¹ Kuvwiila kubotu kulalesya bukali, pesi ijwi ibbi lilabusya lunyemo. ² Lulimi lwamusongo lulaamba luzibo, pesi mulomo wamufubafuba ulaamba bubi. ³ Menso a Jehova ali konsekoonse, aleebela kububi akububotu. ⁴ Lulimi lwakuponia munsamu wabuumi, pesi lulimi lupilingene lulanyonyoona muuya. ⁵ Mufubafuba ulasampawula malayilile awisi, pesi uusula kutapatilwa musongo. ⁶ Mung'anda yamululami muli buvubi bwiingi, pesi impindu yamuntu sizibi imupa mapenzi. ⁷ Milomo yabantu basongo ilamwaya ataala aluzibo, pesi kabutali myoyo yabafubafuba. ⁸ Jehova ulasula zipayizyo zyabasizibi, pesi inkombyo yabaluleme ndukondo lwakwe. ⁹ Jehova ulasula inzila yabantu basizibi, pesi ulayanda oyo uyanduula zibotu. ¹⁰ Lulayo lwabukalilulalesya oyo uyanduula inzila alimwi oyo usula kululamikwaulafwa. ¹¹ Kabanda alunyonyooko zilijulikide kunembo lya Jehova,; myiingi byeni myoyo yabana balombe bensiku? ¹² Sikasampusampu tayandi kutapatilwa; takoyinkape kubasongo. ¹³ Moyo ukondedwe ulanguununa kumenso, pesi buusu bulanyonyoona muuya. ¹⁴ Imoyo wamuntu uchenjede ulayanduula luzibo, pesi mulomo wamufubafuba ulalya bufubafuba. ¹⁵ Mazuba woonse amuntu umanikide alakataazya, pesi ulamoyo ukondwa ulapobwe kwalyoonse. ¹⁶ Nchibotu nchinche kachili aakuyoowa Jehova kwiinda zyiingi kazili aalupyopyongano. ¹⁷ Bulikabotu bulilu buli azisyu awo kuli luyando kwinda musune uunenede waabwa alusulo. ¹⁸ Muntu unyemede ulabusya kukkazyania, pesi imuntu utafwambani kunyema ulatontoozya impyopyongano. ¹⁹ Inzila yamuntu mukandu iilimbuli busena bujisi lubaya lwamaamvwa, pesi inzila yabaluleme ninzila iyakidwe. ²⁰ Mwana mulombe uuchenjede uleta lukondo kuli wisi, pesi muntu mufubafuba ulasampawula banyina. ²¹ Bufubafuba ndusekelelo lwayoyo ubulide boongo, pesi kuloyo umvwisisisya uyenda munzila iiluleme. ²² Mabambe taalulami pe awo atakwe machenjezyo, pesi na kuli basikuchenjezya biingi ulazwidilila. ²³ Muntu ulajana kukondwa awo najana nsandulo mbotu; nibbotu byeni ijwi lyaambwa kuchindi cheelede! ²⁴ Inzila yabuumi ilatola kujulu kubantu bachenjede; kuchitila kuti basanduke kuzwa kukabanda kuzwa kunsi. ²⁵ Jehova ulamwaya ing'anda yabasikulisumpula, pesi ulakkwabilila kumbono zyaba mukabafu. ²⁶ Jehova ulasula twaambo twabantu basizibi, pesi majwi abusalali mabotu. ²⁷ Mubbi uleeta mapenzi kumpuli yakwe, pesi oyo uusula kupawupa uyopona. ²⁸ Imoyo wamuntu musalali ulayeeya mbuyelede kuvwiila, pesi milomo yabantu basizibi ilagwisya zyoonse zibi zyayo. ²⁹ Jehova ulikule kuzwa kubantu basizibi, pesi ulamvwa nkombyo zyabantu baluleme. ³⁰ Mumuni walinso uyeta lukondo kumoyo alimwi amulumbe mubotu ulelede kumubili. ³¹ Ikuti waswilizya na Umwi kalokuku zyotolola mponeno yako, uyoosyala akkati kabantu basongo. ³² Ooyo ukkaka lulayo ulalinyonyoona mwini, pesi oyo uuswilila kukululamikwa ulajana kumvwisisisya. ³³ Kuyoowa Jehova kuyiisya busongo alimwi kulibomya nkokuzulwida kunembo lyabulemu.