¹ Ngefyo balunshi bakufwa balenga amafuta ukununka, eico no bupuka ubunono kuti bwa cimfya amano elo no bucindami. ² Umutima wa muntu wamano utekanishisha ku kulyo, lelo umutuma wa cipuka utekanishisha kukuso. ³ Uluntu icipumbu catentemukila munsila, ukutontonkanya kwakwe kulapelela, ukulanga ku uuli onse ati cipuka. ⁴ Nga ukumfwa kwa ntungulushi kwakwimina, wileka umulimo obo. Ukutekanya kuti kwapwisha ubukali. ⁵ Kwaliba ububi ubo nabona pe samba lya kasuba, impuso iyo iisa ukufuma ku ntungulushi. ⁶ Ifipuka fyalipelwa ififulo fya butngulushi, elo baume bakutunguluka bapelwa ififulo fya panshi. ⁷ Nalibonapo abasha bakoendela pali bakabalwe, elo abaume bakutunguluka bakoenda panshi kwati basha. ⁸ Uyo uwimba icilindi akaponena umwine, na onse uupita mu cibumba kuti asumwa ku nsoka. ⁹ Onse uukotoba amabwe kuti aicenako, elo umwume ukotema inkuni cilamutinya. ¹⁰ Nga akanensala ka cela kalitunine, elo no mwaume takasongwele, eluntu afwile ukubomfya amaka ayengi, lelo amano yapela inshila yakutungulukilamo. ¹¹ Nga insoka yasuma ulo tailalowekwa, eluntu takuli ubusuma ku ukolowa. ¹² Amashiwi ya kanwa ka wamno bubile, lelo imilomo ya cipuka ilamulya. ¹³ Ulo amashi ya tampa ukufuma ku kanwa ka cipuka, ubupuka ebufuma, elo na pampela akanwa kakwe kafumya ukupena kwabipa. ¹⁴ Icipuka cifusha amshiwi, lelo takuba nangu umo uwishiba ifikoisa. Ni nani uwishiba icikoisa panuma yakwe? ¹⁵ Ukubomba kwa cipuka kulamusakamika, pakweba ati tabeshibe ne nshila ya ku musumba. ¹⁶ Akalanda kuli webo, we calo, nga imfumu yobe musepela, elo nga intungulushi shobe shitampa ukufunga ulucelo! ¹⁷ Lelo walipalwa we bo, we calo, nga imfumu yobe mwana mwaume wa wacindama, elo nga intungulushi shobe shilya pa nshita ya linga, pamulandu wa maka, elo te pali wakukolw! ¹⁸ Pamulandu wa bunang'ani umutenge ulabunda, elo pamulandu wa kupwala kwa maboko ing'anda ilaloka. ¹⁹ Abantu bapekanya ifyakulya mukusekelea, umwangashi uleta insansa ku mweo, elo indalama shisusha ukukabila kwa cili conse. ²⁰ Witipa imfumu, nangulafye ni mumano yobe, elo witipa abantu bafyuma mu muputule wakukati obe, Pantu iconi ca mulwelele kuti casenda amshiwi yobe; conse icakwata amapindo ku casalanganya umulandu.