¹ Kutikeni kwi shiwi lyakwa Yahweh mwe bena Israeli, pantu ali no kumupela umulando imwe bonse mwe bekala mu calo, tamukete icishinka, tamukwete uluse elyo tamukwete no kwishiba Lesa mu calo. ² Abantu balelapa no kupepa ubufi, baleipayana, baleiba ifintu balecita no bupulumushi, ubuluku nabuntalamisoka bulefulilakofye. ³ Emulandu wine no mushili uleumina ndi, na baikalamo bene eco balefwila, e m ulandu wine ne nama shilefwila kumo kwine ne fyuni fya mulwelele, ne sabi lya muli bemba. ⁴ Lelo mwisuminisha uululi onse ukubalwisha pantu ine abo ndepela umulandu. Nimwe bene, bashimapepo. ⁵ Imwe bashinapepo mulalufyanya mu nshita ya kasuba, kabili imwe bene bashimapepo mulalufyanya namu nshita ya bushiku, Ine nkalofya umutundu wa bena Israeli. ⁶ Abantu bandi baunaika pa mulandu wakukana iluka na ine nimfunyako amano kuli bunshimapepo bwenu, kabili pantu imwe namulaba amafunde yandi ine ne Lesa wenu, eico naine shakebukishe abana benu. ⁷ Ukulingana nefyo banshimapepo balefulilako, efyo no kubifya kwabo kulefulilako, bakabushenye ubucindami bwabo ne fyansoni. ⁸ Ukubifya kwa bantu ekulebaletelela; ubukankala e mulandu wine bafwaila ukuti abantu balebifya ukucila. ⁹ Eico efyo cikaba ku bantufye efyo cikaba nakuli bashimapepo,bonse nkabakandila pa mwendele yabo, nkalinganya pa micitile yabo iyabipa. ¹⁰ Mukalya nomba tamwakekute nakalya; mukacita ubupulumushi nomba tamwakalesanda, pantu namufunya amano kuli ine ne Yahweh. ¹¹ Ubupulumushi, no mwangashi upya filapoka abantu bandi uku mfwa. ¹² Bena baleya ku cimuti pakuti eco cibapandeko amano. Pantu umupashi wabucilende naubalufya, nabafuma kuli Lesa wabo ukuya mukucita ubupulumushi. ¹³ Pa mpili epo balelekela amalambo, na pasansama epo batula imitulo ya fya koca, mwisamba lya fimuti fya oaks, ne miti ya popula nangu umulemba, emo balefutumwina ububani, pantu emwaba ifitelelwe ifisuma. Eco abana bene abanakashi babelele bacilende, nabana ba bana benu balecitila ubupulumushi. ¹⁴ Eico shakakande abana benu abanakashi ilyo bacita bucende. Pantu abaume bene ebaya kuli bucilende, no kwipaila amalambo pamo na bacilende ba mu bufuba eico abantu abashiluka bakaloba. ¹⁵ Imwe, mwe bena Israeli, mulecita bucilende, imwe mwilenga abena Yuda babe no mulandu. Mwilaya ku Giligali, imwe mwe bantu; kabili mwilya na ku Beth Aven, kabili imwe mwilaya mukulapako, ukuti, ''Mucishinka ca kwa Yahweh.'' ¹⁶ Apo abena Israeli baumalala ngo musepela wa ngombe, kuti ine nala bacema shani ngo twana twa mpanga, utwakuti ndecemena mu nika iyapabuka? ¹⁷ Abena efulemu nabakonena mu tulubi tulesa, kanshi balekeni babe. ¹⁸ Nangu umwangashi naupwa bena batwalililafye mukucita buciende; bakateka babo batemwishapk ukulacita ifintu ifyamusebanya. ¹⁹ Umwela ukali ukabolula nge mfula ya cikuku, no tulubi uto balepepa tukabaletelafye insoni.