Ikhomhi 4 Itẹsẹloniasi ni ikyiatsolo
1
.
1
Ozukhomhi eni ingme kwu, inyọngwho, eyẹ zeze vhẹ idu elemhi Ọnọmhuẹyẹ Ijesu. Abhi vha le li te obọ eyẹ suọ eyọ abhi vha lia nyele inyele ni rhi egbe nwu Ishinẹgba, vha kee le liyọ ẹẹ nyele, vha liyọ nyele a je odalo.
2
Rharhi khi Vha yẹsẹ ozukhomhi ingme ni eyẹ gwu khasẹ vhẹ te ikpa Ọnmhọli ni Ijesu.
5
3
Abhi o ghọli Ishinẹgba khi ona, ipfuasẹ vhẹ khi vha na ni iditsisia ikpotso ali emọse.
4
Ishiọyọ ọgbọgbọ ọ yẹsẹ abhi ọ li rhi eghọghọ ali ipfuasẹ rhi ẹlue a shi ugwhẹ ọli vhi egbe.
5
Imhẹ vha rhi ọgwhẹmhẹ ẹlamhi ijegbe mhọli ọkpotso abhi Ijẹtasi ni e vha yẹsẹ Ishinẹgba ea li.
6
Imhẹ li ọgbọ ọ rhọ te ona gbe ghọ ni inyọgwhọ ọli shi ona. Rharhi khi Ishinẹgba li ọa wali oliẹ obodẹ ẹtsẹkẹ enana kwu, abhi eyẹ ke lee li chi vhẹ esọ eyọ ni eyẹ li gwu khasẹ vhẹ.
7
Rharhi khi Ishinẹgba ọ vha nyalu eyẹ je umhapfuasẹ, ama ipfuasẹ.
8
Iyọ, ọni ọ kyhie eni ingmemhi ena a khi ọgbọ li ọ kyhie, ama Ishinẹgba lọ kyhie, ni ọ rhi Ayẹmhẹ ni o Pfuasẹ na vhẹ.
9
Inyọgwho obodẹ ighọli, vhavha kyili emeni a kha gwe kẹkẹ ebe a gyhi, rharhi khi Ishinẹgba ọ she wẹna vhẹ khi vha mhọli ighọli egbe.
10
Ingmagyhie lọ, vha khyiẹli ona ni eni e myie Ijesu suọ kwu ni e la Imasẹdonia. Ama eyẹ zeze vhẹ idu, inyọgwho, khi vha khyiẹli ọli dala ayọ.
11
gwe zeze vhe idu khi vha nyakwa nyele inyele ni ọpfomhẹ, ọgbọgbọ ọ rhi ẹlue shi akanya li kee gbe, vha rhi abọ vhẹ a gbe akanya, abhi eyẹ ke lee ngme vhẹ eyọ.
12
li na kee nyele khi vha kẹ mhọli eghọghọ vhi obọ eni ea myie Ijesu suọ ni e vha la vhẹ iteteva, ishiọyọ ẹtsẹkẹ o ke to vhẹ.
13
Inyọgwho, eyẹ vha nono khi o de aghafa shi vhẹ ẹlue, obodẹ eni e gwhulo, khi vha ke gwe kee la ọrhọ abhi eni e vha yẹsẹ obhoni ea je ni e chi oni agbọ ona le.
14
Rharhi khi eyẹ lama khi Ijesu ọ gwhua ọ gwe vule, Iyọ Ishinẹgba ọ li laa nwu eni e gwhulo shi ijegbe Ijesu ma vhi egbe vule.
15
ona li eyẹ te te ingmemhi Ishinẹgba gwu khasẹ, khi eyẹ ni eyẹ lkpọẹ shi agbọ, ni e mugha khẹ ibhale Ọnọmhọli. Eyẹ vha laa vule khẹ eni e she vhesẹshi.
16
Rharhi khi Ọnọmhọli ọ laa te egbe ọ te alegyhie kpiale. Ọọ laa rhi urhuli agyhieukọ nọfu sọ ọọse kpiale, ali okphali Ishinẹgba, Eni e gwhulo shi ijegbe Ikiristi lee kpọa vule..
17
Ishọyọ eyẹ ni eyẹ nyele, ni e kpọẹ shi ekẹ, e shele a bhui Ọnọmhọli vhi elemhi atutu vhi idane. Ina li eyẹ li laa ke nu Ọnọmhọli a la.
18
Iyọ,vha rhi eni ingmemhi ena kee zeze egbe vhẹ idu.