¹ Mwana wangu muiombe, utakalubi milayo yangu alimwi londola njisyo zyangu mumoyo wako, ² Nkaambo kongola kwamazuba akko aminyaka yabuumi bwako; ziyooyeta lumona kulinduwe. ³ Utakaleki luyando aakusyomeka kukamusiye; zyangilile amwi munsingo yako; zilembe ansi atafula yamoyo wako. ⁴ Mpawo uyojana luzyalo aampuwo mbotu kumeso aLeza akubantu. ⁵ Syoma muli Jehova amoyo wako woonse alimwi utakasyomi muluzibo lwako; ⁶ Muzibye munzila zyako zyoonse alimwi uyochita nzila zyakwe ziluleme. ⁷ Utakachenjeli mumeso ako; yowa Jehova alimwi yowa zibi. ⁸ Chiyopa kupona kunyama yako alimwi kukatalusya mubili wako. ⁹ Lemeka Jehova ambono zyako alimwi akabalwebalwe wamichelo yako, ¹⁰ alimwi katula kako kayozula azisinizzyo zyako zinozwide, nkayizwide wayini mupya. ¹¹ Mwanaangu mulombe, utasampawuli malayilile aJehova alimwi utakatapatili kulikatazya kwakwe, ¹² nkaambo Jehova ulempya abo mbayanda, mbuli ndeende mbwalulamika mwana wakwe mulombe umubotezya. ¹³ Oyo ujana busongo ulilongezedwe; kabiyo ulajana kumvwisisisya. ¹⁴ Ezyo zyojana kuzwa mubusongo mbubotu kwiinda nsiliva nzyiyokupa alimwi kujana kwako nkubotu kwiinda ngolida. ¹⁵ Busongo bulayandikana kwinda mabwe abalangala, alimwi atakwe nzyayandisya zyelene ¹⁶ anguwe. Koongola kwakwe kwamazuba akwe mujanza lyakwe lyalulyo; kukuboko kwakwe kwachimwensi mulibuvubi aabulemu. ¹⁷ Inzila zyakwe zyakubotezya alimwi ninzila zyaluumuno. ¹⁸ Musamu wabuumi kulibaabo bajatisya; kulibaabo bajatisya kulinguwe baabotelwa. ¹⁹ Abusongo Jehova wakalenga nyika; akumvwisisisya wakachita julu. ²⁰ Aluzibo lwakwe manzi malamfu akapambule alimwi moyo akalosya lume. ²¹ Omwanangu mulombe, jatisya maanu abusongo, alimwi zitazwi kumenso enu. ²² Kuyooba buumi kumuuya wako alimwi amunkonde munsingo yako. ²³ Mpawo uyoyenda munzila yako chakutayoowa alimwi kuulu kwako takukoyotyezemuka; ²⁴ elyo noyolala ansi tokoyoyoowa pe; kulala kwako kunoli kunono. ²⁵ Utakayoowi mafwabi achibukilambuta na zichitika zyetelezegwa abasizibi, elyo niziyooza, ²⁶ nkambo Jehova unolikubbazu lyako alimwi uyopewusya kuulu kwako mukuchigwa mutukole. ²⁷ Utakakkasyi lugwasyo kulibaabo balweelede, elyo nkokuti manguzu aako kukubelesya. ²⁸ Utakaambi kuli simabambanwa wako, ''Yinka, alimwi ukaboole lubo, alimwi junza ndizokupa.'' kakulikuti mali ulayo mpuwawo. ²⁹ Utakayeeyi kuchitila mwenzinyokwe bubi -- ooyo ukkala afwifwi alimwi ukusyoma. ³⁰ Utakazyanyi amuntu utakwe kaambo, uutana kuchitila chibi. ³¹ Utabi amunyono kumuntu silunya na kusala imwi yenzila zyakwe. ³² Nkambo muntu upilingene ulasesemya kuli Jehova, pesi uyeta bantu baluleme mubuzumini bwakwe. ³³ Lutuko lwa Jehova lulimung'anda yamuntu uchita zibi, pesi ulalongezya munzi wabantu baluleme. ³⁴ Ulasampaula basimasampu, pesi babombede ulabapa luzyalo. ³⁵ Bantu basongo balakkona bulemu, pesi bafubafuba bayonyampulwa mumawuse ensoni zyabo.