¹ Busongo bwaliyakila ng'anda; bwalibezela minsende ilimusanu ayibilikuzwa kumabwe. ² Bwalijayila banyama, bwalivwelaniniya wayini, akulibambila aatafula. Bwatu ³ Bwatuma basimbi bwabo, Bwatambwizya kuzwa aanyika ilajulu yachisi; ⁴ ''Ngwani utakwe maanu maanu? Ngaboole okuno!'' Kuliyooyo utakwe boongo bubotu ulawamba . ⁵ ''Amuboole, mulye chakulya changu, akunwa wayini yangu njendavwenganiya. ⁶ Amuleke zichito zyanu zyakutaziba mupone, mweende munzila zyakumvwisisisya. ⁷ Kufumbwa uulaya muntu sikasampusampu ulajana lutuko. ⁸ Utatapatili sikasampusampu, nikuba ulakusula; tapatula muntu musongo, alimwi ulakuyanda. ⁹ Pa muntu musongo, alimwi uyooyungizya kulwiyo lwakwe. ¹⁰ Kuyowa Jehova matalikilo aabusongo, alimwi luzibo lwa uusalala nkumvwisisisya. ¹¹ Nkaambo kwindila mulindime mazuba aako ayoyungizigwa, aminyaka yabuumi bwako iyooyungizigwa kuli nduwe. ¹² Kuti kolimusongo, ulimusongo lwako, alimwi kuti kolisikasampusampu, uyoolibwezela lwako nomwini. ¹³ Mwanakazi mufubafuba takwe luzibo, tajisi zyakwaamba alimwi tazi chintu. ¹⁴ Ulakkala aamulyango wanganda yakwe, eechuunu aamasena alaajulu aachisi. ¹⁵ Ulayita kulaabo bayinda mumigwagwa , kubantu beenda kabaluleme anzila zyabo. ¹⁶ ''Kufumbwa uubula maanu ngaboole ookuno,'' ulabaambila batakwe busongo, ¹⁷ ''Maanzi akubba manono, achinkwa chakusisa nchinono.'' ¹⁸ Pesi tazi pe kuti bafwide mpubali, kuti beenzu bakwe bali mumuninga waSiyoli.