¹ Tusimpi twaSolomoni. Mwana mulombe musongo uchita kuti wisi abotelwe pesi mwana mulombe chifubafuba weeta nsoni kuli banyina. ² Mbono zijanwa mububi tazikwe lugwasyo. Pesi kuchita ziluleme kulavuna kulufu. ³ Jehova takoyolekela mibili yabasalali kuti ifwe nzala, pesi ulasula kusukama kwabasizibi. ⁴ Luboko lukandu luchita muntu kuti ufwabe. Pesi luboko lwamusungusungu lweeta bwaami. ⁵ Mwana mulombe musongo ubungania zilyo chiindi chachilimu, pesi chiwusya nsoni kulinguwe kulala chiindi chakutebula. ⁶ Zipo zizwa kuliLeza zili aatala lyamutwe wamuntu musalali, pesi mulomo wasizibi ulivumbide lupyoyongano. ⁷ Muntu musalali uchita kuti aabo bamuyeeya babotelwe, pesi zina lyasizibi liyobola. ⁸ Aabo bamvwisisiya balatambula malayilile, pesi sikubwanta mufubafufa uyonyonyooka. ⁹ Ooyo weenda mubululami uyenda mulukkwabililo, pesi ooyo uchita nzila zyakwe zipilingene uyojanwa anze. ¹⁰ Ooyo ufwinya menso ulabusya nkondo, pesi uubwanta chabufubafuba uyonyonyooka. ¹¹ Mulomo wamusalali nkasensa kamanzi aabumi, pesi mulomo wasizibi ulivumbide lupyopyongano. ¹² Nzondano ilabusya nkondo pesi luyando lulazunda milandu yoonse. ¹³ Busongo bulajanika mumilomo yamuntu uuchenjede, pesi kaponda nkesule lyamuntu uutakwe boongo. ¹⁴ Basongo balabamba luzibo, pesi mulomo wamufubafuba weeta lunyonyooko afwifwi. ¹⁵ Lubono lwamuvubi muunzi wakwe muyumu; kufwaba kwabachete ndunyonyooko lwabo. ¹⁶ Zichito zyamululami zilatola kubuumi; impindu yasizibi itola kuchibi. ¹⁷ Kuli nzila yakubuumi kuli ooyo utobela malayilile, pesi ooyo uukaka kululamikwa ulasweeka. ¹⁸ Woonse uusisa lunyemo uli aamilomo yakubeja, awoyo uulengelela mweenzinyina mufubafuba. ¹⁹ Eelyo mukuvula kwatwaambo, takubuliki mulandu, pesi ooy uubikila maanu kuli nzyawambuula ngusimaanu. ²⁰ Lulimi lwamuntu musalalli ninsiliva iisalala; kuli mpindu nche mumoyo wasizibi. ²¹ Milomo yabasalali inanika biingi, pesi bafubafuba akaambo kakubula boongo. ²² Zipo zibotu zyaJehova zyeeta buvubi alimwi tayungizyi kuchisa kulimbabo. ²³ Bubi musobaano uuchitwa aabafubafuba, pesi busongo nkubotelwa kwamuntu uumvwisisisya. ²⁴ Kuyowa kwasizibi kuyooba aalinguwe pesi chiyandisyo chamuntu musalali chiyopegwa. ²⁵ Basizibi bali mbuli luuwo lwiinda biyo, alimwi kabatachibonwi limbi, pesi basalali nintalisyo inoliwo kwalyoonse. ²⁶ Mbuli viniga iili ameno abusi bulu mumenso, mbabede muntu mukandu kuli babo bamutuma. ²⁷ Kuyowa Jehovs kulampya buumi, pesi minyaka yabasizibi iyofwimpisigwa. ²⁸ Bulangilizi bwabasalali ndukondo lwabo, pesi minyaka yabasizibi iyofwimpisigwa. ²⁹ Inzila yaJehova ilakwabilila aabo baluleme, pesi ndunyonyooko kuli basimuchitazibi. ³⁰ Musalali takoyosululwa pe, pesi simuchitazibi takoyokkala munyika. ³¹ Kuzwa mumulomo wamusalali kuzwa michelo yabusongo, pesi lulimi lupilingene luyogonkwa. ³² Milomo yabantu basalali ilizi zyeelede, pesi mulomo wabasizibi izi zipilingene.