¹ Mwanangu mulombe, kuti watambula majwi aangu alimwi ubambe kabotu malayilile angu kulinduwe, ² chita matwi ako aswilile kubusongo alimwi bika moyo wako kukumvwisisisya, ³ Kuti walilila kumvwa akoompolola kumvwisisya, ⁴ kuti wayiyanduula uliyanduula mbuli nsiliva alimwi akuyanduula kumvwisisisya mbuli mboyanduula zintu ziyandikana zisisidwe, ⁵ mpawo uyomvwisisisya kusya kwa Jehova alimwi uyojana luzibo lwa Leza. ⁶ Nkambo Jehova upa busongo; kuzwa kumulomo wakwe kuzwa luzibo akumvwisisisya. ⁷ Ulalondweda baluleme luzibo; Nintobo kulibaabo beenda chakololoka; ⁸ ulabamba inzila zyambeta alimwi ulalulamika inzila zyabaluleme bakwe. ⁹ Mpawo uyomvwisisisya bululami, lubeta abololoki, alimwi anzila zyoonse nzibotu. ¹⁰ Nkaambo busongo buyoozwa mumoyo wako,aaluzibo lwako luyookondelezya muuya wamuntu. ¹¹ Manu alakubamba; kumvwisisya kuyokubamba. ¹² Ziyokuvuna kuzwa kunzila zyabasizibi , kuzwa kulaabo bambula zintu zipilingene, ¹³ Aabo basiya nzila ziluleme alimwi nkabenda munzila zyamudima. ¹⁴ Bakakondwa kuti bachita zintu zibi alimwi balayandisya kupilingana zyabubi. ¹⁵ Balatobela nzila zinyonyongene, akubelesya kupilingana balasisa nzila zyabo. ¹⁶ Busongo akuyoowa bubi kuzwa kumwanakazi sizibi , kulazwa kumwanakazi upilingene uwamba majwi akoongelezya ¹⁷ . Ulasowa chiyandisyo chakwe chakubucheche akuluba chizuminano cha Leza. ¹⁸ Nkaambo nganda yakwe itola lulufu, alimwi nzila zyabo ziyobatola mukabanda. ¹⁹ Abo boonse batakanjile mulinguwe tabakoyoobola pe alimwi tabakoyosika kunzila zyabuumi. ²⁰ Aboobo uyoyenda munzila zyabantu babotu alimwi uyotobela zyabantu baluleme. ²¹ Nkaambo baluleme bayochita munzi munyika eyo, alimwi abo balondokede bayokkala mulinjiyo. ²² Pesi basizibi bayonyonyonwa kuzwa kunyika, alimwi abo basyomekede bayonyonyonwa kuzwa mulinchicho.