¹ Basizibi balachija katakwe ubatanda, pesi baluleme bali achaamba mbuli mwana wamulavu. ² Nkaambo kachibi chanyika bali aabendelelzi biingi, pesi mwaalumi umvwisisisya alimwi simaanu, iyokkala kwachiindi chilamfu. ³ Muntu muchete udyamizya bamwi bachete, ulimbuli mvula iyuuma itasiyi zilyo. ⁴ Aabo batakata mulawu balumbayizya basizibi, aabo babamba mulawu balwisyania aambabo. ⁵ Bantu baasizibi tabamvwisisisyi pe bululamipesi aabo bayanduula Jehova balamvwisisisya zyoonse. ⁶ Nchibotu kuti muntu muchete ooyo weenda mukoololoka kwiinda muntu muvubi uupilingene munzila zyakwe zyoonse. ⁷ Ooyo ubamba milawu mwana mulombe uswilila, pesi kuli woyo weenda aabasindya wuusisya bweeme. ⁸ Ooyo uujana mbobo zyakwe ukwaamba mpindu nyingi ubungikila buvubi bwakwe kulibabo bayoba luzyalo abantu bachete. ⁹ Na umwi waleesya kutwi kwakwe kukuswiilila milayo, nikuba nkombyo yakwe iyoba chisesemyo. ¹⁰ Kuli woyo awoyo uwongelekezya baluleme munzila mbi uyowida mukkomba lyakwe, pesi baluleme balajana lukono lubotu. ¹¹ Muntu muvubi musongo mumenso akwe, pesi muntu muchete uswiilila uyoligwasya. ¹² Aawo baluleme nibazunda kuli bulemu bupati loko; pesi aawo basizibi nibabuka bantu balasululwa. ¹³ Ooyo usisa zibi zyakwe takonozwidilila pe, pesi ooyo ulyambwiida akuzileka uyoyetelelwa. ¹⁴ Ooyo ukkala mubulemu lyoonse ulilongezegelwe, pesi kufumbwa uyumya moyoy wakwe uyowida mumapenzi. ¹⁵ Mbuli mulavu uuvuluma na syasekese, mbabede mweendelezi mubi aatala abantu bachete. ¹⁶ Mweendelezi utaswilili mudyamizi siluni, pesi ooyo usula kutasyomeka uyolampya mazuba aakwe. ¹⁷ Na muntu uli amulandu nkaambo wakatila bulowa bwamwenzinyina unoli skwempela kuyosika kulufu mpawo takwe utakamugwasye pe. ¹⁸ Kufumbwa uyenda abawololokede ulalibamba, pesi ooyo uli aaanzila ipilingene uyowa chakuchijaana. ¹⁹ Ooyo ubeleka nyika yakwe uyojana kulya kwiingi, pesi ooyo utobela zintu zyabuyo uyoba aabuchete bwiindililide. ²⁰ Muntu usyomekede uyojana zilongezyo zipati. Pesi ooyo ujana buvubi chakufwambana uyojana chisubulo. ²¹ Tazili kabotu pe kutondeezya lusalulo, pesi akafwapula kechinkwa muntu uyobisya. ²² Muntu muunyu ulafwambanina buvubi, pesi tazizi pe kuti bantu buchete buyomusikila. ²³ Kufumbwa uulaya uwmi, kunembo uyojana buuya bwiingi kuzwa kuliwoyo ufula alulimi lwakwe. ²⁴ Kufumbwa uchenga wisi abanyina akwaamba kuti, ''Eecho techibi pe,'' mweenzinyina wasikujaya. ²⁵ Muntu muuny ulabusyalupyopyongano, pesi ooyo usyoma muliJehova uyozwidilila. ²⁶ Umwi ooyo usyoma mumoyo wakwe mufubafuba , pesi kufumbwa weenda mubusongo uyooligwisya muntenda. ²⁷ Ooyo upa bachete takwe nchayobula, pesi kufumbwa ujala menso akwe kulimbabo uyotambula lutuko lwiingi. ²⁸ Basizibi nibanyampuka, bantu balalisisa; pesi nibafwa, baluleme balayungizigwa.