¹ Lino koyita; kuli uumwi na uutakakuvwiile? Kuli iili uusalala nguyootobela? ² Nkaambo kunyema kujaya mwaalumi chifubafuba; bbivwe lijaya chimpulungwe. ³ Ndakabona mntu chifubafuba kasimpa miyanda, pesi ndakatuka muunzzi wakwe chakufwambaana. ⁴ Bana bakwe bali kule akukwabililwa; balipwayawidwe kumulyango wadolopo. Takwe naba womwe sikubavuna. ⁵ Basinzala balalya butebuzi bwabo; balabubweza nikuba kuzwa aakati kamwaamvwa. Basinyota bayoofwekembula buvubi bwabo. ⁶ Nkaambo buyumuyumu tabuzwi aanze pe mumuseele; nikuba mapenzi taameni kuzwa aantundubwi. ⁷ Pesi muntu uzyalilwa mapenzi, mbuli nsasi mbiyuulukila kujulu. ⁸ Pesi ndiyoosandukila kuli Jehova lwakwe; kulinguwe ndiyoobika kaambo kangu - ⁹ ooyo uuchita zintu zipati zitafunkulukiki, zintu zibotu zitabaliki. ¹⁰ Ulanda mvula munyika, akutuma maanzi mumyuunda. ¹¹ Uchita eezi kuti atansike aajulu aabo bali aansi; kubanyampula akubakwabilila aabo balila. ¹² Ulamwaya mabambe aabantu bazi milimu ya maboko, kuti maanza aatakonzyi kuchiti chizwidilila. ¹³ Ulacha basongo mumilimu yanchito zyamaboko aabo; mabambe aabantu banyongene alafwambanisigwa kusisigwa kumamanino aabo. ¹⁴ Balaswaanana amudima zuba kalibala, akuumpulika sikati aanga mansiku. ¹⁵ Pesi ulavuna muntu muchete kuzwa kupanga kumilomo yabo, awubula kuzwa kujaanza lyabantu bali aanguzu. ¹⁶ Aboobo muntu uufwaba uli aabulangilizi, alimwi bataluleme balamuumuzya. ¹⁷ Langa, ulilongezegelwe ooyo Leza ngwazyotolola; aboobo utanyansyi kululamikwa a Singuzuzyoonse. ¹⁸ Nkaambo ulayasa mpawo waponia; ulayasa mpawo maboko aakwe alaponia. ¹⁹ Uyookuvuna kuzwa mumapenzi aali musanu alimwi; nchoonzyo, mumapenzi ali musanu aabili, takwe bubi buyookuguma pe. ²⁰ Munzala uyokuvuna kuzwa kulufu, amunkondo kuzwa kumaboko aapanga. ²¹ Uyoosisikana kuzwa kung'ondo yalulimi; alimwi tokoyooyowa lunyonyooko nilusika. ²² Lunyonyooko a bbalangwe uyooziseka. Tokoyoyoowa banyama bamusokwe. ²³ Nkaambo uyooba aachizuminano amabwe aali mumuunda wako, abanyama bamusokwe bayooba a luumuno anduwe. ²⁴ Uyoziba kuti tente lyako lilikwabililidwe; uyoswaya mbelele zyanko alimwi takwe nchotakabule pe. ²⁵ Uyooziba lubo kuti mbuto yako iyooba mpati, kuti lunyungu lwako luyooba mbuli masokwe aanyika. ²⁶ Uyoosika kukabanda kako muminyaka iizulide, mbuli chilwi chamisunta yazilyo eecho chiinka kujulu muchiindi chayo. ²⁷ Bona, twayilangisisya nkani eeyi; ili mbuboobu; iswiilile alimwi uyizibe.''