¹ Majwi a Agaa mwana mulombe wa Jaka - mutolo. Oyu mwalumi wakambila Itiyeli Ukali: ² Nchobeni ndimbuli munyama kwinda naba muntu alimwi tandimvwisisisyi mbuli muntu. ³ Tandiyide busongo pe; nekuba luzibo lwamusalali. ⁴ Ngwani wakiinkide kujulu aakuboola ansi? Ngwani wakaswanizya luwo mumanza akwe? Ngwani wakajata manzi muchikobela? Ngwani wakimika masimpilo woonse enyika? Ngwani zina, alimwi ngwani zina lyamwanakwe mulombe? Nchobeni ulizi! ⁵ Lyoonse ijwi lya Leza lilasyomeka; nintibi kulibaabo bachijila kuli nguwe. ⁶ Utakayungizyi kumajwi akwe, uyokutapatila, alimwi uyochitwa mubeji. ⁷ Zintu zibile zyekumbila kulinduwe, utakanditantamuki nketana kufwa: ⁸ Tola zintu zyabiyo aabubeji kule andime. Kandipebuchete nabuvubi, ndipe chikulya biyo nchenjanda. ⁹ Nkambo ndazintu zyiingi, ndakonzya kukaka aakuti, ''Ngwani Jehova?'' nakuti ndaba muchete, ndakonzya kubba akutapenzya izina lyaLeza. ¹⁰ Utakalengeli kaambo muzike kuli simalelo wakwe, na uyokutuka alimwi uyojana lutuko. ¹¹ Kuli mazyalane atuka mawisi alimwi akuta longezya manyina. ¹² Kuli mazyalane aluleme kumenso abo beni, alimwi tabanasanzigwa kuzwa kubusofwazi bwabo. ¹³ Kuli mazyalane alamenso ajulidwe, alimwi nkowe zyabo zilalijula! ¹⁴ Kuli mazyalane abomeeno abo mapanga abachibanda babo ntufulo, aboobo balalya bantu bachete kuzya kunyika alimwi balamaninsya batengwana. ¹⁵ Munsyundu ujisi bana basimbi bobile: "Paa akupa"balalila. Kuli zintu zitatu zitakutikani, zyoone zitatedi, ''Kwakkwana'': ¹⁶ Siyoli; nonsundi; inyika itakuti manzi; alimwi mulilo utatedi, "Kwakkwana!'' ¹⁷ Linso lisampawula wisi akutalemeka banyina uyovwipulwa abachikwangala bakukalonga akaligwe amakkubi. ¹⁸ Kuli zintu zitatu zindibotezya loko, izine nsezimvwisisisyi; ¹⁹ Inzila yachuungwe mujulu; anzila yanzoka abbwe; anzila yabwato akati kalwizi; alimwi anzila yamwalumi ulobwenda amwanakazi. ²⁰ Mbubonya mbibede inzila yamwanakazi simamambe; ulalya akulichumuna mulomo wakwe alimwi wati, ''Takwe nchindachita chibi.'' ²¹ Munsi kazintu zitatu zikankamya nyika; alimwi munsi kazintu zyoone nzyikachilwa: ²² muzike kuti wabamwami; mufubafuba nakuti wakkuta chakulya, ²³ mwanakazi usampawulwa nakuti wakwatwa; alimwi mulanda musimbi wabweza busena kwanamalelo wakwe ²⁴ Zintu zyone zyenyika zinini alimwi zilabusongo loko: ²⁵ tunjenene ntuuka tutakwe manguzu, pesi tulabamba kulya kwato muchiindi chamiinza; ²⁶ bachibila tesi banyama bayosya pe, psesi bachita maanda abo mumabwe. ²⁷ Nsozi tazikwe mwami, pesi zyoonse zilenda mumindando. ²⁸ Mbuli dyolo, ulakonzya kumujata amanza ako obile, pesi ulajanika mumaanda abaami. ²⁹ Kuli zintu zyotatwe zigambwa mukwenda kwazyo alimwi zyoone zigambya mukwenda kwazyo: ³⁰ mulavu, ulisimide kwinda bamwi banyama bamusokwe - tatandwi awumwi munyama nyina; ³¹ muzingi ulikankayizya, mpongo; alimwi amwami ulabasilumamba balimunsi lyakwe. ³² Nakuti wakali mufubafuba, nkolinyampula nomwini, na kulisumpula - bika kuboko kwako amulomo wako. ³³ Mbuli kukopwa kwamalili kuchita mafuta alimwi mbuli mpemo yamuntu mbigwisya mukkota kuti yalichisa, mbukubede kubusya bukali kweta nkondo.