¹ Bantu ba Izilayeli bakeenda kusika bakukkala mumbuwa za Mowabbu afwifwi a Jelikko, kuli limwi bbazu lya Mulonga Jodani kuzwa ku chisi. ² Bbalakki mwana mulombe wa Zipoo waakabona zyoonse ba Isilayili nzibakachita kuba Amoni. ³ Mowabbu wakayoowesya loko kubantu nkaambo bakali biingi, alimwi Mowabbu wakali muku kankama loko kubantu ba Izilayili. ⁴ Mwami wa Mowabbu wakali mupati ba Midiyeni,'' inkamu eeyi iyolya zyoonse zili akati kesu mbuuli musune mbuulya sokwe mumuunda.'' Lino Bbalakki mwana mulombe wa Zipo wakali mwami waba Mowabbu kuchiindi eecho. ⁵ Wakatma batumwa kuli Bbalamu mwana mulombe wa Bbiyo, uliku Peta ulikubbazu lyamulonga wa Ifulesi, ilimunyika yachisi chakwe abantu bakwe. Wakamwiita wati,'' Langa, chisi chasika ano kuzwa kuzwa ku Ijipiti. Bavumba busyu bwanyika alimwi balimunsi kuli ndime. ⁶ Ikaka boola lino akunditukilila chisi eechi, nkaambo balaanguzu loko kuli ndime. Ambweni inga ndilakonzya kuba lwanisya akubatanda aanze munyika. Ndilizi kuti abo mbolongezya bayolongezegwa, boobo mbutuka bayootukwa.'' ⁷ Aboobo bapati ba Mowabbu alimwi abapati ba Midiyeni bakazwa, kababweza mbaddala yabusondi. bakaza kuli Bbalamu alimwi bakaambula kulinguwe majwi a Bbalakki. ⁸ Bbalamu wakati kulimbabo, ''Mukakkale aano mansiku aasunu. Ndiyoomweetela eecho Jehova nchataambe kulindime.'' Aboobo bazululi ba Mowabbu bakakkala a Bbalamu mansiku aayo. ⁹ Leza wakasika kuli Bbalamu alimwi wakati, ''Mbaani baalumi aaba bakazinde kulinduwe?'' ¹⁰ Bbalamu wakasandula Leza, ''Bbalaki mwana mulombe wa Zipo, mwaami wa Mowabbu, wabatuma kulindime. Wakati, ¹¹ 'Langa, bantu bazwa ku Ijipiti balavumba aatala lyanyika yangu. Lino sika alimwi ubatuke nkaambo kangu. Ambweni ndiyookonzya kuyobalwana alimwi akuyobatandaania.''' ¹² Leza wakasandula Bbalamu,'' Twelede kweenda abaalumi aabo. Tweelede kutuka bantu ba Izilayili nkaambo bakalongezegwa.'' ¹³ Bbalamu wakabuka kuchifumo akuti kubazulwidi ba Bbalakki, '' mubweede kunyika yanu nkaambo Jehova wakaka kundizumizya kwiinka andinywe,'' ¹⁴ Eelyo bazulwidi ba Mowabbu bakabuka babweda lubo kuli Bbalakki. ''Bakati, ''Bbalamu wakaka kuza andiswe.'' ¹⁵ Bbalakki wakatuma lubo bambi bazulwidi bakali kwiinda kunembo mukulemekwa kwiinda nkamu yakusaanguna. ¹⁶ Bakasika kuli Bbalamu akwaamba kuli nguwe kuti,'' Bbalakki mwana mulombe wa Zipoo waamba Eechi,' Ikaka kutabi chimwi webo chikwiimikizya kusika kuli ndime, ¹⁷ nkaambo ndiyokufozya kabotu zyiindilide akukupa bulemu bupati, alimwi mebo ndiyochita kufumbwa chubuzya ndime kuti ndichite. Aboobo boola alimwi unditukilile bantu aaba.''' ¹⁸ Bbalamu wakasandula nkati kubaalumi ba Bbalaki, 'Nekuba mebo Bbalakki wandipa nganda yakwe izwide nsiliva angolide , ime nsyelede kweenda kunembo kajwi lya Jehova, Leza wangu, akuchita ziche nazindilide kwinda nzyambila ndime. ¹⁹ Lino mpawo, ikaka mwimikile lubo aano mansiku, kwitila kuti ndikabe kandiya kufumbwa chiindi Jehova nchambila ndime.'' ²⁰ Leza wakasika kuli Bbalamu mansiku alimwi wakati kulinguwe, '' Mbunga baalumi aaba basika kuzokwita buka alimwi winke aabo. Pesi uchite biyo ezyo nzindakubuzya kuchita.'' ²¹ Bbalamu wakabuka kuseni, wagada