THIMINGWA 3
1
Ndani Hekudyange ne ghogha ghambire kukwange eshi; "Yende karo noka kare nombuyama oyu hahaka hamweya, no aye ne kuna kutjora yiyeka, thika ruhakitho rwaFumu Nyambi kohana Esreali, awa hana kukenga kwawa nyambi hagho nagho nokuhaka thikuki thomandjembere ghokukukuta thawa nyambi hombango.
2
Naruwera ghukare wange, dikumi noma Siliveri kwoko noghofotji nodihenda dyomametitho ghomavumbukiro.
3
Nona ghambire kukwendi, wakona kukara nange mayuwa ghomengi; mbadi wakona kutenda rungu karo endi wakukare nakatughuru ghumweya, mundhira dhodhi mboni kara noye."
4
Hana Esreali ne mbohana kara mayuwa ghomengi kupira fumu nofumu ghana, kupira muyambo nomaghundhi ghomawe, kupira diwiwiri dyawa pristeri noyitjwandjo.
5
Munyima dhoyi, hana Esreali ne mbohana huka nokushana Fumu ghoNyambi wagho naDavid ghofumu wagho. Mbohana yapa Hekudyagho nomaghuwa ghendi mumayuwa ghopaghutho.