¹ Kristu adatitsudzula bzvinilewa kuti tina ufulu. Tsapano milani mudalimba pomwe musabzvibvumile kuti muwe alanda pomwe. ² Nyanganani, ine, Paulo ndinikuuzani kuti kana imwepo mwabzvibvumila kuti magwatiwe tsonga yaumuna ndiye bzvinilewa kuti Kristu ndichinthu chapezipezi kwaimwepo. ³ Ndinibweleza pomwe kukuwuzani kuti mamuna wense anibzvibvumila kuti agwatiwe ntsonga yaumuna anifanila kuteyeza mtemo yense yaMozisi. ⁴ Mwentse imwepo muniyesa kubzvilungamisa pamaso paMulungu munjila yakuteyeza mtemo munibzvipatula kuna Kristu. Muli kunja kwakukoma mtima kwaMulungu. ⁵ Ifepo kunyanganila kwathu ndikwakuti Mulungu azatilungamise pamaso pake. Ndiye kuchokela muchikulupililo nampamvu yaMzimu waMulungu umweyu tilikumilila. ⁶ Pakuti kana tidaphatana naKristu, bzvakugwatiwa ntsonga yaumuna kana kuleka kugwatiwa bzvilibe basa, chindofunikana ndichikulupililo chinwoneka kuchokela mumabasa yachikondi. ⁷ Mukhali kuyita bzvabwino mbani adakulambizani kutetekela chadidi? adakupunpswani mbani? ⁸ Bvzinhtu bzvimwebzvi bzvilibe kuyitiwa naMulungu uyo adakuchemelani. ⁹ Ninga kulewa kwaniyita kuti, ''Bzvindofuna bzvinifufutisa chin'ono-n'ono kuti munyeche waTirugu ufufutisiwe.'' ¹⁰ Thangwe lakuphatana kwanu naKristu kunitipasa kusakanganisika padzulu panu, kuti imwepo musatole kufunga kudasiyana nakwangu pabzvinthu bzvimwebzvi. koma umweyo peno ndiyani bzvake ali kukupumphswani Mulungu amulange. ¹¹ Koma kana ndili inepo abale wangu kana ndikapitilila patsogolo nakulalikila kuti kugwatiwa tsonga yaumuna kunifunikana ko ndawanyi ndichili kungozunziwa? kana ninga chikali chadidi kulalikila kwangu padzulu pamtanda waKristu kukhadakonzeka lini nthamu. ¹² Ndingakhondwe kuti amwewo alikukukanganisani asangogwatiwa nsonga yokha koma umuna wense. ¹³ Koma imwepo, abale, mudachemelewa kuti mukhale naufulu. Koma musalekelele ufulu wanu kuti ukufikiseni pakuyita bzvinifuna makhalidwe yakuyipa yakubadwa nayo. Zhayi chikondi ngachikuyitiseni kuti mumbatumikilana. ¹⁴ Pakuti mutemo wense udapataniziwa kuumba mutemo ubodzi uniti, 'Konda mwanzako ninga kukonda kwaunibzviita;. ¹⁵ Koma mukhakhala ngati nyama zamuthengo ,muchilumana nakundyanana ndiye muchenjele kuti mungamalane. ¹⁶ Chandikulewa ndiichi lekani Mzimu waMulungu utsogolele umoyo wanu,mukutenepo munizayita lini bzvinifuna makalidwe yakuipa yakubadwa nayo. ¹⁷ Pakuti bzvinifuniwa namakhalidwe yakuipa yakubadwa nayo bzvinipikisana nabzvinifuniwa naMzimu waMulungu. Ndiye bzvinifuniwa naMzimu waMulungu bzvinipikisana nabzvinifuniwa namakhalidwe yakuipa yakubadwa nayo. Bzvinthu bzviwilibzvi bzvinizondana, ndiye munthu akwanisa lini kuyita bzvaanifuna iye kuita. ¹⁸ Kana Mzimu waMulungu wakutsogolela, munikala lini pansi pautongo wamthetwe ¹⁹ Bzviniyitiwa namakhalidwe yakuipa yakubadwa nayo bzvinioneka padecha,bzvinioneka muumpombo,bzvininyantsa nakusabzviphata,. ²⁰ Mukupembedza bzvimufananidzo nauloyi, kuzondana, kumenyana kuitilana cheni, ukali, kubzvikonda,kupatulana,kusankulana, ²¹ Aniitilana godo, kuledzela nantapanje, nakuitiwa bzvinango bzvintu ninga bzvimwebzvi, Ninga bzvandidayitiwa pakuthoma; wense anchita bzvimwebzvo anipita lini kuumambo wakudzulu ²² Koma Mzimu wamulungu unibeleka chikondi, kukondwa, ntendele, ²³ Mutima utali, kukoma muntima, ubwino, kukhulupililika, Mutima wakudelekha, nakubzvibweeza, Palibe mtemo unipikisana nabzvintu bzvimwebzvi. ²⁴ Tsapano amwewo ali waKristu Jesu adakhomela pamutanda makhalidwe yakuipa yakubelekewa nayo, pabodzi nabzvaanikhumba nabzvaanifuna. ²⁵ Mzimu waMulungu udatipasa umoyo, tsono anifanila kutsogolelambo umoyo wathu. ²⁶ Tinifanila lini kubzvikuza kana kukanganisilana kana kuitilana cheni.