¹ Pantu natontonkenye palwa ifi fyonse mu mutima wandi, pakuti nkutikishe palwa momoloke no wamano neficitwa fyabo. Bonsefye aba baba mu minwe yakwa Lesa. Tapali nangu umo uwishibile ngacakuti ukutemwa nangu ukupata kukesa kwisa pali umbi. ² Cilamuntu alikwata amafya yamo yene. Yamo yenefye amafya yapembela pa bantu abololoke napa finangwa, kuba kubuta nangu abakowela, na kuli uyo uuipelesha mu kupela na kuli uyo uushiipelesha mu kupela. Ala naba bune bakesa kufwa ifyo fine nembifi shine shikesa kufwa. Ala no ulapa akesa kufwa, ifyo fine noutina ukulapa akesa kufwa. ³ Kuli conse ica citwa pesamba lya kasuba kuli ububi, amafya yamo yenefye cikacitika kuli bosefye ababubi na babune. Ala imitima ya bantunse yaisulamofye ububi, no bushilu bwaba mu mitima yabo ulo bacili ne myeo. Elo napanu yaifyo bakaya kumbo. ⁴ Kuli onsefye uwaikatikwa kuca mweo conse, kuli isubilo, ngefyo imbwa yamweo ya wamapo ukucila inkalamo iyafwa. ⁵ Pantu abantu aba mweo balishiba ati bakesa kufwa, Lelo abakufwa tabeshiba nangu kamo. Kabili tabakwata nefya kubatasha pantu ifibukisho pali bena Nafilabwa. ⁶ Icitemwiko cabo, impatila, no lunkumbwa filele akale. Tabakakwate ififulo nakabili muli conse icacitwa panshi ya kasuba. ⁷ Enda munshila yobe, lya icakulya cobe ne nsansa, elo unwe no mwangashi obe no mutima wa nsansa, pantu Lesa asuminishako ukusefya kwa kubomba imilimo ya bune. ⁸ Mwingabutisha insalu shenu lyonse ulekusuba na mafuta ku mutwe. ⁹ Ikaleni mu nsansa no mukashi uyo watemwa mu nshiku shamweo obe mu bunangwa, inshiku isho Lesa ukupela panshi ya kasuba munshiku sha buwelewele bobe. Pantu ico ecilambu cobe mu mweo pa mulimo obe panshi yakasuba. ¹⁰ Ifyo iminwe yobe yasangana ukucita, bombelapo no bukose bobe, pantu taku milimo nangu bulondoloshi nangu kwishiba nangulafye mano mu Sheol, mulya umo ukoya. ¹¹ Nalibonapo ifintu fimo panwesamba lyakasuba: Ulubilo talwaba kubantu abasompoka: Ubulwi tabwaba k bantu abakosa, ifilyo tafyaba kubantu abamano, ifyuma tafyaba kubantu aba mucetekanya, ububile tabwaba kubantu abaishiba, nomba, akashita ne shuko fiponena pali bonse. ¹² Mucinefye, takwaba uwaishiba uluntu akashita kakwe kakesa. Ngafilya isabi likatwa mwisumbu, nangu ngafilya ifyuni fyoshiwa mu fiteyo, nabana babantu balekatwa mu nshita ya bubifi iyiponena pali bo mukupumikisha. ¹³ Nandi wine nalibona amano panshi ya kasubamu mu musango uumoneka uukulu kuli ne. ¹⁴ Kwaliko akamusumba akanono umo umwalifye abantu abakupenda, kwaishile ne mfumu yamaka yaishile mu musumba yaikatile umusumba no kukulamo icakucingilishako icikulu. ¹⁵ Nomba muli ulya musumba mwaishile kusangwa umupina, umwaume wa, mano uyo wine kumucetekanya wakwe apuswishe umusumba. Panuma yanshita, takwali nangu umo uwamwibikishepo ulya mulanda. ¹⁶ Eico na mukusondolwela kwandi natila, ''Amano yabune ukucila ukukosa, nomba amano ya mupina yalasulwa, na mashiwi yakwe tayomfwika.'' ¹⁷ Amashiwi ya muntu wamano ayalandwa umutalalila yalomfwika bune bune ukucila ukupundisha kwa uteka pa finangwa. ¹⁸ Amano yaliwama ukucila ifyanso fya bulwi bwa nkondo, lelo imbifi imo kuti yaonaula ubusuma ubwingi.