¹ Ooku nkwambula kwajwi lya Jehova aatala aba Izilayeli--nkwambuula kwa Jehova, wakatandabika milengalenga akubikka ntalisyo yanyika, akulenga muuya wamuntu mulinguwe. ² ''Bona, ndaamba kuchita Jelusalemu munkomeki ipanga bantu boonse akupapalisya misyobo yabo yoonse yabantu beengelede alimwi kuyooba mbuboobo mbuli kuli Juda kuchindi chakusunzuluka atala a Jelusalemu. ³ Mubuzuba oobo njochita Jelusalema ibbwe idemu kubantu boonsekufumbwa uyoyezya kubweza ibbwe elyo liyomupwachuula loko, alimwi zisi zyoonse ziyobungana atala amunzi oyo. ⁴ Mubuzuba oobo -- oku nkwambilizya kwa Jehova--Ndiyowuma mbizi zyoonse alupyopyongano mpawo asikuzigada chakumupenzya. Ajulu ang' anda ya Juda ndiyojula menso angu pesi zyoonse mbizi zyabantu njozyumaboofu. ⁵ Eelyo baami ba Juda bayowambwa mumyoyo yabo , 'Bantu bakkede mu Jelusalemu manguzu esu nkaambo ka Jehova wamakamu, Leza wabo.' ⁶ Mumazuba ayo njochita kuti baami bama Juda babe mbuli lukkaye lwamulilo akkati kankuni alimwi mbuuli mabangabanga akkati kamayila ayimvwi, nkaambo bayosyukutwa bantu boonse bazyungulukide kululyo lwabo akuchimweensi chabo. Jelusalemu alimwi ichinokkede abusena bwayo.'' ⁷ Jehova uyofutula matente a Juda lutaanzi, kuchitila kuti bulemu bwang' anda ya Davida antomwe abulemu bwabaabo bakkala mu Jelusalemu butakkomeni kwinda bwa Juda. ⁸ Mubuzuba oobo Jehova uyoba chikwabilizyo chababo bakkala mu Jelusalemu, alimwi mubuzuba oobo aabo bakompeme aakkati kabo bayooba mbuli Devidi, aboobo ng' anda ya Davida iyooba mbuli Leza, mbuli mungelo wa Jehova kunembo lyabo. ⁹ ''Mubuzuba oobo ndiyosanguna kumwaya zisi zyoonse eezyo zilwisya Jelusalemu. ¹⁰ Pesi ndiyotila muuya waluzyalo akukombelezya ng'anda ya Davida abakkede mu Jelusalemu, aboobo bayolanga alindime, oyo umwi ngubakayasa. Bayowomoka mbuli uumwi uwomokela mwana mwana mulombe umwi biyo; bayomukwila chakuusa mbuli baabo bakwila lufu lwamwana mulombe mutanzi. ¹¹ Mubuzuba oobo kukwiila kwamu Jelusalemu kuyoba mbuli kulila kwa Hadadi Limoni muntandabale ya Megido. ¹² Nyika iyowomoka, alimwi mukowa umwi awumwi uyowanzana kuzwa kumukowa umwi. Mukowa wang' anda ya Davida uyowanzana abanakazi baabo bayowanzana kuzwa kubaalu babo. Mukowa wang' anda ya Natani iyowanzana abanakazi babo bayowanzana kuzwa kubaalumi baabo. ¹³ Mukowa wang'anda ya Levi uyowanzaana abanakazi baawo kuzwa kubaalumi baabo. ¹⁴ Mukowa waba Simayiti uyowanzaana abanakazi baabo bayowanzaana kuzwa kubaalumi -- awumwi awumwi mukowa uyowanzaana abanakazi bayowanzaana kuzwa kubaalumi. Woonse mukowa wakasyala kumikowa -- umwi awumwi mukowa uyowanzana abanakazi bayowanzana kuzwa kubalumi.