Icipandwa 3
1
Yahweh asosele kuli ati, ''Kabiye nakabili, uye utemwe umwanakashi uwatemwikwa no mwaume ubmi kabili uucili alecita ubupulumushi. Lwe ulemutemwafye ngefi fine na ine ne Yahweh ncili ndetemwa abena Israeli, nangu kwena batwala amano yabo ku milungu iyo batemwa ukulatula ifimamatwa fya fitwalo fya myangashi,''
2
Kanshi naine epakulipila indalama amashekeli ya silfre ikumi limo na shisano pakumushita, nalundapo na matepe amakumi yane aya bale.
3
No kumweba namweba nati, ''Iwe nomba wakulaikala na ine inshiku ishingi, kabili tecakwesha ukulacita ubupulumushi, nangu ukukwata umwaume wa pambali, na ine efyo nkaba kuli iwe''
4
Pantu abena Israeli bali no kwikala inshiku ishingi ukwabula imfumu nangu ukuteka, ukwabula ukutulapo amalambo nangu ukukula incenshi shakupepelapo, nangu icakufwala ca bashimapepo ica efodi nangufye ukukwata utulubi utwakupendwilako.
5
Lelo kwena panuma, elyo abana bakwa Israeli bakabwela kuli Yahweh Lesa wabo, na kuli Davidi imfumu yabo. Lyena bakalakwatila Yahweh akatina, no kulashukila ifyabupe fyakwe ifisuma mu nshiku shakupelekeshako.