¹ Ishina ilyabune lyawamishapo ukucila amafuta ayamutengo ayakununkila, elo nobushiku bwakufwa bwawamishapo ukucila ubushiku bwa kufyalwa. ² Cawamishapo ukuya kungánda yamalosho ukucila ukuya kungánda yamalila, pantu ukulosha kulesa kumuntu onse pakupwa kwa bumi, eico abantu abali no mweobabike ici kumutima. ³ Ukukalipwa kwawamishapo ukucila inseko, pantu panuma yampumi yabulanda palesa insansa shabulanda. ⁴ Umutuima wa mano waba mung'anda yamalosho, lelo umutima wacipuka waba mung'anda yamalila. ⁵ Cawamapo ukumfwa kukukalipwa kwa wamano ukucila ukumfwa kulwimbo lwa fipuka. ⁶ Ngafilya imyungu iikopya ibilauka panshi ya mpoto, efyaba nenseko shacipuka. Icinaco cafye. ⁷ Umutitikisha ulalenga umuntu wamano ukuba icipuka, amafisakanwa yalonaula umutima. ⁸ Ukupwa kwamulandu kwamishapo ukucila ukutampa; nabantu abatekanya mumutima bawamishapo ukucila abacilumba mumutima. ⁹ Umutima obe wikalipa bwangu, pantu ubukali bwaba mumitima yafipuka. ¹⁰ Takuli kulanda, ''Bushe findo inshiku shakale shawamishapo ukucila shino? pantu temulandu wamano webo ukwipusha ici. ¹¹ Amano, yaba ngecabupyani, cabune. Cilafwako abo abakobona akasuba. ¹² Pantu amano yalenga ukucingililwa ngafilyafine indalama shilenga ukucingililwa, lelo ubune bwakwishiba ubwa kuti amano yalapela ubumi kuli uyo uwayakwata. ¹³ Lolesha ificitwa fyakwa Lesa: Bushe ninani wingololola ico ena apondamika? ¹⁴ Uluntu inshita shaba ishabune, ikala mukusansamuka muli ico icabune, lelo uluntu inshita shabipa shaisa wishibe ukuti: Lesa alisuminisha fyonse ukubako ulubali no lubali. pali uyu mulandu, takuli uukeshiba ico icikoisa panuma yakwe. ¹⁵ Nalibona ifintu ifingi munshiku shandi ishishakwata bupilibulo. Kwaliba abantu abalungami abo abaloba mubulungami bwabo, elo kwaliba abantu ababifi abo abaikala ubumi mukutwalilila mububifi bwabo. ¹⁶ Wilakuba umulungami wemwine, uwamano mumenso yobe. Bushe findo webo ukoyonawila wemwine? ¹⁷ Takuli kubifya ukucilamo nangu ubupuka. Bushe findo ifyo ukofwila ilyo inshita yobe tailafika? ¹⁸ Cabune ukuti webo ufwile ukwikala muli ayamano, elo taufwile ukuleka ubulungami bulekuya. Pantu umuntu uutina Lesa akacita imilimo yakwe yonse. ¹⁹ Amano yalikwatisha amaka mu muntu uwamano, ukucila intungulushi ikumi limo abali mu musumba. ²⁰ Takwaba umuntu umulungami pacalo uucita icabune ukwabula ukubifya. ²¹ Takuli kumfwa kwishiwi lyonse ilikolandwa, pantu kuti waumfwa uko umubomfi obe akokutipa. ²² Cimo cine, nawishiba wemwine ukuti mu mutima obe ulatipa bambi. ²³ Ifi fyonse nalyesha namano. Nalandile, ''Nkaba uwamano,'' lelo calicilile pafyo nalikufwaya ukuba. ²⁴ Amano yalifika apatali elo yalikosa. Bushe ninani engayasanga. ²⁵ Umutima wandi wapilibukile ku kusambilila elo nokwishiba nokufwaya amano elo nokulondolola kwacine, nakukwishiba ukubipa kwakutumpa elo nobo ubupuka ubwakuba mubushilu. ²⁶ Nalisanga icakubipisha ukucila imfwa, mwanakashi uuli onse uyo umutima waisulamo ifiteyo elo na masumbu, kabili iminwe yakwe minyololo. Uyo onse uusekesha Lesa alafyuka ukufuma kuli yee. ²⁷ ''Lolesha ifyo nebo nasanga,'' efikolanda ukusambilisha. ''Nebo nkobikako cimo kucinankwe ico nasanga pakwebati nsange ubulondoloshi bwacishinka. ²⁸ Ifi efili ico nebo nkofwaya, lelo nshicisangile. Nalisanga umwaume umulungami umo mwikana limo (1,000), elo nshisangile umwanakashi muli abo bonse. ²⁹ Ici ceka eco nasanga: Ukuti Lesa apangile umuntu umololoke, lelo baliya mukuwaya ifyakukosa ifingi.