¹ Aboobo bantu ba Izilayeli, iluundu loonse lwakayinka munkanda ya Zini mumweezi mutaanzi, bakaakukkala muKkadesi oko Miliyemu wakaakufwa alimwi nkwakazikilwa. ² Teekwakali maanzi pe aalundu, aboobo bakabungana aantomwe kuli Mozesi a Aloni. ³ Ibantu bakangunguna kuli Mozesi bakati,'' chakali chibotu ninga twakali fwide andiswe awo beenzuma ma Izilayeli nibakafwa kunembo lya Jehova! ⁴ Nkaambonzi niwakeeta lundu lwa Jehova munkanda eeyi kuti bazoofw iswe abanyama besu? ⁵ Nkaambonzi iwe niwajkatuchita kuti tuzwe ku Ijipiti akutweeta kubusena buyoosya ? Aboobo takwe busena bwe mbuto, nkuyu, misaansa, pomagilenada, alimwi taawe maanzi aakunwa.'' ⁶ Aboobo Mozesi a Aloni bakeenda kuzwa kunembo lya mbungano. Bakaya kumulyango wa tente lyakubunganina alimwi wakalala akuvundama akumenso. Nkuko bulemu bwa Jehova bumwekamweka nkubwakaakuli bonia kuli mbabo. ⁷ Jehova wakaambula kuli Mozesi kuti,'' ⁸ Bweza mufunko akubungaania luundu, Iwe a Aloni mukkulana wako wachaalumi. Mwaambule kubbwe kunembo lya menso aabo, alimwi ulilayilile kuti likkunke maanzi. Muyoogwisya maanzi aabo kuzwa kubbwe eelyo, alimwi mweelede kuyowapa kuluundu akubanyama babo kuti banywe.'' ⁹ Mozesi wakabweza kafunko kuzwa kunembo lya Jehova, mbuuli Jehova mbwaakamulayilila kuti achite. ¹⁰ Eelyo Mozesi a Aloni bakabungania luundu aantomwe kunembo lya bbwe. Mozesi wakati kulimbabo ,'' Amuswiilile lino, inywe nimupapila. Tweetena maanzi kuzwa kubbwe eeli kuli ndinywe?'' ¹¹ eelyo Mozesi wakanyampula kuboko kwakwe akuuma bbwe tubili amufunko wakwe, alimwi maanzi miingi akazwa. Luundu lwakanywa azivuubwa zyabo zyakanywa. ¹² Mpawo Jehova wakati kuli Mozesi a Aloni,'' nkambo inywe temwandisyoma kana kundilemeka mbuuli kusalala mumeso abantu ba Izilayeli, tokoyosisyape imbunga munyika njindakapa.'' ¹³ Obu busena bwakayitwa kuyi maanzi a Melibba nkambo bantu ba Izilayeli batongawuka a Jehova nkuko, alimwi wakalitondeezya lwakwe kuli mbabo mbuuli busalali. ¹⁴ Mozesi wakatuma batumwa kuzwa ku Kkadesyi kumwaami wa Idomu : Mukkulana wako Izilayeli wakaamba eechi: ''ulibwizi boonse buyumuyumu obo bwakatuchitikila. ¹⁵ Ulizi kuti basikale besu bakaselukila ku Ijipii babatuvuba chabuyumuyumu alubo abasikale besu. ¹⁶ Elyo nitwakayita kuli Jehova, wakamvwa majwi eesu alimwi wakatuma angelo akutugwisya ku Ijipiti. Langa, tuli mukkadesyi, Bolopo lili kuma golelo anyika yanu. ¹⁷ Ndikukukkumbila kuti mutuleke twiinde munyika yako.Tatukooyinda mumaanda pe kana kumi saansa, nikuba kunwa maanzi muzikkala zyako. Tuyooyenda nkatutobezya mugwagwa waku mwaami. Tatukoyookkona nikuba kulubazu lwaluboko lwalulyo na kulumweensi kusikila tukayinde kumagolelo aanyika yanu.'' ¹⁸ Pesi mwaami wa Idomu wakamusandula,'' Tamukooyinda oomuno. Na mwachita, Ndasika apanga kuzoomulwisya.'' ¹⁹ Mpawo bantu ba Izilayeli bakati kuli nguwe,'' tuyooyinka katutobelezya mugwaagwa. Na swe kana banyama besu kuti banywa maanzi ako, tuyobbadala.Tulekele biyo twiinde nkatwiinda amawulu, nkatutachitide kufumbwa chintu chimbi.'' ²⁰ Pesi mwaami wa Idomu wakasandula,'''Tamukooyinda pe.'' Aboobo mwami wa Idomu wakeza akwiiminana a Izilayeli aluboko lulaanguzu abasilumamba banji. ²¹ Mwami wa Idomu wakakaka kubazuminina ba Izilayeli kuti batimbule kabayinda kumagolelelo abo. Nkambo ka cheechi Izilayeli wakanyona akuzwa kunyika ya Idomu. ²² Aboobo bantu bakeenda kuzwa ku Kkadesyi. Bantu ba Izilayeli, luundu loonse, lwakasika kuchilundu cha Ho. ²³ Jehova wakaambula kuli Mozesi a Aloni kuchilundu cha Ho, kuma goleloa Idomu wakati,'' ²⁴ Aloni weelede kuyoboloka kubantu bakwe, Lino tokoyoonjila pe munyika eyo njindakapa kubantu ba Izilayeli. Echi nchenchicho nkaambo inywe moonse mwapapa kwiiminana ajwi lyangu kumaanzi a Melibba. ²⁵ Bweza Aloni a Eliyaza mwana mulombe wakwe, alimwi ubeete ataala kuchilundu cha Ho. ²⁶ Ugwisye Aloni magemesi aabupayizi kuli nguwe alimwi waasamike ali Eliyaza mwana mulombe wakwe. Aloni kufwa alimwi ayobolwe kuli nguwe abantu bakwe nkuko.'' ²⁷ Mozesi wakachita mbuli Jehova mbwakamulayilila. Bakatanta atala lyachilundu cha Ho kunembo lyamenso aluundu loonse. ²⁸ Mozesi wakatola zikobela zyakusama zya Aloni zyabantu ba payizi kuzwa kuli nguwe akuzisamika ali Eliyaza mwana wakwe mulombe. Aloni wakafwa nkuko aatala lya chilundu.Mpawo Mozesi a Eliyaza bakaseluka. ²⁹ Elyo luundu lyoonse nilwakabona kuti Aloni wafwa, chisi choonse chakalila Aloni kwamazuba ali makkumi otatwe.