Ikhomhi 5 Itẹsẹloniasi ni ikyiatsolo
1
Inyọgwho, Nanena obodẹ ẹrhẹghẹ, ali ogbe, ọa gwe kyili emeni a kẹkẹ ebe gyhi vhẹ a shi.
2
khi vhẹvhẹ obọ vhẹ vha yẹsẹ onagyhie, onagyhie, khi ogbẹlẹ Ọnọmhọli rhẹmhi o la liabhi ọgyhieatọ ni ọa do ẹliyọsẹ.
3
E kha li ẹẹ li, “ọpfọmhẹ ali ipfueọle,” Udumhija epfua o bhẹ bhuli wẹ le. Rhẹmhi o laa liabhi okwhu ni oa to ọkpotso ni ọ la vyia. E vha la mẹ odẹ ni e te laa na pfue ọ le.
4
Ama vhẹvhẹ eni Inyọngwho mẹ, vhavha la elemhi alo ebili, imhẹ dobẹ oni ogbẹlẹ nwu vhẹ vhi iba abhi ọgyhiatọ.
5
Rharhi khi imyi ufulọ ali ota vha kyia.
6
Iyọ, imhẹ li eyẹ vhesẹshi abhi eni e kpọẹ ea li.
7
Onochi, eyẹ kee fẹ lololo eyẹ rhi ẹlue kpẹ. Rharhi khi eni ea vhesẹshi, ẹliyọsẹ le e rha vhesẹshi, eda enyọ ea da enyọ ẹliyọsẹ.
8
eyẹ ke rhọ kyili imyi ota, eyẹ rhi ẹlue kpẹ, eyẹ rhi awulu akwi ni o kyili Irhọshiọ ali ighọli sọ, vha gwese arhu imyiepfuase.
9
Rharhi khi Ishinẹgba ọ vha ma eyẹ khi ofu ọli o de rhugwu eyẹ, ama khi eyẹ rhọ mhọli imyiepfuese rhọ te obọ Ọnọmhọli ni Jesu Ikirist.
10
li ọ gwhua ni eyẹ khi eyẹ kẹ nu ọli nyele, eyẹ gwhuloa eyẹ nyele ni ọ bhale.
11
vha kee zeze egbe vhẹ idu vha kpholo egbe a shele. abhi vha kpọ le lia li eyọ.
12
Inyọgwho eyẹ ẹẹ vhẹ, vha ta ẹlue eni ea gbe ikanya vhi iteteva vhẹ ali eni e kpeda na vhẹ ali eni e rhi ẹloli a kwhu vhẹ elemhi Ọnọmhọli.
13
ẹẹ vhẹ, vha rhi ekpẹ na wẹ rharhi ikanya ni ea gbe. Vha rhi ọpfọmhẹ kee rhẹ khali egbe.
14
Inyọgwho, eyẹ zeze vhẹ idu khi vha chi eni ea gwabhagbe esọ, vha zeze eni abọ e sha idu, vha kpaghyiẹ eni olọsẹ, vha rhi egbe a myie egbe.
15
Imhẹ laa mẹ ọni ọ rhi ẹbe wali ẹbe. Onochi, vha na kee kwhu onagyhie ni egbe.
16
Vha kee ghẹlẹ ẹrhẹghẹ kwu.
17
Imhẹ vha vhiẹmhia vhi olema.
18
Ememeni a mẹ kwu vhaa kphẹmhi kee ni Ishinẹgba. Rharhi khi ona khi emeni e ghọli Ishinẹgba elemhi Ijesu kiristi na vhẹ.
20
22
19
IMhẹ vha pfuse Ayemhẹa,
20
Imhẹ vha rhi ẹlue gbe inagmemhi ogbhagbha ebolẹ,
21
gwanọ ẹtsẹke kwu fẹ, vha nwu emeni e ti ze.
22
Vha na ni emeni e rhi ingmobẹ a bhẹ kwu.
23
Ishinẹgba ọpfọmẹ ọ rhẹ vhẹ pfuasẹ pfuse. ayẹmhẹ vhẹ kwu, avhagwhu vhẹ, ali ijegbe vhẹ e kyili eni Ishinẹgba ọ rhi ẹlue kwhu apfishi ogbẹlẹ Ọnọmhuẹyẹ Ijesu Ikirist.
24
Ọni ọ nyalu vhẹ ọna rhi egbe a nya li ọ kyia, lẹ ni ọ nyalu vhẹ lẹ li ọ gwe laa khyiẹlẹ ọ.
25
Inyongwho, vha li kee pfi olema ni eyẹ.
26
Vha rhi ipfipfiunu tsẹ eni inyọgwho eyẹ kwu.
27
Mhi gwu khasẹ vhẹ khi vha zẹ oni ebe ona khasẹ eni inyọgwho eyẹ kwu.
28
Ivhẹlemhi Ọnọmhuẹyẹ Ijesu Ikiristi o nu vhẹ la.