mbongolo yakwe, alimwi wakiinka aabazululi ba Mowabbu. ²² Pesi nkaambo wakiinka, kunyema kwa Leza kwakabusigwa. Mungelo wa Jehova wakalyiimika mumugwagwa mbuli umwi sikulwana a Bbalamu, wakagede mbongolo yakwe. Balanda ba Bbalamu babili bakali anguwe lubo. ²³ Mbongolo yakabona mungelo wa Jehova kayimvwi mu mugwagwa apanga lyakwe kalili mu luboko lwakwe. Mbongolo yakazwa mu mugwagwa alimwi yakanjila mu muunda. Bbalamu wakuuma mbongolo kuti imubweedezye mu mugwagwa. ²⁴ Mpawo mungelo wa Jehova wakiimikila munzila iimanikide aakati kamyuunda yamasansa, kakuli bulambo kulubazu lwakuchilisyo chakwe alimwi bumwi bulambo kuchimwensi chakwe. ²⁵ Mbongolo yakabona mungelo wa Jehova alubo. Yakaya kubulambo akumanikizya kuulu kwa Bbalamu kulimbubo. Bbalamu wakayuuma alubo. ²⁶ Mungelo waJehova wakayinka kunembo akwiima alibumbi busena bumanikide ookokwakatalikwe mweenya wakuchebukila kufumbwa kulilimwi bbazu. ²⁷ Mbongolo yakabona mungelo waJehova, akulala munsi lyaBbalamu. Lunyemo lwa Bbalamu lwakabuka, alimwi wakawuma mbongolo amufunko wakwe. ²⁸ Mpawo Jehova wakajula mulomo wambongolo kuti yaambule. Yakati kuli Bbalamu, ''Ndachita nyamanzi kulinduwe zyakupa kuti unduume tutatu?'' ²⁹ Bbalamu wakasandula mbongolo, ''Nkukuti wakachita chabufubafuba andime. Nsinga ndakali aapanga muluboko lwangu. Nsinga lyakaliwo, ninga ndakakujaya.'' ³⁰ Mbongolo yakati kuli Bbalamu, ''Tensi ndilimbongolo yako na ndiwakagada buumi bwako boonse kusika buzuba obuno? Ndakali ndayanda kuzichita na eezi limwi zuba?'' Bbalamu wakati, ''Pe.'' ³¹ Mpawo Jehova wakajula meso a Bbalamu, elyo wakabona mungelo wa Jehova ulimvwi mumugwagwa apanga kajisi mujaanza lwakwe. Bbalamu wakavundama aansi akuvundamisya busyu bwakwe. ³² Mungelo wa Jehova wakati kulinguwe, '' Nkambonzi nwawuma mbongolo oobu tutatu Langa , ndaza umwi ulabukali kulinduwe nkaambo nchito zyako kunembo lyangu nzibi. ³³ Mbongolo yandibona akuleya kuzwa kulindime ziindi ezi. Nansyo tiyakaleya kuzwa kulindime, iloko ndalikukujeya akuvuna buumi bwayo.'' ³⁴ Bbalamu wakati kumungelo wa Jehova, ndabisya. Tendalizi kuti uliimvwi akati akati kanzila . Aboobo uno, na tachikubotezyi webo, ndila bweeda musule.'' ³⁵ Pesi mungelo wa Jehova wakati kuli Bbalamu, '''kuya kunembo a baalumi. Pesi weelede biyo kwamba majwi ngindakwaambila.'' Aboobo Bbalamu wakayinka abazululi ba Bbalakki. ³⁶ Eelyo Bbalakki nakamvwa kuti Bbalamu wakali wasika, wakazwa aanze kuyooswanana aanguwe kudolopo lili mu Mowabbu ku Anoni, lili kumugaano. ³⁷ Bbalakki wakati kuli Bbalamu,'' Tindakatuma baalumi na kuli nduwe kuti bakwiite? nkaambonzi nutakasikide? Tandikonzyina kukulemeka ?'' ³⁸ Mpawo Bbalamu wakasandula Bbalakki,'' Bona, ndaza kuli nduwe. Tandikwe na lino nguzu zyakwaamba kufumbwa chilibiyeeni? Ndikonzya kwamba biyo majwi Leza ngakabika mumulomo wangu'' ³⁹ Bbalamu wakeenda a Bbalakki, akusika ku Kiliyata Huzoti. ⁴⁰ Mpawo Bbalakki wakachipayizyo chabasune ambelele akupa nyama kuli Bbalamu abazulwidi mbaakali aabo. ⁴¹ Chifumo, Balakki wakatola Bbalamu kubusena bulaatala bwa Bbaali kuzwa awo Bbalamu nkwalikukonzya biyo kubona chibeela chaba Izilayeli kumusansa wabo.