhẹ gwhua ni o kyili inwufẹ na vhẹ, vhavha khyie mhẹ. Onochi vha myie mhẹ abhi aghyiukọ Ishinẹgba, abhizẹzẹ khi mhẹmhẹ khi ọni Ikiristi. ¹⁵ Mhi gyhi elele ni vha ke mẹ vhọ nena? Rharhi khi mhi gwu khasẹ vhẹ khi o kha ẹẹ gba lọ vha kha zọlọ ikpalo vhẹ na mhẹ shi iyẹ mhẹ. ¹⁶ Nenaa, ẹbe vhẹ mhi ke kyila ena rharhi khi mhi gwu ingmaghyie a khasẹ vhẹ? ¹⁷ E nwumaa ẹẹ nono vhẹ, ama a khi onaghyie vhẹ li e nono vhẹ shi. Rhẹmhi e nono abhi e li vala vhẹ obọ mhẹa vha ke kh E nwumaa ẹẹ nono vhẹ, ama a khi onaghyie vhẹ li e nono vhẹ shi. Rhẹmhi e nono abhi e li vala vhẹ obọ mhẹa vha ke rhọ kee rhẹẹ khẹ wẹwẹ. ¹⁸ O ti khi ọgbọ ọ rhọ mhọli ọnwegbe shi ẹtsẹkẹ aghyie, a khi na mhi le la ayọ lọgwho. ¹⁹ Ikwukwu imyi mhẹ, rhemhi gwe mẹ ẹchọ a shi vhẹ egbe apfishi ni Ikiristi ọ rhọ laa nwu vhẹ lieliẹ abhi ọ li la vhọ. ²⁰ O gwhẹ mhẹ khi mhi rhọ nu vhẹ la ayọ nena, khi mhi rhọ nwu urhui mhẹ liliẹ, Rharhi khi egbe khekhe mhẹa obodẹ vhẹ. ²¹ Gwu khasẹ mhẹ, vhẹvhẹ ni vha nono khi ushi o kee mhasẹ na vhẹ, vha suọ abhi ushi o ngme? ²² Rharhi khi o laa akẹkẹshekẹ khi Ebulahamu ọọ vyia ivhiẹ emose ava, ọgwho ọ kyili omyi ogwhumha ọni ọ kpọẹ ọ kyili uwi ọni ọpfuẹgbe. ²³ Ama omyi ogwhumha rhẹmhi a vyia ọli ivyiamhi Elamhijegbe, omyi ọni ọkpotso ọni ọpfuẹgbe a vyia ọli rhọ te ikpa ishobọ. ²⁴ Rharhi khi eni ikpotso ava ena rhẹmhi a ke rhẹ wẹ khyẹli irhọkhasẹ, rharhi rhẹmhi eni ikpotso ava ena e ke kyili ilamanegbe eva. ọgwho vhọ ọ te ukhomhi ọkpha bhẹ. Li ọọ vyialọ ivhiẹ igwhumha. Lẹẹ khi Ega. ²⁵ Nena lẹ khi ọkpha Isina ni o la Arebia, la rhọ khọkhọ Ijerusalemu ni amo ena, rharhi khi eyẹ vha kyili imyi igwhumha ama imyiẹ igbadegbea. ²⁶ Ama Ijeruaslẹmu ni o kpeda rhẹmhi o gbadegbea, ọ kyili inyọ eyẹ. ²⁷ Rharhi khi o la akẹkẹsekẹ, 'Khi u kee ghẹlẹ, ghyiẹ aga ni u waa vyia ọmọ. sọse khi u ghyieghyie shi oghẹlẹ, ghyiẹ ni ọrhọ aga o vha la egbe. Rharhi khi imyi ọkpotso ni a khyie e ke bu dala imyi ọkpotso ni ọ nwu ugwhẹ ²⁸ Nena vhẹvhẹ inyọgwho mhẹ, vha nabhi aziki, vha kyili imyi ishobọ. ²⁹ Abhi o kpọ li oni ẹrhẹghẹ ni ọmọ ni a vyia ivyiamhi ẹlamhijegbe li ọ zẹ okwhẹ kpẹsẹ ọni a vyia ivyiamhi te ikpa Ayẹmhẹ shinẹgba. Abagwho li o li. ³⁰ See Ibabo o ke she ngme? lẹ khi, ''Kwhu ọni ọkpotso ogwhuma ali omyi ọli vu. Rharhi khi omyi ọni ogwhumha ọ vha laa nu omyi ọni ọpfuẹgbe le ukwu.'' ³¹ Elemhiyọ, ivnyọgwho mhẹ, eyẹ vha kyili imyi ogwhumha ọkpotso, ama imyi ọkpotso ọpfuẹgbe.