¹ Muntu ooyo uutambula luchenjezyo lwiingi pesi kayumya mukosi wakwe uyootyoka muchiindi chakutapona. ² Eelyo bantu baluleme nibavula, bantu balakondwa, pesi sizibi na waba mweendelezi, bantu balalila. ³ Kulooyo uyanda busongo uchita wisi kuti abotelwe, pesi ooyo uyenda abasikuula ulanyonyoona mbono. ⁴ Mwami ulabusya nyika mulubeta, pesi ooyo ulya makulo ulayiwisizya aansi. ⁵ Mwaalumi uwongelekezya mwenzinyina uteya buzamba mumawulu aakwe. ⁶ Muchibi chamuntu sizibi ulachigwa, pesi muntu uululeme uliimba chalukondo. ⁷ Muntu uululeme ulizi bachete mbubeelede kubetekwa; pesi sizibi tamvwisyi aaya makani. ⁸ Basikasampusampu babusya nkondo, pesi aabo bachenjede balalesya bukkali . ⁹ Eelyo muntu musonga nakazyaniya amufubafuba, ulabwanta akuseka, alimwi takukoyooba luumuno pe. ¹⁰ Muntyu ulaanyota abulowa ulasula muntu ooyo uululeme alimwi ulayanduula buumi bwayooyo uululeme. ¹¹ Bafubafuba balatondeezya kunyema, pesi basongo balalijata akuumuna. ¹² Naa kuti mweendelezi waswilizya mabejo, basilutwe bakwe boonse bala babi. ¹³ Muntu muchete asikumupenzya tabasiyene pe, nkambo Jehova upa mumuni kumeso aabo boonse. ¹⁴ Naa kuti mwaami wabeteka bachete chakasimpe, chuuno chakwe chabwaami chiyima kwakutamani. ¹⁵ Musako akutapatila zyeeta busongo, pesi mwana uulekelelwa biyo uyoowusisya banyina. ¹⁶ Eelyo bantu babi nibali munguzu, chibi chilavula, pesi bantu basalala bayoobona kuwa kwabaabo basizibi. ¹⁷ kolaya mwana wako alimwi uyookupa kulyookezya; uyooyeta kubotelwa mubuumi bwako. ¹⁸ Awo kutakwe zilengano bantu tabayoowi kuchita zitondwa, pesi ooyo uulondola mulawo ulilongezegedwe. ¹⁹ Mulanda takoyoolayigwa amajwi, nikuba kuti ulamwisisisya, alimwi takwe sikuvuwa pe. ²⁰ Ulimubwena na mwaalumi uufwambaana kunyema? Kulibulangilizi bwiingi kumufubafuba kwiinda kulinguwe. ²¹ Kulooyo uulela bubi mulanda wakwe kuzwa kubwanikenike, kumamanino kuyoba mapenzi. ²² Muntu uunyemede ulabusya bukkali alimwi muntu sinkazi ulachita milandu mwiingi. ²³ Kulisumpula kwamuntu kulamuselezya aansi, pesi ooyo ulaamoyo wakuliselezya uyoopegwa bulemu. ²⁴ Oooyo upona aamuntu uubba ylasula buumi bwakwe mwini; ulamvwa lutuko alimwi taakwe zyawamba. ²⁵ Kuyowa kwamwaalumikulateyesya kakkole, pesi ooyo usyoma muliJehova ulakkala kabotu. ²⁶ Mbiingi bayandawula busyu bwamweendelezi, pesi kuliJehova nkwajana lubeta lubotu. ²⁷ Mwaalumi utaluleme ulasesemya bantu baluleme, pesi ooyo uleenzila ziluleme uwololokede kubantu basizibi.