¹ Aawo mwami wa Kkenati mu Aladi, wakali kukkala mu Nigivi, wakamvwa kuti Izilayeli wakali kweenda amugwagwa kuya ku Atalimu, wakalwana a Izilayeli akubweza bamwi babo buzike. ² Izilayeli wakakonkezya kuli Jehova akuti,'' na watuchita kuti tuzunde bantu aaba, mpawo tuyakunyonyona chkumaninizya madolopo aabo.'' ³ Jehova wakaswiilila kujwi lya Izilayeli alimwi wakabapa kuzunda ba kkenaniti bakanyonyona chakutasiya madolopo aabo. Oobo busena bwakategwa Homa. ⁴ Bakweenda kuzwa kumulundu Howa amugwagwa kuyosika kulwizi lwa Lidi akuzyunguluka nyika ya Idomu. Bantu bakatyompwa bakali munzila. ⁵ Bantu bakatongooka atala a Jehova a Mozesi !'' Nkaambonzi niwakatugwisya kuzwa mu Ijipiti kuti tuzoofwe munkanda? takukwe chibunge , maanzi, alimwi tatubotelwipe achakulya chibi eechi.'' ⁶ Mpawo Hehova wakatuma nzoka zilaabuyoka bukkali akati kabantu. Bazoka bakaluma bantu; bantu biingi bakafwa. ⁷ Bantu bakasika kuli Mozesi akuti,'' Twakakubisizya nkaambo twakatongawuka atala a Jehova anduwe.Komba kuli Jehova kuti agwisye nzoka alindiswe.'' Aboobo Mozesi wakakombela bantu. ⁸ Jehova wakati kuli Mozesi,''panga nzoka akwibikka achisamu chisididwe.Ziyochitika kuti woonse wakalumwa uyopona , kuti mwaalumi alange kulinjiyo.'' ⁹ Aboobo Mozesi wakapanga wanzoka akunamatika achisamu chisididwe.Kuti nzoka yaluma kufumbwa muntu, kuti mwaalumi walangide amukuba wanzoka,uyopona. ¹⁰ Mpawo bantu baIzilayeli bakeendelela kunembo akuyobungana a Obboti.'' ¹¹ Bakeenda kuzwa mu Obboti akubungana alye Abbalimu munkanda ilangide ku Mowabbu kubuzwe zuba. ¹² Kuzwa awo bakeendelela akuyobungana musena lya Zeledi. ¹³ Kuzwa awo bakeendelela akuyobungana kulilimwi bbazu lyamulonga wa Anoni, uli munkanda kuyindilila kuzwa kumugano wa Amolayiti. Mulonga wa Anoni uchita mugano wa Mowabbu, akati ka Mowabbu a Amolayiti. ¹⁴ Nkinkako nchikwambwa mumapepa alembedwe ankondo ya Jehova, ''...wahebbu muSupa, aasyena lya Anoni, ¹⁵ munkunu wasyena utozya kubbazu lyadolopo lya Ar litobelezya mugano wa Mowabbu.'' ¹⁶ Kuzwa aawo bakeenda kuya ku Bbiya, chikala Jehova nchakati kuli Mozesi, ''Bunganizya bantu antoomwe kuti ndibape maanzi''. ¹⁷ Mpawo baIzilayeli bakayimba lwimbo olu:'' Zuzya chikkala mwimbe atala anchicho. ¹⁸ Atala achikkala echo bazululuzi besu nchibakasya, chikkala chakasyigwa abasyabusongo, ankoli amusako.''Mpawo kuzwa munkanda bakeenda kuya ku Matana. ¹⁹ Kuzwa ku Matana bakeenda kuya ku Nahaliyewu, alimwi kuzwa ku Nahaliyewu kuya ku Bbomoti, ²⁰ alimwi kuzwa ku Bbomoti kuyosika kusena munyika ya Mowabbu. Nkonkuko kumpela achilundu cha Pisiga chilanga ansi ankanda . ²¹ Mawo Izilayeli batumwa kumwami wa Sihoni, mu Amolayiti kuti, ²² ''Atwiinde munyika yanu. Tatukoyoyinda nikuba kulumwi muunda wamisansa. Tatukoyoonywa maanzi muzikala zyanu. Tuyakweenda anzila yamwami kuyosika twazubuka mugano wanu.'' ²³ Pesi mwami waSihoni takoyozumizya Izilayeli kuzubuka mugano wabo. Ani kuti , Sihoni wabungania basilumamba bakwe boonse akulwisya munkanda. Asike ku Jahazi nkwakakulwana chakulwisya Izilayeli. ²⁴ Izilayeli basilumamamba baSihoni kabelesya lyapanga akubweza nyika yanu kuzwa ku Anoni kusika kumulonga wa Jabbokki, mbuli nyika yabantu ba Amoni.Lino mugaano wabantu ba Amoni wakayakilwa. ²⁵ Izilayeli wakabweza madolopo woonse aa Amolayiti akukkala muli woonse, kubikkilizya Heshibboni abamwi boonse bamuminzi. ²⁶ Heshibboni lyakali dolopo lyamwami Sihoni waku Amolayiti, wakalwana chakulwisya mwami wa Mowabbu wakinda .Sihoni wakabweza nyika yoonse kuzwa kuchilawo chakwe kuyosika kumulonga wa Anoni. ²⁷ Nkinkako abo baambula mutusimpi bati ,'' muze ku Heshibboni. ²⁸ Muleke dolopo lya Sihoni liyakululwe akwimizigwa lubo. Mulilo ungandama kuzwa ku Heshibboni,Ibbalabala kuzwa mudolopo lya Sihoni lyakanyonyona Ar ya Mowabbu, alimwi banaayo bakumasena aajuiu a Anoni. ²⁹ Maawee kulinduwe, Mowabbu! Wanyonyonwa, bantu ba Kkimoshi. Mwaalumi wakachita bana bakwe balombe kuti bachije kabaya buchijana, alimwi bana bakwe basimbi bayooba basungwa ba mwami waSihoni wa Amolayiti. ³⁰ Pesi twakazunda Sihoni. Heshibboni wapazuulwa kuyosika mu Dibboni. Twakazunda boonse kuyosika mu Nofa, isika ku Medibba.'' ³¹ Aboobo Izilayeli wakatanguna kukkala munyika ya ba Amolayiti. ³² Kuzwawo Mozesi wakatuma baalumi kuyolanga Jaza. Bakabweza yabo akutandania ba Amolayiti bakali mumo. ³³ Mpawo bakapiluka akuya amugwagwa wa Bbashani. Og mwami Bbashani wakazwa chikazyania ambabo, mwami abasilumamba bakwe, bayolwisya ku Edileyi. ³⁴ Kuzwawo Jehova wakati kuli Mozesi,''mutamuyoowi, nkaambo ndamupa kuti mumuzunde basilumamba bakwe boonse, anyika yakwe. Chita kuli nguwe mbuuli mbwakachita kumwaami Sihoni wa Amolayiti, wakakkede ku Hesibboni.'' ³⁵ Aboobo bakamujaya, bana bakwe balombe, abasilumamba bakwe boonse, kusikila kakutachikwe wabantu bakwe wakachaala kapona. Mpawo wakabweza nyika yabo.