Ikhomhi 3 Itẹsẹloniasi ni ikyiatsolo
1
abhi eyẹ vha ke gwe rhọ dobẹ rhi egbe myie, eyẹ rhọ sa khi o ti khi imhẹ li eyẹ te Atensi vu;
2
eyẹ rhọ gyhie Itimoti, ni inyọgwho eyẹ, ọ gwe kyili ọgbakanya ingme ingmemhi Ikiristi, li eyrhọ ghyie ọnkhi ọ kaa zeze vhẹ idu obodẹ imyiesuọ vhẹ.
3
Rhẹmhi eyẹ liyọ khi oni ẹchiọ o ke jigyhi vhẹ. Vhẹvhẹ vha li yẹsẹ khi ena laa ze eyẹ shi.
4
Egbegbingme, abhi eyẹ rhọ nu vhẹ la, eyẹẹ kpọ ngme khasẹ vhẹ shi ekẹ obodẹ osue ni a laa mẹ, ni o kyia khi vha yẹsẹ,
5
Rharhi ona, abhi egbe ea ke rhọ gwe sheshe mhẹ, lẹ mhi rhọ gyhie khi a kaa mhila ogbọ obodẹ irhọshiọ vhẹ bhẹ. khi a mẹ khi ọni ọ nwu agbọ a fẹẹ ni ọ she nwu vhẹ fẹẹ nena, akanya eyẹ o ke kyili apfuẹ.
6
Ama Itimoti ọ rhọ te obhoni vha la jele ọ tsua usomhi agyhie bhẹ abhi imyiesuọ ali ighọli vhẹ o li la. Ọọ li khi vhavha yele ingme eyẹa, khi vha rhi ẹlue eyẹ shi ekẹ abhi eyẹ li li rhi ẹlue vhẹ shi ekẹ abagwhoyọ.
7
Inyọgwho eyẹ, Rharhi oni ingmemhi irhọshiọ vhẹ li o rhi ọpfọmhẹudu ni eyẹ, vhi elemhi ọlọsẹmhẹ ali ẹchọ ni eyẹ la.
8
eyẹ rhọ suọ khi vha mugha gbaa elemhi Ọnọmhọli, rhẹmhi o zeze eyẹ idu,
9
Gha bhi eyẹ li kphẹmhi Ishinẹba na vhẹ, shi oghẹlẹ ni eyẹ mhuẹ vhi ukpẹlue Ishinẹgba rharhi vhẹvhẹ.
10
Shi ota shi iyọsẹ eyẹ le lia pfi olema na vhẹ onagyhie, onagyhie, abhi eyẹ li gwe li mẹ vhẹ ukpẹlue ali abhi eyẹ li rhi emeni vha nono na vhẹ.
11
eyẹ ni ita, ali Ọnọmhuẹyẹ Ijesu, ọ rhi odẹ pfuasẹ ni eyẹ bhui vhẹ le.
12
Ishinẹgba ọ rhẹ vhẹ kee va ẹgba vhaa mhọli ighọli egbe, abhi eyẹ li mhọli ighọli vhẹ.
13
khyiẹlẹ ona khi ọ rhọ zeze vhẹ idu, khi vha rhọ egbe gba na vhẹ vhi ukpẹlue Ishinẹgba eyẹ ni ita ni Ọnọmhuẹyẹ ni Ijesu ọ rhi eni kyili iyọ ma egbe bhẹ.