¹ Mpowo Elifazi mu Temanete wakasandula akuti, ² na umwi weezya kuti awambule anduwe, sa uyoba utalindili? Pesi ngwani ukonzya kukwambula? ³ Bona, wakalayilila biingi; wakasimya batete maboko. ⁴ Majwi ako akagwasizya kufumbwa wakali kuwa; wakasimya kuteketa kwamazwi. ⁵ Pesi lino mapenzi asika kulinduwe , alimwi ulongedwe; zyakujata webo; alimwi wapengana. ⁶ Teensi kuyowa kwako teensi kusyoma kwako, anzila yakusyomeka kwako bwabulangilizi bwako? ⁷ Yeeya ataala azezi, wenche :Ngwani wakanyonyonwa elyo katakwe katakwe mulandu? Na mbaani bantu baluleme bakajayigwa? ⁸ Mbuli mbondakabona, abo basyanga bubi alimwi babyala mapenzi balatebula mbubo. ⁹ Akuyoya kwa Leza balafwa; abukali bwakwe balaligwa. ¹⁰ Kuvuluma kwamulavu; ijwi lyamulavu uyoosya, menyo abana baba lavu - alatyoka. ¹¹ Balavu bachembede balafwa nkaambo kakubula zyakujatwa; bana bamulavu muzyazi balamwayisigwa koonse koonse. ¹² Lino amwi majwi akeza chakusisikizya kuli ndime, alimwi kutwi kwangu kwakatambula kuvwiyavwiya kwalyo. ¹³ Mpawo kwakasika mumiyeyo kuzwa kuzilengano mansiku, eelyo ngozi mpati niziwida bantu. ¹⁴ Kwakali mansiku eelyo kuyowa akukankama nekwakaba ataala alindime, alimwi woonse mafuwa angu akateketa. ¹⁵ Mpawo muuya wakiinda kunembo lyabusyu bwangu, alimwi isusu lyanyama yangu lyakanyanyamuka. ¹⁶ Awo muuya wakiima nji, pesi takwe pe nendakawuziba chiimo chawo. Chiimo chakali kunembo lyameso angu; kwakalikumuna, alimwi ndakamvwa ijwi kalyamba kuti, ¹⁷ '''sena muntu ufwika nga ulalulama kwiinda Leza? sena muntu ulasalalisya kwiinda mulengi wakwe? ¹⁸ Laanga, na Leza tabiki kusyoma kubalanda bakwe ; na ulapa mulandu kubangelo bakwe bafubafuba, ¹⁹ uyeeyanzi loko kuti kuti nisimpe kuli abo bakala mumanda abulongo, njiyani intalisyo ilimuvu,bapwayika mbuli pempe? ²⁰ Akati kachifumo golezya balanyonyonwa; balafwidilila kwalyoonse katakwe naba omwe ubayeya limbi. ²¹ Tazili ntambo zyakadunsulwa akati kabo?Balafwa; balafwa kabatakwe busongo.