¹ Muswilile, nobana bangu balombe, , kumajwi awuso, alimwi muswililisye nkokuti muzibe kuti kumvwisisisya niinzi. ² Ndilikumupa mabambe mabotu; mutaysowi njiisyo zyangu. ³ Nkechili mwana mulombe wandeende, ndakali kuyandisigwa alimwi ndakali mwana omwe wabaama, ⁴ wakandiyiisya alimwi wakati kulindime, ''Chita kuti moyo wako ujatisye kumajwi, bamba milawu angu upone. ⁵ Kolijanina busongo akumvwisisisya; utalubi alimwi utasowi majwi amulomo wangu, ⁶ utabusowi busongo alimwi uyokutabilila; muyande alimwi uyokutabilila. ⁷ Busongo nchintu chibotu loko, aboobo kolijanina busongo alimwi kufumbwa ncholijanina aboobo kolijanina luzibo. ⁸ Buyoobika busongo alimwi uyokusumpula; uyokulemeka niwaya mukkakatila. ⁹ Uyobikka ingala iyebeka mumutwe wako; uyokupa musini mubotu.'' ¹⁰ Swilila, mwana nomulombe, alimwi tambula majwi angu, alimwi uyokupa musini mubotu.'' Swilila, mwanangu nomulombe, alimwi tambula majwi angu, alimwi uyoba aaminyaka myiingi mubuumi bwako. ¹¹ Ndakuyiisya munzila yabusongo; ndakweenzya mumigwagwa iluleme. ¹² Chiindi noyenda, takwepe utakiime munzila yako alimwi kuti wachijana tokoyolebwa pe. ¹³ Jatilila kumilawo, tokachileki chikakusiye; chibambe, nkambo mbobuumi bwako. ¹⁴ Utakatobeli nzila zyabasizibi alimwi koyobweda munzila amwi abaabo bachita zibi. ¹⁵ Koyileka, uteendi mulinjiyo; bbuda mulinjiyo alimwi ukatole imbi inzila. ¹⁶ Nkambo tabakonzyi kulala kusika bachita zibi alimwi balabbidwa mukutalala mane do bachitya muntu kuti alebwe. ¹⁷ Nkambo balalya chinkwa chabubi alimwi balanywa wayini wabukali. ¹⁸ Pesi nzila zyabantu baluleme ilimbuli mumuni ungwengwemuka chilamunika kutamani mane mosika kumaninina kwazuba kwasika. ¹⁹ Inzila zyabataluleme zili mbuli mudima - tabazizipe zibadadalisya. ²⁰ Omwana wangu mulombe, swilila kumajwi angu; chenjeka kutwi kwako kuli nzyewamba. ²¹ Utakabazumizyi kuzwa kumenso aako; balondole mumoyo wako. ²² Nkaambo majwi angu mbuumi kuli abo bajana alimwi alaponia kumibili yabo. ²³ Bamba moyo wako kabotu akuubamba chibotu, nkambo kuzwa kulinguwo nkokuzwa buumi. ²⁴ Sowa majwi apilingene kuzwa kuli nduwe aakusowa zyambo zibi. ²⁵ Chita menso aako alulame kukulanga kunembo azikowe zyako zilangisisye kunembo lyako. ²⁶ Chenjela mukwenda kwamawulu aako; mpawo inzila zyako zyoonse zizoba kabotu. ²⁷ Utaleyi nekuba kululyo na kuchimwensi; kasya kuulu kwako kububi.