Chaandano 8
1
Tabwiti naa busongo? Luzibo talutansiki jwi na?
2
Aatala atulundu, kumbali amigwagwa, aswanana migwagwa, busongo bwabweza busena.
3
Kunembo amilyango yadolopo; akumulyango yamuunzi, bulita.
4
''Ndiita ndinywe nobantu ijwi lyangu ndyabana babantu.
5
Inywe nomutakwe busongo, mwiiye busongo; anywebo nozifubafuba, amujane kumvwisisisya.
6
Amuswilile, nkambo ndambula zintu ziyaka, alimwi awo mulomo wangu nuwasama njowambula ziluleme.
7
Nkaambo mulomo wangu uwambula zisyomeka, bubi tabutambuliki kumulomo wangu.
8
Woonse majwi amulomo wangu alatambulika; mulingawo taakwe lupyopyongano pe.
9
Woonse aliluleme kumuntu umvwisisisya; majwi aangu aliluleme kulaabo bajana luzibo.
10
Amujane milaazyo kwiinda nsiliva; amujane luzibo kwiinda ngolide.
11
Nkambo nduyandisi kwinda mabwe mayandisi; taakwe zyeelene anguwe.
12
Imebo, Busongo, pona chaku Syomekana, alimwi ndijisi luzibo akusaluula.
13
Kuyoowa Jehova nkusula chibi. Ndikusulide kulisumpula akulikankayizya, inzila imbi, akwambula kutaluleme. Ndizisulide ezi.
14
Ndijisi milazyo mibotu abusongo bwini, ndili luzibo lunikide, manguzu ngaangu.
15
Andime baami balendelezya , abendelezi babika milazyo iyelede.
16
Andime bana babaami balendelezya aboonse bendelezya enzila iyelede.
17
Ndilabayanda aabo bandiyanda, aboobo bandiyanduula chakulipeda balandijana.
18
Kuli ndime kuli buvubi akulemekwa, buvubi butamani abululami.
19
Michelo yangu miyandisi kwinda ingolide; zizwa kulindime nziyandisi kwinda nsiliva.
20
Njenda munzila yabululami mukati kanzila zyakubeteka kubotu.
21
Nkiinkaako, ndichita abo bandiyanda bavube; ndilazuzya ziyobwedo zyabo.
22
Jehova wakalenga ndime kusanguna, inchito yakwe yakasanguna.
23
Mumyaka yakayindi yakinda ndakalengwa - ikusanguuna, kuzwa kumatangunino enyika.
24
Kakutanakuba lwiizi, ndakazyalwa - kakutana kuba tusensa tuzwide manzi.
25
Izilundu kazitana kubawo alimwi kutangunina tulundu, ndakazyalwa.
26
Ndakazyalwa Jehova katana kulenga inyika, myuunda nikuba lusuko lutaanzi munyika.
27
Ndakaliwo kukkazika ijulu, ndakaliwo nakabika mubalo mumanzi malamfu.
28
Ndakaliwo nakasimpa mayoba ajulu alimwi amuchindi tusensa tunikide nitwakabambwa.
29
Ndakaliwo nakachinsya lwizi, kuti manzi atapawukili nkwatelede kwinka, awo nakali kulenga nyika injumu.
30
Ndakali kumbali lyakwe, mbuli mulanda ulaluzibo; ndakali lukondo lwakwe buzuba abuzuba, nkebotelwa kunembo lyakwe.
31
Ndalikubotelwa munyika yakwe yoonse, lukondo lwangu lwakali mubana babantu.
32
Lino, bana bangu amundiswilile, nkambo aabo babamba milazyo yangu bayolongezegwa.
33
Muswilile milazyo yangu akuba abusongo; mutakiisowi.
34
Ooyo undiswilila uyolongezegwa. Unolindide amulyango wangu mazuba woonse.
35
Ooyo uyondijana ujana buumi aboobo uyojana kuyandwa kuli Jehova.
36
Pesi oyo ukachilwa, upenzya buumi bwakwe mwini; aabo boonse basula ndime balayanda lufu.''