¹ Ninani umuntu uwamano? Ninani waishiba umo ifintu umo fyapilibukila? Amano mu muntu yalenga impumi yakwe ukubengeshima, elo nokukosa kwa mpui yakwe kulafumapo. ² Nkokweba ukunakila icipope ca mfumu pantu icilayo cakwa Lesa cikokucingilila. ³ Takuli kufuma bwangu kufuma kucinso cakwe, elo takuli kwiminina mukutungilila ifintu fyabubi, pantu imfumu ilacita conse ico ikofwaya. ⁴ Ishiwi lya mfumu lilatungulula, eico ninani wingalanda kuli yee, ''findo webo ukocita?'' ⁵ Uy onse uusumnga ukukonkomesha kwa mfumu alatalusha ifya kubipa. Umutima wa muntu wamano uleshiba imisango yabune elo nenshita ya kubombelamo. ⁶ Kumulandu onse kwaliba ukwasuka kwakulungika elo nenshita yakwasuka, pantu amafya yamuntu yakufula. ⁷ Takwaba nangu umo uwishiba ifikoisa pali yee. Ninani wingamweba ifikoisa? ⁸ Takwaba kateka pakupema kwakwe pakwebati akanye ukupema, takwaba uwakwata amaka pabushiku bwamfwa yakwe. Takwaba nangu umo uyo bafumya mubushilika mubushilika munshita yabulwani, nobubifi tabwakapusushe abo ababucita. ⁹ Nebo nalitontonkenyepo ifi fyonse: Nebo nalibikile umutima wandi kumulimo onse ukocita pandhi yakasuba. Kwalibe nshita uluntu umuntu atitikisha umuntu umbi icakuti nomuntu acenwa. ¹⁰ Eico nalibwene uko ababifi bakobashika palwalala. Balikubapita ukufuma kuncende yamushilo nokubashika elo balikubatasha kubantu mu musumba umo balikucitila ifyabubifi fyabo. Ifi nafyo fyafye. ¹¹ Uluntu ukupingula umulandu wabubi kwakokola, cilakoselesha imitima yabantu ukulekucita ifyakubipa. ¹² Nangu umubembu akocita ifyakubipa imiku umwanda umo elo akonkanyapo ukwikala inshita iyakulepa, lelo nebo ndishibile ukuti cikaba icabune ukucilamo kuli abo abacindika Lesa, kuli abo abakwiminina pali yee elo bakomulanga no mucinshi. ¹³ Lelo ici tacakabe bwino kumuntu umubifi; ubumi bwakwe tabwakakokole. Inshiku shakwe shikaba ngecinshingwa icikalafye akashita akanono pantu ena tacindika Lesa ¹⁴ Kwaliba ifintu fimbi ifyabula ubupilibulo ifikocitwa pacalo. Ifintu ifikocitika kubantu abalungami efikocitika nakubantu ababifi, elo nefintu ifikocotika kubantu ababifi efikocitika na kubantu abalungami. Nebo nalanda ici naco mupu wafye. ¹⁵ Eico nebo nashininkisha insansa, pantu kumuntu takuli icintu icabune panshi yakasuba ukucila ukulya nokunwa elo nokuba uwakusansamuka. Ninsansa eshikaya na yee mukubombesha kwakwe munshiku shonse isha bumi bwakwe isho Lesa amupela panshi yakasuba. ¹⁶ Uluntu nebo nabikile umutima wandi kukwishiba amano elo na kukwishiba umulimo ikocitika panshi yakasuba, umulimo ukocitika lyonse ukwabula amenso ukulala ubushiku na akasuba, ¹⁷ Eluntu nebo nabwene fyonse ificitwa fyakwa Lesa, elo efyo umuntu tekuti eshibe umulimo wabombwa anshi yakasuba. nangu umuntu engabombesha shani pakusanga amasuko, ena takayasange. Nangufye muntu uwamano engasumina ati nalishiba, tekuti acite.