¹ Ootu ntuumwi tusimpi twa Solomoni, ntubakalembulula bantu ba Hezekkiya, mwami wa Juda. ² Mbulumbu kuli Leza kusisa makkani aakwe, pesi bulumbu bwabaami kubuyanduula. ³ Kujulu nkulamfu ayilako nyika yabakule ansi, aboobo myoyo yabaami tiyubunuki. ⁴ Gwisya mankwisila kuzwa kunsiliva alimwi mubelesyi akakonzya kubelesya nsiliva mbuli mufuzi. ⁵ Nkambokaako, gwisya bantu bataluleme kuzwa kubusyu bwamwami alimwi chuuno chakwe chabulemu chilimikwa njii mubululami. ⁶ Utalilemeki kubusyu bwamwami alimwi utakiimikili abusena buchitilidwe bulemu. ⁷ Nichalikubota kuti webo wati, ''Kweza ajulu ano,'' kwiinda kuti webo akuselezye abwendelezi. Obo mbwakabona. ⁸ Utafwambani kuchileta kunkuta. Nkaambo uyochi biyeni kumamanino eelyo benzinyokwe bakufwisya bweeme? ⁹ Amubonisyanie makani amwenzinyokwe alimwi utakatuli antanganana zimwi nsiswa, ¹⁰ Nakuti oyo utakakumvwe uyooyeta bweme alinduwe alimwi zintu zitaluleme atala anduwe nchotakaleke kukonzya kumuuya. ¹¹ Mbuli michelo yangolida muchisuwa chansiliva ndijwi lyaambula muchiindi cheelede. ¹² Ambuli bunono bwangolida kana syekela ichitidwe angolide loko mbabede sikutapatilwa kukutwi kuswilila. ¹³ Mbuli chaanda chitontola muchiindi chakutebula mbabede mutumwa usyomekede kuli baabo batumidwe; ulaboozya buumi bwamwami wakwe. ¹⁴ Mayoba aluwo katakwe ngooyo ulipa achipo nchatakwecho pe. ¹⁵ Kukkazika moyo nkongelezya muzulwidi alimwi lulimi luteteete lulatyola kafuwa. ¹⁶ Kuti wajana buchi, kolya mbokonzya - nkambo, kukubuvuzya uyobuluka. ¹⁷ Utakalyatiki chituta chako kung' anda yamwenzinyokwe nkambo uyomupa sulula alimwi uyokuchimwa. ¹⁸ Mwalumi ulengela kambo kakubeja kumwenzinyina ulimbuli nkoli ibelesegwa kunkondo, na ipanga, nanka muvwi uubosya. ¹⁹ Mwalumi utasyomekede oyo ngosyoma muchindi chabuyumu ulimbuli lino iibbi naa kuulu oko kutyezemuka. ²⁰ Mbuli muntu ugwisya mpasya muchiindi champeyo, naa indulwe lwatulidwa timbula, nguwe uyimba miimbo kumoyo ulichiside. ²¹ Naa sinkondonyokwe ulinyemede mupe chakulya alye, alimwi naa ulenyota, mupe maanzi anywe, ²² Nkambo na wachita oobo ngawalundika makkala amulilo mumutwe wakwe alimwi Jehova uyokulumbula. ²³ Mbuli luuwo lwakunyikambulweta imvula, aboobo lulimi lwaamba insiswa luyomaninsizya kubusyu bunyemede. ²⁴ Nkambo nkubotu kukkala achooko chakaluli kwinda mung' anda ijisi mwanakazi uwambulisya. ²⁵ Mbuli maanzi atontola kulayo ulenyota, mb wabede makkani mabotu azwa kuchisi chakule. ²⁶ Mbuli kalonga kasofwazigwa nanka kasensa kali antimba, mbwabede muntu ululeme uzumizya basizibi. ²⁷ Nchibotu kulya buchi bwingi; ezyo zilimbuli kuyaanduula bulumbu abulumbu. ²⁸ Muntu utalijati ulimbuli chisi chimwawidwe aalimwi chitakwe bulambo.