Ikhomi 3 Ikorhitiasi ni ikyiatsolo 3
1
Mhẹmhẹ obọ mhẹ, Inyọgwho mhe ni Ikpotso ali emọse, imha dobẹ nu vhẹ a ngme abhi iọgbọ ni e la elemhi ayẹmhẹ, ama abhi iọgbọ ẹlamhijegbe, ali Imọpfẹ elemhi Ikiristi.
2
Aminyie lẹ mhi rhọ na vhẹ a nye a khi emenale ni o womhẹ rharhi khi apfishi neaa vhavha khyie dobẹ nwegbe shi ile emenale ni o womhẹ, vhavha kyhie nwegbe nee.
3
Rharhi khi vha khyie la ẹlamhijegbe, rharhi khi ofuma ali Ukhẹmhukhẹ o khyie la vhẹ lteteva, vhavha mẹ nyele inyele elamhijegbe yọ, vhavhaa khyiẹli ingme otsonagbọ nenaa?
4
Rharhi ona ọna ọ kha ẹẹ li, “Ipọlu mhi rha khẹ” ovhese ọọ li, “Apolọsi mhi rha khẹ” Vhavha nyele inyele otsonagbọ nenaa?
5
Ọgwho khi Apolọsi? Ọgwho khi Ipọlu? Egamhẹ ni vha gaa te ikpa wẹ myiesuọ, ni Ọnọmhuẹyẹ ọ gaa rhi Ikanya naa li e gaa kyia.
6
Irhẹmhi rhọ kọ Apolọsi ọ rhi amẹ a shiọ, ama Ishinẹgba li ọ rhẹ wẹ afu.
7
Iyọ, shi Ọni ọ rhọ kọ ali ọni ọ rhi amẹ a shi vhọ e vha mhuẹ emeni e kyila, sẹkẹnẹ ọni Ishinẹgba ni ọ rhẹ wẹ afu.
8
Shi ọni ọ rha kọ shi ọni ọ rhi amẹ a na wẹ ogwhọ li e gaa kyila, ọgbọgbọ li ọ laa myie elele abhi ọ li gbe.
9
Rharhi rhẹmhi eyẹ nu Ishinẹgba a gbe akanya kwugbe. Ghyiẹ khi ekẹ ishemhi ni Ishinẹgba ọa gwa, ali owa ọli.
10
Rharhi izọtena ni Ishinẹgba ọ rhọ na mhẹ, abhi egbegbe ọgwabha ma owa, Mhi she tuekele ọgbọ ọvhese li ọ ke ma nya. Ama ọgbọgbọ kwu ọ rhọ shi ẹgbhẹ abhi ọ li ma nya.
11
Rharhi ọgbọ ọ vha mhuẹ ugbẹkele ovhese dala oni a kpọ khyiẹlẹ shi ekẹ, ni ọ kyili Ijesu Ikiristi.
12
Nenaa, a kha mẹ ọgbọ ni ọ rhi Igolu, Isiliva, echẹ na nyanyaa, erhẹ, ebuli ma nyaa,
13
A la laa rhi Ikanya ọli Khasẹ, rharhi khi ẹlogota li o rhi egbe oli a khasẹ. Rharhi khi erhẹ o laa rhẹ wẹ khasẹ; oni erhẹ li o laa rhọ khasẹ abhi ikanya wẹ e li kyili enaghyie.
14
O kha ke kyia khi ikanya ni ọgbọ gbe khi e kpọle, ọ mhọli elele.
15
Ama ikanya ọgbọ e kha ke toa, opfu o gbe ọ. ama lẹ obọ ọli ọ laa pfue vhọ le, abhi ọgbọ ni erhẹ e gbe pfue.
16
Vha mẹ li yẹsẹ khi apfẹ ugamhi Ishinẹgba vha kyia khi Ayẹmhẹ Ishinẹgba o nu vhẹ la?
17
Ọgbọ ọ kha gwhọghọ apfẹ ugamhi Ishinẹgbaa, Ishinẹgba ọ laa pfuse ọlia. Rharhi khi apfẹ ugamhi Ishinẹgba oni o pfuasẹ li o kyia. Iyọ, vhẹvhẹ khi oni apfẹ oyọ.
18
Imhẹli ọgbọ ọ ghagha igbe ọli, a kha mẹ ọgbọ vhi elemhi vhẹ ni ọ khi lẹ maa mhuẹ ẹgbhẹ, ọ mela “Adẹkẹa” khi ọ kẹ kyili ọtsẹgbhẹ.
19
Rharhi khi ẹgbhẹli oni agbona idẹkẹ li o kyia ni Ishinẹgba. Rharhi khi o la akẹkeshẹkẹ “Ishinẹgba ọ te umagwẹ etsẹgbhẹ nwu wẹ.”
20
Abagwhoyọ, “Ọnọmhuẹyẹ ọ yẹsẹ khi isamhi etsẹgbhẹ khi apfuẹ lọ.”
21
Iyọ, imhẹli ọgbọ gwe rhi iọgbọ gha! Rharhi khi ẹtsẹkẹ kwu iyẹ lọ.
22
O kyili Ipolu, o kyili Apolusi, o kyili Ikẹfasi, o kyili oni agbona, o kyili inyele, o kyili egwhuli, o kyili emeni e la nena, o kyili emeni ea bhale, iyẹ li e gaa kyila,
23
Uwi Ikiristi li u kyila, Ikiristi ọ kyili uwi Ishinẹgba.