Ikhomhi 2 Itẹsẹloniasi ni ikyiatsolo
1
Vha li yẹsẹ inyọgwho mhẹ, khi ibhale ni eyẹ a bhẹ bhuli vhẹ le, o vha kyili apfuẹ.
2
Vha li yẹsẹ khi aa yẹghẹ eyẹa vhi oni Ifilipi ona gwhe a gwe rhi ẹchiọ ni ey, vha li yẹsẹ, khi eyẹẹ gbudu nyakwa ngme ingmemhi Ishinẹgba khasẹ vhẹ.
3
Ingmemhi izezeudu ni eyẹ rhẹẹ na vhẹ ipfiobọdọ ọ o vha la, wẹ khi umhapfuasẹ.
4
Ama abhi Ishinegba ọ le li rhi ingmenhi gyhie eyẹ oni usomhi, iyọ li eyẹ lee lia ngme ọli eyọ. Eyẹẹ ngme ama a khi a rhọ rhi egbe nwu iọgbọ, ama o rhọ rhi egbe nwu Ishinẹgba, ni ọa bino eyẹ idu.
5
khi vha yẹsẹ a vha mẹ ẹrhẹghẹ ni eyẹ rhọ ngme ingme ọlẹlẹmhunu khasẹ vhẹ gwhe, wẹ khi rhẹmhi eyẹ khyiẹlẹ vhẹ ikokoalo egbe wẹ khi ẹtsẹkẹ ituegbe, Ishinegba khi ọtsẹ eyẹ.
6
Wẹ khi rhẹmhi eyẹ khi agbọ e kẹ chichi eyẹ, shi vhẹvhẹ shi iọgbọ evhese. Eyẹ khaa dobẹ rhue ona abhi imhasha rharhi khi eyẹ kyili igyhieusomhi Ikiristi.
7
Onochi, eyẹ rhi ọpfọmhẹ nyele iteteva vhẹ abhi inyi ọmọ ọ li rhi obọ a kpẹkpẹ imyi ọli.
8
Eni edẹ ena li eyẹ te ga ẹẹ somhielemhi vhẹ eyọ. Egbe e nwu eyẹ khi a khi eyẹ lee ngme ingmemhi Ishinegba khasẹ vhẹ lọgwho ama eyẹ li rhi inyele eyẹ khasẹ vhẹ. rharhi vha maa ghalẹ ni eyẹ.
9
Rharhi vha sato, inyọgwho eyẹ, ikanya ni eyẹ gbe ali oghogho ni eyẹ ghogho. Shi ota shi iyọsẹ li eyẹ rhẹẹ gbe ikanya khi eyẹ ke rhọ lọsẹ vhẹ, Oni ẹrhẹghẹ li eyẹ rhẹẹ ngme ingmemhi Ishinegba khasẹ vhẹ eyọ.
10
Vhẹvhẹ ali Ishinegba vha kyili ọtsẹ, abhi eyẹ li rhi ipfuasẹ ali igwabagbe ali umhalue nyele rhẹẹ khẹ vhẹvhẹ ni vha myie Ijesu suọ.
11
Abagwhoyọ vha yẹsẹ abhi ita ọ li rhi ẹloli a kwhu imyi ọli, iyọ li eyẹ li zeze vhẹ idu.
12
Eyẹ zeze vhẹ idu, khi vha kee nyele inyele ni o tẹ nabhi Ishinẹgba ọa nono, ni ọ nyalu vhẹ bẹ vhi eghyiele ali ikiki ọli.
13
Ona lo rhi eyẹ a kphẹmhi Ishinegba utotona. Abhi vha rhọ myie oni ingmemhi Ishinegba suọ ni eyẹ gwu khasẹ vhẹ, vhavha myie ọli abhi ingmemhi ọgbọ. Ama vhaa lama shi vhọ khi ingmagyhie li oni ingmemhi Ishinegba o kyia. Oni ingmemhi ona li o kyhie lia gbe ikanya vhi iteteva vhẹvhẹ ni vha myie Ishinẹgba suọ eyọ.
14
Vhẹvhẹ eni inyọgwho eyẹ, vha ke khọlia eni ika Ishinẹgba ni e myie Ijesu Ikiristi suọ vhi Ijudia. Rharhi khi vhaa li mẹ osoli oyọyọ obọ ẹvhue vhẹ, abhi ee li vhi Ijusi.
15
Eni Ijusi lee gbe Ijesu ali eni ebolẹ ugbee, eni Ijusi lee gwe kwhu eyẹ kwhua. E vha rhi egbe nwuu Ishinẹgba, Onochi, ikphakphamhẹ lee kyia ni eni iọgbọ.
16
ẹẹ khi imhẹ li eyẹ gwu ingmemhi Ishinẹgba khasẹ Ijẹtasi khi e ke myie suọ. Emeni e ke kposhimhi vhọ khi rhẹmhi e rhi ingmobe buu shi vhọ. Ofu Ishinẹgba o pfuse wẹa.
17
Inyọgwho eyẹ, eye li vu vhẹ iteteva le ukwukwu ẹrhẹghẹ, ghe mhẹ ghe ẹ. O ze eyẹ vhi egbe li eyẹ rhẹẹ nyakwa abhi eyẹ gwe li mẹ vhẹ ghe mhẹ ghe ẹ.
18
Rharhi khi o ghọli eyẹ khi eyẹ bhale a mẹ vhẹ, Mhẹmhẹ Ipọlu, mhi dua vhọ itingmẹ, ama okyhio li ọ zu eyẹ odẹ.
19
Elọ khi irhegbenya ali oghẹlẹ eyẹ ni ọ la odalo, ni eyẹ rhọ laa nyanọ ukpẹlue Ijesu ni ọ bhẹ? Le khi vhẹvhẹ.
20
Rharhi khi vhẹvhẹ khi oghẹlẹ ali ikiki eyẹ.