¹ ''Aaya ngemalayilile ajwi lya Jehova wambila nyika ya Hadilakki a Damasikkasi, busena bwakulyokezezya lwayo; nkambo menso amuntu woonse anzubo zyoonse zya Izilayeli aalangide kuli Jehova. ² Aaya aalo ngemalayilile awambila Hamati, oyo uzyungulukide atala lya Damasikkasi, achooko chawo Taaya a Sidoni, nkambo mbasongo loko. ³ Taaya waliyakila machijilo akulundika nsiliva mbuli lusuko angolida yakasalazigwa mbuli bulongo bwamumigwagwa. ⁴ Langa! Mwami uyomunyanzya akumwaya nguzu zyakwe mulwizi, aboobo uyotentwa amulilo. ⁵ Asyikkeloni uyobona akuyoowa! Awalo Gaza uyokankama kapati! Ekkiloni, Chilangililo chakwe chiyomubijila! Mwami uyofwidilila kuzwa ku Gaza, alimwi Asyikkeloni uyomwayisigwa akuba tongo! ⁶ Bazwakule bayowuchita myuunzi yabo mu Asyidoni, alimwi njomaninsya kuli sumpula kwaba Filisitiya. ⁷ Nkambo njogwisya bulowa bwabo kuzwa kumilimo yabo azisesemyo zyabo kuzwa akkati kumeno aabo. Mpawo bayooba bacheede nkambo Leza ulayanda lunyungu mu Juda, awalo Ekkiloni uyooba mbuli Jebbusi. ⁸ Njoyaka chakuzyunguluka nyika yangu akulwisya sinkondo abasikalumamba, aboobo takwe naba omwe utakiinde nikuba kuboola, nkambo takwepe mudyamizi uyobiinda, nkambo linobu ndabona amenso aangu! ⁹ Sekelela loko, omwana musimbi wa Ziyoni! Wompolola, mwana musimbi wa Jelusalemu! Kolanga! Mwami wako ulaza kuli nduwe. Uliluleme alimwi muzundi. Ulibombede alimwi ulitantiide imbongolo, amwana mweenze wambongolo. ¹⁰ Mpawo njolobya nkalaki kuzwa kuli Efulemu ambongolo kuzwa ku Jelusalemu, abuta bwankondo buyonyonyoonwa kuzwa kunkondo; nkambo uyowambula lumuuno kuzisi, abwendelezi bwakwe buyoba kuzwa kulwizi akulwizi, akuzwa kumu Longa kusikila kumamanino anyika! ¹¹ Mbuli nduwe, nkambo kachizuminano chabulowa anduwe, njowangununa baange bako kuzwa kumulindi ooyo utakwe manzi. ¹² Bweeda kumachijilo, nomwaange wabulangizi! Sunu nchobeni ndakwambila kuti uyoboola kuli nduwe tobile, ¹³ nkambo ndapeta Juda mbuli buta. Efulemu njomuzuzya kuyoosya kwangu. Ndakopengania bana bako balombe, Ziyoni, ndalwisya bana bako balombe, Gilisi, akukuchita webo, Ziyoni, mbuli panga lyasilumamba!'' ¹⁴ Jehova walibonia kuli mbabo, amivwi yakwe iyoyasa mbuli lulabi! Nkambo mwami wangu Jehova uyolizya mweembo alimwi unoyabwiinka mutumbizi twaku Temani. ¹⁵ Jehova wamakkamu ulabakwabilila, alimwi bayobakkwamuna akuyozunda mabwe amuchingwindi. Mpawo bayonywa akoompolola mbuli baalumi banywide wayini, alimwi bayozuzigwa wayini mbuli mitiba, mbuli chooko chachipayililo. ¹⁶ Aboobo Jehova Leza wabo uyobamvwa mulilelyo zuba, mbuli butanga bwambelele zyabantu bakwe. Aabo mabwe mayandisi amusyini ang'ayima munyika yakwe. ¹⁷ Mbabotu biyeni alimwi bayoba beebesi biyeni! Balombe balabotesegwa amyiila aba nakalindu balabotezegwa awayini unoona!''