¹ ''Umfweni ici, mwebashimapepo! Kabili beni abatesha, mwe ba nganda yakwa Israeli! Umfweni, mwe ba nganda ya mfumu! Pantu ubupingushi buleisa kuli mwebo. Muli ngo lukose kuli Mizpah kabili nge sumbu ilyo bateya pa Tabor. ² Ba cipondoka baiminina nga nshi mukwipaulula lelo nkabakanda bonse. ³ Nalimwishiba Ephraimu, kabili Israeli tafisama ku cinso candi. Nomba webo Ephraimu, wayaluka nga cilende; Israeli alikowela. ⁴ Imicitile yabo tayakabasuminishe ukubwela kuli Lesa, pantu amano yaba cilende yali muli bena, kabili tabamwishiba Yahweh. ⁵ Icilumba cakwa Israeli na cimushinina pa cinso cakwe; kabili baipununa mukuluba kwabo; nao Judah aipununa pamo nabo. ⁶ Bakaya ne mpanga shabo ne ngombe shabo mukufwaya Yahweh, lelo tabakamusange pantu alitaluka ukufuma kuli bena. ⁷ Tabakwete bucishinka kuli Yahweh, pantu bali bana abafyelwe kuli bambi bambi. Nomba umwenshi upya ukabalya na mabala yabo. ⁸ Lisa intandala mu Gibea, ne penga mu Rama. Welesha ukuwelesha kwa bulwi mu Beth Aven: 'Tukakukonka webo Benjamini! ⁹ Webo Ephraimu ukasanguka ica kupapa mu bushiku bwaku kalipilwa. Mu mikowa yakwa Israeli nalenga amashiwi ya cine ye shibikwe. ¹⁰ Bacilolo bakwa Judah bali ngabalesesha icilibwe ca mupaka. Nkapongolwela ubukali bwandi nga amenshi. ¹¹ Ephraimu nafyengwa; nafunaulwa mu bupingushi, pantu akonkele utulubi mu kuitemenwa. ¹² Nebo nali kuli Ephraimu nge cipelebesha ca bushiku kabili ngo kubola ku ba nganda yakwa Judah. ¹³ Ilyo Ephraimu amwene ubulwele bwakwe, na Judah ifilonda fyakwe elyo Ephraimu aile ku Asyria, na Judah atuminine amamshiwi ku mfumu nkalamba. Lelo yalifililwe ukumukanda nangu ukuposha ifilonda fyobe. ¹⁴ Eico nkaba nge nkalamo kuli Ephraimu, kabili ngo musepela wa nkalamo ku nganda yakwa Judah. Nebo, kabilisha nebo, nkaba santaula no kuya kumbi; Nebo nshakabasende, kabili tapakabe nangu umo uwa ku bapususha. ¹⁵ Nkoya noku bwelela ku mwesu mpaka bakasumine umulandu wabo no kufwaya icinso candi kabili mpaka bakamfwaye mubucushi bwabo.''