Ikhomhi 9 Ikoritiansi ni ozeva
1
ikanya eni e myiesuọ, o vha dea khi mhi gwe kẹkẹ ebe ghyi vhẹ shi vhọ.
2
Mhi yẹsẹ khi o gwhẹ vhẹ khi vha rhọ kpaghyiẹ obọ, mhi she rhẹ vhẹẹ gha khasẹ iọgbọ Imẹsidonia. Mhi ẹẹ li iọgbọ Achaya khi apfoni okpe vha te nwunegbe khi vha laa kpaghyiẹ obọ. Ọnwegbe vhẹ o she pfi ọnwegbe ni ebubu wẹ
3
Nenaa mhi she ghyi eni inyọgwho eyẹ a bhuli vhẹ khi ighamhi ni eyẹ rhẹ vhẹ a ga imhẹli o kyili uwi unu apfuẹ, rharhi iyọ, vha kee nwegbe, khi abhi mhi ngme khasẹ wẹ o kẹ kyia yọ.
4
Ina khi yọ, ọnyi Imẹsidonia ọ kha nu mhẹ bhẹ khi ọ mẹ khi vhavha nwegbe, eyẹ laa yẹghẹa---Imha mhuẹ emena mhi sa shi ingme vhẹ khi vha rhi omama nwu mhẹ---Rharhi asha ni eyẹ rhi egbe nya vhẹ rhamhi.
5
Iyọ mhi sa khi oo kha gbe akanya khi eni inyọgwho eyẹ e kpe vhẹ alo egbe khi e rhọ nwuno egbe shi ekẹ rharhi isomopfa ni vha shi obọ. Ishọyọ Rhẹmhi a ke a mẹ ọli khi o pfo vhẹ udu khi vha rhọ kpaghyiẹ khi a khi rhẹmhi a chi vhẹ shi vhọ.
6
Emeni e la vhọ khi ona: ọni ọ rhọ kọ zuẹwẹnyẹ zuẹwẹnyẹ, ọ khyiẹsẹ zuẹwẹnyẹ zuẹwẹnyẹ, ọni ọ ke rhọ kọ rharhi lẹ kẹ mhọli ivọsẹna ọ khyiẹsẹ ivọsẹna.
7
Ọgbọgbọ ọ somopfa abhi o li ọ vhi udu. Imhẹli ọ kyili uwi ekhumhẹ wẹ khi u nwemaa. Rharhi khi Ishinẹgba ọ maa nono ọni ọ rhi oghẹlẹ a somhopfa.
8
Ishinẹgba ọ laa rhi ivọsẹna vhẹ vẹgba, khi ishọyọ, ẹrhẹghẹ kwu, vha mhọli ẹtsẹkẹ ni vha nono kwu. Iyo li o laa li khi vha kẹ kee khyiẹlẹ onaghyie shi vhọ.
9
Abhi a li kẹkẹ ọli shi ekẹ iyọ li o li ni a rhẹ li, “Ọ she kemhi epfue ọli ni enanya. Igwabhagbe ọli rhẹmhi ọa tẹsẹ ẹlẹnagbọagbọ.
10
Lẹ ni ọ rhi ikpamhi ni iọgbọ a kọ o kẹ kyili emenale na wẹ, ọ li laa rhi ikpamhi ghyi vhẹ ọ rhẹ wẹ vhẹgba na vhẹ rhọ kọ. Ọ chigbe rhi ikhyiẹsẹ ipfuasẹ vhẹ fuma.
11
laa rhẹ vhẹ pfue shi vhọ, ishọyọ vha kẹ dobẹ kee rhueobọa. Ona o ke laa rhi iọgbọ kee rhi ikphẹmhi ni Ishinẹgba te ikpa eyẹ.
12
Oni ugamhi okpaghyiẹ ona, a khi a rhọ lee somhi eni e myiesuọ opfa lọgwho. khi o li gẹsẹ ikiki Ishinẹgba.
13
Rharhi kha she nwu vhẹ fẹẹ alo e ga vhọ abhi vha lia somhi opfa, iọgbọ ebubu e gwe li la rhi ikiki ni Ishinẹgba shi isuesọ ni vha suọ eso a na ingmemhi Ishinẹgba ni vha rhaa rhueobọa ni agbọ kwu.
14
Elemhi ighọli ni o limhi e la laa pfi olẹma na vhẹ. Rharhi udududmhi ivhẹlemhi Ishinẹgba ni o laa vhẹ agbọ ni o rhẹ vhẹ dobẹ a khyiẹlẹ ena.
15
Eyẹ kphẹmhi Ishinẹgba shi isomopfa li ni unu o vha dobẹ a je.