¹ Utalikankayizyi azyajuunza, nkambo tozizi zyajuunza nzilyeetede. ² Chita umwi akulumbayizye akuteensi mulomo wako; mweenzu alimwi akuteensi milom yako. ³ Langisisya bulemu bwebbwe alimwi abwamuse - bukkali bwamufubafuba mbulemu kwiinda zyoonse zyobilwe. ⁴ Kulibukali busiyene alimwi lunyemo luyoosya, pele ngwani uukonzya kwiima kunembo abbivwe? ⁵ Nkubotu kutapatila kwaantanganana kwiinda luyando lusisidwe. ⁶ Zilisyomekede zilonda zyachitwa amuzolwani, pesi sinkondonyoko ulakumyonta chalweeno. ⁷ Muntu uukkusi ulakaka nikuba kulya buchi, pesi kumuntu uunyemede, choonse chintu chilula nchinono. ⁸ Mbuli kayuni kasweekede kuchitente chako mbwabede muntu uuchija mpalala. ⁹ Mafuta atununkilizyo zilabotezya moyo, pesi mbulubede lukondo luzwa kumweenzinyokwe uuyandika. ¹⁰ Utakasowi mweenzinyokwe alimwi wuso wamweenzinyokwe, alimwi utakiinki kunganda yamuchizaako mumazubaako aabubi. ulibiyo mboobo simayakilane wako ulaafwiifwi kwiinda muchizaako uulikule. ¹¹ Bamusongo, mwanaangu mulombe, alimwi uchite moyo wangu kuti ubotelwe; mpawo ndiyoopa nsandulo kuliyooyo undisampawula. ¹² Mwaalumi uuchenjede ulabona mapenzi alimwi akulisisa, pesi bantu bapengede baliinkilila alimwi balapenzegwa anzizyo. ¹³ bBweza chikkobela chayooyo uubamba mweenzu, alimwi uchijate uchichite chibe chisyomezyo kulooyo uubamba mwanakazi uusofweede. ¹⁴ Kuluumwi awumwi uupa mwenzinyinachilongezyo ajwi pati chifumofumo, chilongezyo chiyooba lutuko! ¹⁵ Mwanakazi waambulisya ulimbuli malosi aamvula; ¹⁶ kumukasya kulimbuli kukasya guwo, naa kweezya kujata mafuta muluboko lwako lwalulyo. ¹⁷ Lubulo lunona lubulo nyina; mbubonya, mwaalumi unona mweenzinyina. ¹⁸ Ooyo uubamba mukkuyu uyoolya michelo yawo. alimwi ooyo uubamba simalelo wakwe uyoolemekwa. ¹⁹ Mbuli maanzi mbwaatondezya busyu bwamuntu, mbubonya moyo wamuntu mbuutondeezya muntu. ²⁰ Mbuli Siyoli alimwi aAbbadonimbubatakutisiki, mbubonya meso aamuntu mbwaatakutisiki. ²¹ Chuumpilo nchansiliva alimwi cheengelo nchagolide; alimwi muntu ulasunkwa chiindi nasumpulwa. ²² Nikuba kuti wapwachuula mufubafuba amunsi - aantobwe azilyo - pesi bufubafuba tabukoyomusiya pe. ²³ Alimwi ulelede kuziba mbelele zyako alimwi akubika moyo wako kumatanga aako, ²⁴ nkambo ilubono telwalyoonse. Sena musini ulakkala kwamazyalani oonse? ²⁵ Weelede kuziba kuti mazuba ayinda, alimwi zipya zilaba, alimwi chiindi masokwe aakukalundu naachelwa. ²⁶ Ooto tubelele tuyoopa zisamo zyako alimwi mpongo ziyokupa muulo wamuunda. ²⁷ Kunoli malili aampongo mbuli chakulya chako - chakulya changanda yako - alimwi chineneesyo kubalanda bako basimbi.