¹ Eelyo Jobbu wakasandula akwamba kuti, ² ''Akaka, kansinga machise angu akeelwa biyo; Kansinga penzi pati lyangu lyalikkwa achipimyo! ³ Kwalino lyayinoba lilema kwinda seele lyamundwizi. Nchinchicho majwi angu akali abiyo. ⁴ Nkambo tuunta twamupati kampatila tuli muli ndime, muuya wangu ulanywa buyoka; kukwila kwa Leza kwakalibamba kakutobelezyaana atala andime. ⁵ Ndonki yamulusaka inga ilalila chakubulikwa bulangizi na kakuli kuti lilabwizu? Naa kuti musune unga ulalila munzala na kakuli kuti ulachakulya? ⁶ Eecho chitanoni inga chilaligwa na kachitakwe mwinyo? Nakuti kuli bunono na mubutuba bwa jii? ⁷ Ndakakaaka kubaguma; balimbuli kulya kusesemya kulindime. ⁸ Akaaka, kuti ndibe achikumbizyo changu; akaaka, kuti Leza uyondipa chintu nchiyandula: ⁹ kuti chikabotezye Lezakukupwayulwabiyo, kuti akangunune janza lyakwe akundinunsula kuzwa kubunini oobu! ¹⁰ Eechi aboobo ngachibe chuumuzyo chaangu - nikuba ndilakondwa kumachise aayo aatacheyi: eecho nsikakakide majwi awu Salala Uumwi. ¹¹ Niinzi nguzu zyangu, kuti ndikeezye kulinda? Niinzi majinkilo aangu, kuti ndikalampye buumi bwangu? ¹² Inguzu zyangu ninguzu zyamabwe na? Naa kuti nyama ninguzu ibumbidwe amukuba na? ¹³ Teensi nchoonzyo na kuti tandikwe lugwasyo mulindime, akuti busongo bwakagusigwa kuzwa mulindime? ¹⁴ Muntu wamba kufwa, busyomesi bwelede kutondezegwa amwenzinyina; nekuba kuliyooyo utakaakata benjofu bwasinguzu zyoonse. ¹⁵ Pesi bakwesu bakalisyomekede kuli ndime mbuli mufolo wamunkanda, ¹⁶ mbuli kalonga kamanzi ako kayinda chabuyo, ikakasizigwa ampeyo aatala angawo, alimwi nkambo kaluume lwakalibumba lyakaliyuika mulimbabo. ¹⁷ Nilyakayaaya lilamwayika; na kulapya, lulayeemuka kuzwa abusena bwabo. ¹⁸ Mpuumba ezyo zyeenda munzila zipaambukila manzi; balatuntulika munyikaitagwisyi chintu mpawo balafwa. ¹⁹ Mpuumba zyaku Tema zyakalanga nkuko, kakuli kuti inkamu zyaku Syebba kazili abulangizi muli nzizyo. ²⁰ Bakabijilwa nkambo bali syomede kuti balajana meenda. Bakeenda nkuko, pesi bakeenwa. ²¹ Kwalino nywebo benzuma muli chintu biyo kuli ndime; mulabona bube bwangu buyoosya mpawo mwayoowa. ²² Kuli nindakaamba kuti naa kuli ndinywe, ''Mundipe chintu nakundipa chipo kuzwa kubuvubi bwanu' ²³ na, 'Mundivune kuzwa kujanza lyasinkondoma' naa, kundidyamizya kujanza lyabadyaamizyi'? ²⁴ Ndiyiisye, alimwi ndiyojata luumuno lwangu; ndichite ndimvwisisye mpondakabisya. ²⁵ Achisa biyeni majwi alusinizyo! Pesi inkazyanio zyanu, zindichibula biyeni? ²⁶ Mubamba kunyansya majwi angu na, kobweza majwi amuntu wabulikilwa luuwo? ²⁷ Nchoonzyo, mulawuma nkakata kumwana utakwe wisi, akukazyania amwenzinyokwe mbuli chakusambala. ²⁸ Nkiinkako, lino, akaka mulange kuli ndime, nkambo kasimpe nsikonzyi kubeja kubusyu bwenu. ²⁹ Muleke, ndamukombelezya; kutabi kutalulama andinywe; Nchoonzyo nkambo kwiita kwangu kuliluleme. Kuli bubi na alulimi lwangu? ³⁰ Sena mulomo wangu tukoonga ulamvwa zitalikabotu na?